لوتبي عمري قليل بيـن يـدك
وش تبي اكثر اطلب وأنا حاضـر
((منقوله ))
@
@
@
بسخرية ميلت فمها : قلت لي شوق الي سوته ماهو أنت وبعدين ي رجآل آخر وأحد يتكلم عن النذاله أنت لأنه مهما وصلت نذالة أخوي ماتوصل لنذالتك ي وليد على ان الي سواه مايرضيني ولا يرضي اي أحد بس نقطة في بحر من فعايلك وليتة برد كبدي في غير هالشيء بس دايم حنا الي نروح فيها بينكم ...بس الحجة ماهي عليك ولا عليه الحجة علي عمي وأبوي هم الي أعطونا لرجآل مايستاهلون وكل وأحد يقال يذوق الثاني بنفس الكاس
وليد جلس جنبها وهو عاض على شفته ..غبي ليه قال شوق طنش كلامها الأخير مالة وجهه يرد من أصلة وبعد صادقة بكل كلمة تقولها غلط بحقها كثير ولا هو قادر يبررر : انا الي قايل لها وكنت بس ابي ذوقها تعرفي هالشغلات تبي......
ريتآج رفعت يده وقاطعتة: أنت ولا شوق ماتفرق
عندي وابيك بس تفهم إني راجعة لك عشان احمي أخوي من تهوره الغبي
وليد هز رأسه وهو مبتسم بخبث :تكذبين ر يتاج راجعة لي عشان نفسك مستحيل تقدري تعيشي مع أحد غيري خلينا صرحين مع بعض ماراح يضرك شيء
ريتاج وقفت وهي متوترة أشلون يقدر يفهم الي داخلها من غير
ماتوضح وقفت بعصبيه من نفسها لهالدرجة مكشوفة قدامه وصرخت بعصبية : اي أكذب وصدق كذبك مثل العادة ماهو انت طول عمرك كذا أسلوبك تموت لو ماتكذب طبع فيك الله يكفينا الشر
وليد رفع حاجب : أولاً العصبية هذي مالها داعي وثانياً الفرحة بعيوينك ماتقدريها تخبيها عني ...
ريتآج حست بقهر أعطته ظهرها وبتوتر واضح بصوتها :عيش على هالخيال وكثر بعد اوك
وليد وقف وقابلها وببحه بانت بصوته :تكفين معاد فيني على هالصد والله ارتجي شوفتك وجلستي معك تكفين ي ريتآج خلاص يكفي الي مر من حياتنا لنا مقارب السنتين مع بعض وحنا في ردح ...ماتعبتي بالله
ريتآج طالعت عيونه لأول مرة تشوف الصدق بعيونه
بهمس:لو ترتجي على قولك كان سويت شيء تحركت أثبت لي مرة وحدة بس سويت شيء عشاني
وليد بصدق : والله كنت ابي رضاك ويوم ترجعي لي تكوني مبسوطه ماهو غصب وكنت بعطيك فرصة بس ماامداني طلع لي الي مايتسمى وقلب كل شي قالها بقهر وضحت بصوته
ريتاج بسخرية ميلت فمها:وآلحين رجعت لك غصب وطول
عمري بكون مغصوبه على حياتي معك وليد للأبد هذا حنا وهذي حياتنا على طول ...
وليد بضيق: هذا الي مابيه والله كان ودي ترجعي لي بخاطرك بس عندي أمل كبير ان لي مكانه بقلبك على الاقل شوي وراح تقدري تسامحني اناعارف نفسي أخطيت ثم أخطيت بس قلبك كبير عآرف وبيحصل لي عذر
ريتآج آه لك مكانه شوي ي شيخ أنت مالكه كله ماقدرت ارد عليه ...فعلاً قلبي معطيك أكثر من عذر الله يسامحه ماغيرة بهذلني معك ....
