بنات الجامعة

الجزء السابع 💗

ام منار: تعالي شوي منار ..

منار: يلا ماما جاي .. عن ازنك ليلى

بالمطبخ..

ام منار:فلنفترض انكو سافرتو ..  شو بالنسبة للمصاريف ؟؟

منار: بنشتغل هناك و بنجمع .. رح نسكن بسكن الجامعة و هيك

ام منار: ايواا حكيتيلي تشتغلو ..

منار: ا ا ا اه ..

ام منار: ان شاء الله خير

منار حست انو اهلها م حيوافقو ..

رجعت عند ليلى و لقتها بتحكي فون ..

ليلى: ان شاء الله .. لالا م بتأخر .. ان شاء الله .. حاضر .. مع السلامة.

منار: مع مين بتحكي ؟

ليلى: مع امي .. المهم شو صار؟؟

منار: صارت تسالني عن المصاريف و هيك .. بس ما بعرف حاساها مش راضية

ليلى: ما بنقدر نسافر و اهلنا مش راضيين .. بيخرب كل اشي ..

منار: اه بعد هديك المرة توبة ..

- قبل ٦ شهور -

ع الفيس..

ملاك: صبايا اهلي مش راضيين

ليلى: ولا حتى انا ..

ياسمين: معناتو خلص بنلغيها !!

ملاك: لا شو ؟! صارلنا مدة بنستنى هالطلعة ..

منار: اه عادي بنحكيلهم انو انو انو .. مش عارفة صراحة 🌚

ليلى: اه كل وحدة بتحكي انو في سهرة بنات عند التانية

ياسمين: كيف يعني؟؟

ليلى: يعني انتي بتحكي انك رايحة عند منار .. و انا بحكي اني رايحة عند ملاك .. و ملاك بتحكي انها رايحة لعندي .. و منار بتحكي انها رايحة لعندك .. فهمتي كيف ؟

ملاك: انا ما فهمت ..😁

منار: ولك انتي بتحكي انك رايحة عند ليلى .. و ليلى بتحكي انها جاي عندك .. بس فهمتي ؟؟

ياسمين: بس بنات هيك رح يعرفو ..

ملاك: اه فهمت .. والله وبيطلع منك ام اللول

ليلى: مش هينة 😌

تاني نهار كل وحدة عملت الي اتفقو عليه .. و بما انو اهلهم صحاب بعض .. وافقو انو الصبايا يروحو عند بعض .. بس بشرط م يروحو مكان تاني ولا هم مش راضيين عليهم!

الصبايا طبعا طلعو و راحو ع الملاهي ليلعبو .. زي م اتفقو ..

و صدفة و هن باللعبة .. اللعبة علقت و م رضيت تتحرك .. و هم بوضعية م بتسمحلهم ينزلو .. كانو بلعبة السفينة و كانت السفينة مخلية وجههة للارض..

خافو و بدو صريخ ..

منار: ولك ليه علقت يالله رح اوقع !!