قطة في عالم أُسود

Part24

مصطفى :اااا اصل يوم ما كنا عالبحر وجالك التليفون جبتي سيرة واحد كدا وكان واضح اوي انك خايفة عليه.. هوا اخوكي؟

سارة بحزن:تقدر تقول كدا..

مصطفى : اممممم حبيبك يعني؟

سارة : لا لا اخويا..

مصطفى : طيب تمام.. مبتفكريش تتخطبي دلوقتي؟

سارة : امممم..والله لو جتني فرصة كويسة صعب أرفض..

مصطفى بابتسامة : ربنا يوفقك.. ❤

سارة : شكرا.. اا عاوز حاجة..

مصطفى: سلامتك.. خدي بآلك من نفسك بس..

سارة : شكرآ 😊

سارة طلعت لقت بسنت واقفة مستنياها برا..

بسنت اول ما شافتها : ايه اللي حصل؟

سارة : ولا حاجة..

بسنت : عاوزة تفهميني انو مقالكيش حاجة؟ولا انتي قلتيلو حاجة..

سارة :قلتلك كذا مرة انو انا مينفعش ا...... (لسا هتكمل لقت بسنت باصة ناحية سارة بس فوقها بشوية باستغراب)

سارة : مالك يا بنتي؟

اتدورت وراها.. لقت مصطفى جه وقف قدامها و قال لها :

محبيتش أقول لك اني بحبك النهاردة يا سارة علشان خفت تعملي زي ما اي بنت بتعمل وتقول احنا لسا معرفناش بعض كويس والكلام دا.. بس انا ارتحتلك و أنا قلبي ملوش كبير.. 😉

سارة انصدمت و وقفت مش عارفة تتكلم باصة لمصطفى بس..

مصطفى بحزن : انا اسف لو كلامي دا زعلك.. بس بجد مشاعري دي من اول مرة شفتك فيها.. لو مش عايزاني افتح الموضوع تاني كان بها..

سارة برضو واقفة مبتتكلمش..

مصطفى :بسنت خديها روحيها النهاردة..في محاضرة مهمة بكره..ياريت متتأخروش..

بسنت : حاضر يا دكتور..

بسنت خدت سارة و مشيو..

بسنت : سارة مالك؟

سارة : ا ا ا ا هوا ب ب ب

بسنت : ايه؟

سارة : بيحبني؟!

بسنت : مش دا اللي قلتهولك؟؟

سارة :لا لا لسا مش مصدقة.. اقرصيني

بسنت : علفكرة هوا زمانو زعل.. ضيعتيه من ايدك يا غبية..

سارة : يااا ستي.. بكره اروح اعتذرلو..

بسنت : وتقوليلو انك بتحبيه..

سارة : لا لا استحالة..

بسنت : اوف منكـ..

عند مصطفى .. .. .. .. .. .. .. .. .. .. ..

مصطفى رجع البيت مرهق من اول يوم ليه فـ الجامعة وكمان مرهق من التفكير في اللي حصل مع سارة.. كان حاسس انو غلط جداً.. وخاف يخسر سارة.. فـ جاتلو فكرة... بعد ما دخل البيت..