قطة في عالم أُسود

Part4

..
مريم خدت التليفون وبعدت عن سارة..
مريم : الو '. ايوه ازيك ي هند..

هند وصوتها واضح عليه الزعل:الو ي مريم..

مريم : أخبار محمود دلوقت ايه؟

هند بعياط:البقية فـ حياتكــ ي مريم..

مريم بدأت دموعها تنزل:معلش يا حبيبتي الله يرحمو.. انا لله وانا اليه راجعون..

هند :ربنا يرحمو بس.. لو سمحتي يا مريم طلب صغير بس سارة متعرفش ماشي؟

مريم :بس اكيد هتعرف ف يوم من الايام..

هند: ايوه بس مش دلوقت يا مريم..وحاولي متفكريش ف الموضوع دا ونتي قاعدة قدامها..

مريم :حاضر يا هند..

هند: معلش بس عارفة اني تاعباكي معايا..

مريم :يا هند والله ما ينفع اللي انتي بتقوليه دا خالص.. قوليلي بس هتعملي ايه دلوقت ونا معاكي بكل اللي عندي والله.. وبنتك هيا بنتي..

هند: موضوع الدفنة وكدا انا حجزت اول طيارة رايحة مصر و هروح بس سارة تفضل عندك شوية.. خالها نازل بعد اسبوع هديه عنوانك ييجي ياخد سارة ماشي؟

مريم :حاضر.. خدي بالك من نفسك يا حبيبتي..

هند :متقلقيش.. يلا مع السلامة..

مريم : مع السلامة..

مريم رجعت للسفرة وهيا بتمسح دموعها.. استغربت بقت سارة بتعيط..

مريم ف نفسها:هيا حست واللا ايه؟

مازن:ماما ماما سارة بتقول ان باباها مات.. هوا فعلا مات؟

مريم :لا مين قال كدا؟ باباها كويس الحمدلله..

سارة:متحاوليش تكذبي عليا يا طنط مريم 😢 انا سمعت كل حاجة..

مريم :سمعتي؟!  سمعتي ايه ي ماما؟ 😨

سارة :سمعتك ونتي بتقولي لماما انا لله وانا اليه راجعون.. مش دي بتتقال لما حد بيموت؟

مريم :اه يا حبيبتي بس .....

سارة بتعيط بحرقة أكتر:وديني عند بابا بليز 😭

مريم عيطت لعياطها : يا حبيبتي قولي ربنا يرحمو وادعيلو بس وان شاء الله تشوفيه ف الجنة وتبقو مع بعض تاني..

سارة بصتلها وبدأت تهدى..

مريم :ماما سافرت وخالو بعد اسبوع هيعدي ياخدك معاه ف السفر.. بس عاوزاكي طول الاسبوع دا متعيطيش وتدعي لبابا ونتي بتصلي اتفقنا يا حبيبتي؟

سارة بابتسامة خفيفة عشان ترضي مريم :حاضر ي طنط 😊

عدى الأسبوع و كانت سارة كل يوم بتنسى عن اللي قبله.. و اتعلمت كمان إنها مش اي حاجة بتسمعها تبقا صوت بشري..  اتعودت انها الأفكار اللي بتسمعها تخليها بينها وبين نفسها.. و متقولش لحد عن اللي بتسمعو..
وفـ اليوم الموعود الساعة 10 الصبح جرس بيت مريم وكان خال سارة عالباب..

مريم :اهلا اتفضل يا محمد..

محمد:اهلا ازيك يا مريم.. ميرسي..

ودخل...

سارة اول ما شافته جريت عليه وحضنتو.. وف اللحظة دي افتكرت باباها ف بدأت تعيط.. محمد شالها وحضنها جامد وقال لها :
يا حبيبتي بتعيطي ليه دلوقتي؟ طنط مريم قالتلي انك كنتي شطوورة ومعيطتيش خالص الأسبوع دا..

سارة :اصل بابا وحشني اوي.. وماما مش هتسامحني أبدا..

محمد باستغراب:ليه يا حبيبتي؟

سارة:عشان انا السبب ف موتو..

محمد: لا طبعا بس ربنا كاتبلو انو هيروح مكان احلى من دا بكتير..شدي حيلك وادعيلو وانتي أن شاء الله هتشوفيه..وهتشبعي منو كمان..

سارة:حاضر  ي خالو..

محمد :يلا جاهزة نروح؟

سارة:يلا.. بس استنى..

سارة دخلت أوضة مازن لقتو بيعيط..

سارة:في ايه ي عم مازن في رجالة بتعيط واللا ايه؟

مازن مسح دموعو بسرعة..

سارة:ايون كدا امسحها عشان متتريقش عليك.. بتعيط ليه بقا؟

مازن:هتوحشيني اوي يا سارة.. انتي احلى أخت ممكن اشوفها..

سارة مسكت ايده.. و قالتلو بصوت حنين:
ونتا احلى اخ ف الدنيا وانا بتمنى لؤي الصغنن يبقا جدع زيك..  وان شاء الله هنشوف بعض تاني ❤

مازن :أن شاء الله.. خدي بالك من نفسك..

سارة بهزار :قول لنفسك ''  دانا بمية راجل

الاتنين ضحكو..
سارة:يلا سلام بقا.. ❤

مازن :باي

سارة هتبدأ حياة جديدة من اول ما تطلع من حدود الإمارات وهتحصل لها مشكلة جديدة.. يا ترى مشكلة ايه؟
في البارت الجاااي