"Nagdilaab"
Z. Wayne
Lab-as pa gihapon sa akong
galamhan ang mga
hait nga pulong
nga gibuhian mo. Nga daw ang
kalibuta'ng gisapnay ko kay
muhugno na; dungan sa pag-agus sa
gitakuban kong mga luha,
nga dili gayud ikabayran ug miski
unsang salapi o bahandi
nga ikabugti sa akong kinabuhi,
sa dihang gisuginlan mo
ang nagkaguliyang nga publiko—
pinaagi sa pagbiay-biay
ug paggisa sa ahos nga
makapapukaw sa nagmantika
nga mga bitin sa lungga.
Mas tugutan pa tika
sa pagsagpa sa akong aping
kaysa pagtagud-tagud sa kasingkasing
kong' dugay mo nang gitarhaan.
Dili paigu ang paglitok ug "pasaylo"
tungod kay kini nakamarka na
sa akong alimpatakan.
Apan, kay mas gamhanan paman
ki'ng pagbati ko kanimo
ug nagpatikbabaw man
ang pagkamartir sa akong pagka-ako,
ania gihapon 'ko karon,
andam sa pagdawat kanimo pagbalik,
taliwala sa kahait ug kalalá sa
nagdilaab mong' dila.
YOU ARE READING
Wayne on Foot (Poetry)
PoesieWayne on Foot is a compilation of the wild and vivid images of the author, put into writing in order for the readers feel and imagine the wonders of being an optimist person. See contents inside! A. Poetry (English, Filipino, Cebuano) B. Quotations...
