فـ بيت هادي خالي من المشاكل حوالي الساعة 3 الفجر..
صوت تخبيط ع الباب والجرس اتحرق من كتر الرن..
حاتم : نعم؟! مين؟
وفجأة ومن غير اي مقدمات يتكسر الباب..
الظابط : انا الظابط أحمد عبدالعظيم من قسم الشرطة ومعايا إذن بتفتيش بيت حضرتك..
حاتم : تفتيش؟ لـ ايه يعني؟
الظابط : جاتلنا أخبار أن عندك شحنة مخدرات ف البيت..
حاتم : هههههه مخدرات؟
الظابط : اه مخدرات..
حاتم : طيب اتفضل فتّش..
الظابط :تمام..
العسكري :تمام يا فندم.. لقينا دي فـ المطبخ..
حاتم بصدمة: نعععم؟ دا اكيد مقلب..
الظابط : اتفضل معانا القسم وهناك تقدر تقول اللي انتا عاوزه..
حاتم : طيب..
عند سارة..
حوالي الساعة 4 بعد الفجر.. سارة كانت بتصلي وبتدعي ربنا من كل قلبها أنو يوفق لؤي فـ المصيبة اللي حصلت دي وان ولادها يرجعو سُلام..
وفجأة تليفون محمد رن..
سارة : ألو..
منة: ألو.. انتي مامة التوأم؟
سارة : اه انتي مين؟
منة : انا زوجة اللي خطفهم
سارة باندهاش : اييييه؟
منة : انا مش موافقاه فـ اللي هوا عملو صدقيني.. وحاولت اخليه يرجعهم كذا مرة بس هوا مبيسمعش كلام حد..
سارة : امممم.. طب ع الاقل قوليلي عنوانكو نيجي ناخدهم.
منة : آسفة مش هقدر.. بس ممكن اقابلك بكره فـ الحديقة العامة بس دا فـ حالة جوزي راح الشغل..
سارة : تمام.. حوالي الساعة كام كدا؟
منة : الساعة 1 تقريبا.. هرن عليكي ساعتها.. بس حاولي متعرفيش حد اني كلمتك ولا انك هتقابليني بكره..
سارة :تمام.. هستناكي..
منة : حاضر وعاوزاكي تطمني جداً ولادك انا واخدة بالي منهم كويس اوي..
سارة : حاضر.. يلا مع السلامة..
منة : مع السلامة..
طوووو'ووو''ووووو'''ووووو''''ط
عند عمرو..
منة: عمرو حبيبي هتتأخر عن الشغل..
عمرو: سيبيني نايم شويا انا مش هروح الشغل النهاردة..
منة بصدمة: نعم؟
عمرو بتأكيد: واخد اجازة النهاردة ومش هروح الشغل..
منة : اااا ااااا ليه؟ ليه كدا يا حبيبي انتا تعبان؟
عمرو : مرهق شويا وعاوز انام..
منة :اممم طيب يا حبيبي.. اسيبك نايم شويا بقا..
عمرو : لا استني رايحة فين؟
منة : هروح احضّر الفطار و اروح عند ماما..
عمرو: الولاد فين؟
منة : نايمين فوق..
عمرو: طيب تمام..
منة طلعت من الاوضة وقفلت الباب وراها وبسرعة طلعت التليفون واتصلت على سارة..
طوط طوط..
الرقم مشغول..
تاني مرة..
الهاتف الذي طلبته غير متاح..
بعد 5 دقايق بالظبط..
تليفون منة رن والرقم كان متسجل بـ اسم سارة.. منة استغربت وردت بسرعة..
منة بصوت مرتجف: ا الو..
سارة : الو.. خير في حاجة؟
منة : ازيك يا سارة؟
سارة : ايه هوا انتي عرفتي اسمي منين؟
منة بعد ما فهمت الموضوع : سارة هوا انتي مامة الولاد التوأم اللي عندي؟
سارة : انتي مش كلمتيني الفجر وقلتلك اني اه مامتهم.؟
منة : سارة انا منة..
سارة : منة مين؟
منة : منة صديقة الثانوية يا سارة.. مانو..
سارة بصدمة: اييييه؟ منة؟ لا دا مش رقم منة..
منة : دا رقمي الجديد اللي نسيت اديهولك يا سارة.. آسفة بجد ...
سارة : امممم.. طب ويطلع مين المحروس اللي خطف العيال دا؟ عمرو؟
منة : اه عمرو..
سارة : كنت طول عمري عارفة انو زبالة بس متوقعتش انو ممكن يعمل كدا.
منة :ولا انا والله اتوقعت.. بس ليكي عليا اجيبلك العيال النهاردة ف الحديقة زي ما اتفقنا وهتطلق منو بعدها ..
سارة : طب معادنا زي ما هوا؟
منة : لا هوا مراحش الشغل النهاردة.. ف تعالي دلوقت قبل ما يصحى من النوم..
سارة: طيب ثواني واقابلك هناك..
طووو'وووو''وووو'''ووووو''''ط
عمرو : منة انتي رايحة فين؟
منة: خلود صاحبتي قالتلي انها عاوزاني ضروري فـ هروح اشوف مالها..
عمرو : منة.. كل سنة ونتي طيبة يا حبيبتي..
منة : ايه دا انتا اول سنة تفتكر عيد جوانا..
عمرو : ومش بس كدا.. محضرلك مفاجأة..
منة: طب ممكن تنام شويا؟ انتا تعبان. 'لما تصحى اكون انا جيت من عند خلود ونشوف المفاجأة سوا.. ممكن؟
عمرو: حاضر يا حبيبتي.. لما تيجي صحيني..
منة : حاضر..
منة طلعت وقفلت الباب.. وبسرعة طلعت خدت فارس ومصطفى ونزلت ركبت العربية بسرعة وراحت ع الحديقة.. بس...
بس ايه اللي حصل؟ البارت الجاي ~
