اليوم اللي بعدو.. سارة راحت لـ بيت فارس..طبعاً مكانش بيت عادي.. كان فيلا.. سارة رنت الجرس طلعلها واحد من الخدم اللي فـ البيت.. كان مجرد شاب مش كبير تقريبا 28 سنة 'وكان لابس بدلة سودة وكرافتة حمرة.. أول ما شاف سارة ابتسم وقال لها : حضرتكـ عاوزة مين؟
سارة : فارس موجود؟
الخادم: اها فارس باشا موجود.. اقول له مين؟
سارة : باشا؟ هههههه.. قول له سارة..
الخادم :حاضر.. ثواني..
(نده لـ فارس..)
الخادم: اتفضلي على ما ينزل..
سارة : شكراً..
فارس نزل على السلم الفخم وكان لابس طقم شيك محصلش و مسرح شعرو وعامل تسريحة حلوة أوي..
سارة : فارس؟
فارس : امال مين يعني؟ معرفتنيش؟
سارة: ههههه لا.. ايه يا عم الشياكة دي؟؟
فارس : انا برضو اللي شيك يا مزة؟
سارة : هههههه بس ياااض..
( فارس باس ايد سارة و شدها خدها لأوضته..)
فارس : امال فين لؤي؟
سارة : ماما قالت عندو واجبات ونا هتأخر.. بس اتصلت على رهف قلتلها تيجي..
فارس : لا رهف مش هتعرف تيجي..
سارة : ليه؟
فارس : اتصلت عليا قالتلي عندهم ظرف ف البيت..
سارة : اها.. يعني 'مش هينفع نشتغل النهاردة؟
فارس : انتي اصلا لو كنتي جبتي حد معاكي كنت هوزعو.. عشان هقول لك كلام كتير..
سارة : احنا عندنا مشاريع هنعملها..
فارس : المشاريع ممكن نعملها كل واحد لوحدو.. بس النهاردة احنا هنعرف بعض كويس..
سارة : بس احنا عارفين بعض كويس احنا زمايل بقالنا 3 سنين.
فارس : ومكنتش اعرف ان باباكي متوفي غير امبارح وبالصدفة بس..
سارة : ونا مكنتش اعرف ان مامتك متوفية برضو و ان رهف مش أختك غير امبارح بالصدفة كمان..
فارس: عشان كدا عاوز اعرفك اكتر..
سارة : طيب.. اسمي سارة محمود علي الجوهري.. مولودة يوم 4-9-1999.. عشت طفولتي فـ قرية جنب القاهرة لحد ما بقى عندي 5 سنين.. بعديها والدي الله يرحمو جالو عقد شغل ف الامارات.. فـ سافرنا انا ومامتي.. ونا عندي 7 سنين مامتي حملت ف لؤي و بعد ما ولدتو بـ اسبوعين بابا مات فـ حادث عربية.. انا ساعتها كنت عند طنط مريم صاحبة ماما.. وماما نزلت مصر وسابتني عشان الجنازة وكدا.. بعديها بشوية جيت مصر مع خالو.. مش مضطرة اقولك اني اتخطفت ف المطار بس الحمدلله عرفو يلاقوني ف اليوم دا.. منحوسة يعني وحياتي كلها كئابة.. بعد كدا استقرينا ف مصر وخالو بيحاول يعوضني حنان بابا اللي اتحرمت منو..
(وهيا بتتكلم دموعها كانت بتنزل.. وبعدين وقفت )
