ألاياعمري الفاني ألا ياحقي المسلوب
متى عيني بليل الياس لذيذ النوم يهناها
متى يحالفني الحظ ويصحح وضعي المقلوب
يعدل قسوة الأيام وغلطه مارتكبناها
::
::
::
غلا وانا احس جسمي كله يرجف من نبرة صوته.. اللي تغيرت ...احس بخوف ..الله يسامحك يبه انفكيت مني بطريقه بشعه ...آه وش اسوي وانفك منه حسيت براحه شوي يوم رجع جلس مكانه ...ناظرت السلك اللي في يدي صادق ذا ماهو سلاح ...بس وش اسوي ماعندي غيره ..رجعت بنظري ادور ..ابي شيء اقوى مافي غير زجاجة عطرر بس بعيده عني ...ولو تقربت
منها اكيد بيمسكني . ..قلت وانا اناظره كيف جالس يناظرني بنظرات كلها وقاحه وخبث قلت بسرعه يوم شفته يرجع يقوم من السرير وبصوت عالي : والله كلامي ماهو لعب ارجع اجلس مكانك وانا ارفع السلك اللي في يدي
سامي جلس على السريرر وهو فيه الضحكه جالس يعطيها ع عقلهاا الخبله ذي مصدقه حالها بقوه بعد انه خايف من هاللي في يدهاا يالله وش ورانا الليل طويل مصيري اوقعك ي خبله : اوك
وهذا حنا رجعنا جلسنا
غلا بقهر منه وبعصبيه أكثر :هذا اللي عندي قسم لو تقرب مني اذبحك واذبح عمري بعدك
سامي صراحه بدأ يتنرفز وهذا ماهو في صالحها وبسخريه : لا ي شيخه وهو يناظر شكلها انتي يالبزر تقدري تسوي كل ذا اقول اهجدي احسن
غلا وهي تهز راسها بقوه: ايه اقدر والله اقدر انت لسى ماتعرفني
سامي بقلة صبر : شلون يعني
غلا صرخت من قهرها : اسكت تكفى مابي اسمع صوتك
سامي ناظرهاا بحده : طيب وش تبي
غلا بعصبيه: مابيك والله مابيك
سامي رجع لبروده : طيب والمطلوب
غلا بقهر من بروده:المطلوب ابي ارجع بيت ابوي مابي اجلس ولا دقيقه في هالغرفه المعفنه
سامي ناظر الغرفه ورجع ناظرهاابرفعة حاجب : افاا غرفتي معفنه وبستهبال انتي وش فيك طايحه تذمر.. في غرفتي ترا اقولك من اللحين سيارتي وغرفتي.. خط احمر.. وابي اضمك لهن فديتك يالعصلا والله شكلي ابي اعزك اكثر منهن تعالي ي قلبي
غلا بقهر وانا اسمع كلامه الي يجيب الغثى ودليل على همجيته : ابي ارجع بيت ابوي مابيك
سامي اخخ اوم البلشه : روحي مايردك إلا الباب وهو ماسك ضحكته
غلا بسرعه شردت ناحية الباب وهي تسوي العبايه زين من بعد مابهذلها لها
سامي بسرعه وقف وتقدمهاااا وسحب المفتاح اللي كان موجود
يوم قفله ماسحبه منه ...
ودفهااا لوراء قال بقلة صبر:احوسك هناااا والله لو اشوفك تعتبي
برا هالغرفه وهوو يسحب السلك من يدهاا بعنف ورفعه ولا بذا علي ظهرك ومن الحين اقولك ماراح تستفيدي شيء من ذا كله فاخلينا
حلوين مع بعض احسن لاني جالس اسوي نفسي محترم عندك
وهذا بحد ذاته إنجاز مع عقلي ذا وهوو يشير لراسه
