... أحب امسي عاللي بيقرو الرواية يعني و ع ناس معينة عارفين اني اقصدهم.. ربنا يخليهم ليا يارب هما اللي بيشجعوني اكتب ف الرواية اصلا..وكدا يعني.. 🙈💕
كنا وصلنا لما افترقو سارة ومصطفى وكل واحد فيهم راح المكان اللي كان رايحو..
عند سارة..
سارة دخلت أوضة العمليات اللي فيها فارس.. لقت خالته( طنط سهير) وكانت أول مرة تشوفها.. و باباه( اونكل تامر) ..
سارة : السلام عليكم.. ازي حضرتك يا اونكل؟ ازي حضرتك يا طنط..
تامر : الله يسلمك يا حبيبتي اتفضلي.. فارس من امبارح كان عاوز يشوفك..
سهير مالت على ودان تامر وقالتلو : مين دي يا تامر؟
تامر : دي سارة صاحبة فارس اللي عاوز يشوفها من امبارح..
.
سهير : اهاااا.. هي دي؟ بس لا وتكة..
تامر :احنا ف ايه واللا ف ايه يا ولية انتي؟
سهير:هههههههه..
تامر :سارة هنطلع نجيب اكل انا وطنط سهير ونيجي.. خدي بآلك من فارس كويس..
سارة مردتش واكتفت بابتسامة كان واضح اوي فيها خوفها على فارس..
تامر وسهير طلعو.... سارة قعدت جنب فارس و مسكت ايديه..
فارس فتح عينو..
فارس :سارة انتي هنا؟
سارة بتمسح دموعها : ايوه يا فارس انا جنبك اهو..
فارس :خليكي جنبي لآخر نفس يا سارة..
سارة بابتسامة وجع : ان شاء الله تقوم بالسلامة ومتحتاجش حد معاك يا فارس..
فارس : ماظنش اني هقوم.. بس اوعديني بـ حاجة..
سارة : بـ إيه؟
فارس :اوعديني تسمي اول ولد من ولادك فارس
سارة : ان شاء الله انتا اللي هتسميه ويقولك اونكل فارس..
فارس :هههههه فارس رامي..
سارة : رامي مين؟؟
فارس : رامي خطيبك..
سارة : انا فسخت الخطوبة يا فارس ومبفكرش ارجعلو تاني..
فارس : ليه بس؟
سارة :وقح😔 ومخو صغير اوي..
فارس : ههههه امال انا هموت وانتي مفيش راجل معاكي؟.. طب ايه رأيك تتجوزي ابن خالتي؟ هوا شبهي كذا حلو زيي ههههه
سارة بدموع : فارس متقولش هموت دي تاني يا فارس.. وبعدين انا متأكدة أن مفيش حد ف الكون شبهك وفـ حلاوتك دي.. قوم انتا بالسلامة بس ومش هتحتاج تدورلي على عريس 🙈💕
فارس : بصي.. مش عاوزك تزعلي يا سارة..انا بحبك ولو زعلتي انا مش هكون مرتاح فـ قبري..
سارة بمقاطعة:برضو قبري؟
