مالي مزاج ومعجبتني الصده
وسكرت عن كل الكلام آذوني
ماني مع هذا ولاني ضده
انا مع نفسي ومع أحزاني
عند غلا
جالسه تتذكر ..مكالمة خالتها لها ...وهي تتطلب منها تحضر الزواج ...آه بكت يوم سمعت صوت خالتها تحبها .. وتدري بحبها لها ..وهي عارفه ايش اللي يمنعهاا ماتزوها ...وبعد
هالاسبوع كله وهي مخاصمه سامي ماتتكلم معه ابد...الا يوم قالت له انه خالتها عزمتها
شافته جالس على جواله يتفرج ...ويطقطق فيه..مثل عادته ..قالت بجمود: خالتي دقت علي وتقول تبيني احضر الزواج
سامي ناظرها : زواج مين
غلا وهي تعطيه ظهرها وتأخذ منشفه تبي تأخذ شور: زواج وليد
سامي ببرود: روحي مين ردك
غلا
ميلت فمها بسخريه ....مالت مسوي زعلان ...بدل ماتكون هي زعلانه ...
فاقت من تفكيرها على اتصال شوق تأكد عليها ...قفلت من عندها بعد ماوعدتها تحضر ....افف كيف تحضر وهذا حالها وبعد
و مستغربه من تتطنيشه .و.مايتكلم صاير ...تحس فيه شيء ..ماتدري ايش ...وبس ساكت ...حتى الاستهبال اللي يسويه دايم على راسها مايسويه ابد صاير.. ...و تحسه يفكر.. ماتدري في ايش. ...ودها ماتكسر بخاطر خالتها وتحضر الزواج بس ي حسره ...من وين لها ...وصعب تذل نفسها ..تطلب سامي ..بسخريه من وين ي حسره هو بعد يجيب ..حافي منتف ..اوف على هالحظ معي ...والله ماودي في الزواج ..ودي بس
اشوف خالتي ودي افهم.... ليه زوجها منعها مني ...كله ذا كره لابوي ماصارت صراحه ....ايه وتذكرت وظيفتي... فاديه قالت
يبدأ حضورك بعد يومين تباشري المحل ..المصيبه سامي مدري وش يقول يوم يشوفني رايحه ...لازم اكلمه قبلها عشان
مايفضحني منها لو مرت لي .....
ايه لازم اكلمه والله اني خايفه يوقف لي ..ويرفض بس والله مايقدر ...تنهدت بضيق ...اول خليني اشوف ايش رأيه وبعدها يصير خيرر وافكر كيف ادبرها اذا حاول يرفض
عند سامي
اللي جالس يفطر مع ابوه ...وامه ..
ام سامي بقهر: اقول وش فيها غلا ماصارت تساعدني
جالسه بس في غرفتها
ابو سامي بسخريه:والله ماحصلت الرجآل اللي يمردغها وتعرف ايش لها وايش عليها
سامي ناظرهم وهو مقهور مايدري ايش يسوي ..
يكفي رد الشركه عليه ... انه ماقبل ملفه غيره سبقه ... صدمه له كان عنده آمل فيها هالوظيفه ...بس يالله ينتظر ...خويه وعده يكلم ابوه ...ويوظفه في شركته ...بس بعد صاير.... يخاف لا ينصد مثل كل مره ...قال ببرود: وش اسوي فيها يعني اطقها لكم عشان ترتاحوا
ابو سامي بحده:تكلم عدل معي
سامي بقهر : يبه والله تعبان مافيني خلوني في حالي
هاليومين
ام سامي بقهر: ايه وانا شغل البيت كله علي ...عجبي والله بدل ماتريح امك تريح مرتك آه بس من شباب اليوم
كنا زمان الشغل علينا كله ونريح امهات رجاجيلنا وهذا ابوك يشهد
ابو سامي دخل القمه في فمه وهو يناظرها بسخريه: اقول اسكتي بس ولاتخلني اذكرك وش مهببهه
ام سامي بغيض: ايه هذا انت دايم ضدي ...
