#AKNDTula
Ang tulang ito’y para sa’yo—
Kahit na ika’y tuluyan nang lumayo—
Iniwan ang puso ko na tila mo binagyo.
Umaasang ang tulang ito’y muli kang maibabalik at ang dating tayo.Para sa’yo ang tulang ito—
Aking pagmamahal at pangungulila’y nakapaloob dito—
Sana’y muli kang magising at dating pagsinta’y maibalik nito—
At maalala mo ang pangakong “hindi ako iiwan” na tinaga mo pa sa bato.Handog ko sa’yo itong tulang aking sinulat.
Laman nito ang iniwan mo sa puso kong pilat.
Ngunit napagtanto kong wala nga pala itong magagawa upang mga mata mo’y muling maidilat—
Nagsayang lang ako ng kapirasong papel at tinta ng aking panulat.
BINABASA MO ANG
Ang Kwaderno Ni Dodong
AcakAng Kwaderno ni Dodong ay isang pagtitipon ng mga dagli, maikling istorya, tula, at sanaysay. Sumasalamin sa: pamilya, mga pangarap, mga kabiguan, kasaysayan, mga pusong sugatan, sistema ng bayan, at mga walang kwentang bagay.