الصمت يكفي ويشفي صدر راعيه
لاصار..كل الحكي ماله معاني
سامي ناظرها بحقد ....وده يقوم يسطرها .. ولع أكثر. .من تبريرها الغبي ....وقف بسرعه.. وهوو يمسكها من رقبتها وشد
عليها شوي وقال وهو ينزل نفسه لها: هييي لاتنسي انك متزوجه واحد بايع دماغه ولايفكر في شيء اذبحك هنا وادفنك في هالغرفه ولا احد درى عنك
غلا بفهاوه: يمه مثل ريه وسكينه كان يدفنون في نفس الغرفه ولا يفكرون ينامون ويأكلون عادي عندهن وانت مثلهن
سامي
ارخى يده عنها وهوو فيه الضحكة ...ااه ياربي وش يسوي فيها اللحين سطرت له فلم كامل ...قال بعصبيه مصطنعه : عليك نور اسوي فيك مثلهن شفتي كيف
غلا جلست وهي تتنهد بحسره: والله والا احد درى عني ابوي ام كشه صفراء لاعبتن بعقله واذا انكشف الموضوع كمان خسارنه اكيد بيسامح ماهوو ام كشه تصيرر اختك
سامي جلس قريب منها وهو يتنهد :اااه ياربي وش اسوي فيك كم مره اقولك امي واختي لاتجيبي سيرتهن
وقطع كلامه صوت امه ....وهي تنادي على غلا
غلا وهي تأشر للباب : شفت هي اللي دايم تسعي وراي وتحب
تغثني
سامي بقهر من حكيها:قومي بس أكيد تبي مساعده منك وبعدين مره وحده حضري غداي لسى ماتغديت وبسخريه مرتي هايته من هالظهر
غلا قامت وناظرته بتصغير: يا حرام مكروف في عملك وجاي أكيد تعبان وماحصلت مرتك لا لا لا والله مره مقصره في حقككك
سامي بغيض : اقول انقلعي بس ولسى حسابي مانتهى معك عشان روحتك بيت ابوك غصب وبيت ام محمد بدون إذن
طيب ي غلا والله اني جالس اجمع لك
غلا بدون خوف: روح زين قال يجمع قال
سامي ناظرها بحده وده يقوم يمردغ بخشتها الأرض بس ماسك نفسه بالقوة قال بعصبيه :وقسم بالله تمر دقيقه ولسى واقفه قمت لك
غلا بعناد وهي ماتحركت من مكانها : يالله احسب ماراح اروح
سامي و قف بسرعه يوم كمل الدقيقه
بس غلا اسرع وشردت وطلعت قبل يوصل لها شافت خدوج في وجهااا ...و رابطه ع راسها ....قالت بضحكه: بسم الله وش فيك لايكون حد فلعك بس ....
خدوج بقهر: والله الفلعه يستاهلها هالرأس عليتس امشي روحي
جهزي لعمك ورجلك غداء انا مافيني
غلا مستغربه وش فيها كذا شكلها من جد مضروبه وبجديه :مين ضربك
خدوح بقهر: انقلعي عن وجهي قبل ماحط حرتي فيتس
غلا هزت رأسها و مشت وهي شاكه
معقول سامي يضرب امه. ..ايه ادري انه متهور ودايم تصرفاته
غبيه مثل وجههه بس تصل فيه يمد يده على امه ....يمه لايكون وقت ماطلعت غصب عنه .....تمشكل مع امه وضربها ... بس مهما كان قهره مني مايطلعه في امه ....وقفت ولفيت لها :سامي ضربك صح
خدوج بعصبيه:وش دخلتس انتي
غلا
لا لا اكيد هوو مدام كذا انقهرت والله ماسكت له يضرب امه. ..هذا غبي من جد وين يروح ...من عذاب ربي... رجعت للغرفه عنده بعد ..ما.دخلت غرفتها .....وهي تسب
فتحت الباب بقوه وانا معصبه: هيييي كل شيء ابلعه منك بس تضرب امك لا هذا اللي ماراح اسكت عنه ..ي شيخ عرفنا أنك صايع وهايت ومافيك فوت بس تصل لكذا قسم بالله هالمره ابلغ عنك واخليهن يسحبنك.مثل " الجربوع "
