بنات الجامعة

الجزء السابع و العشرون 💗

شهقت منار .. شدت ع الشيلة الي حولين راسها .. بدت تقرأ اية الكرسي و المعوذات 

مشيت بشويش عبل ما وصلت ع الستارة لتفتحها .. تنهدت لنو الشمس كانت لسا مبينة و ارتاحت ..

راحت تقعد ع الكنبة 

منار ببالها: معقولة يكون ياسمين معها حق؟ انو الشباب هم السبب بكل اشي!! .. مهي واضحة .. و بعدين هاد مازن كان هادي من اول ما كان بالاردن ما كنت اشوفو هيك .. ليش هيك صار!! شو الو دخل فيني!!!

صحيت منار من افكارها ع صوت طفل صغير ببكي بغرفتها و غرفة ليلى .. 

ارتعبت .. ما عرفت تروح ولا لا .. 

بس الصوت صار اقوى! راحت منار و هي ميتة رعب بدت تمشي بشويش .. 

وصلت و حاولت تفتح الضو بس لسا الكهربة مقطوعة !!

رجعت ركض ع الصالة تتصل ع البنات .. اخدت جوالها بس بطاريتو كانت خالصة

منار: افففف يعني وقتك !! 

ضلت قاعدة و تسمع لصوت صريخ الطفل ..

بس الصوت فجأة وقف ! .. خف قلقها شوي بس بعدين صارت تسمع اصوات غريبة .. صوات صراخ و خبط .. صوات خربشة ع الباب و تكسير .. 

كانت الاصوات عالية 

لدرجة انها حطت ايديها ع دنيها و صارت تصرخ : لاااا لا لا لاااا .. ياربييييييي

بس الاصوات ما خفت، بالعكس عليت!

ضلت تلف حوالين حالها .. بس طلعت من الغرفة و هي حاطة ايديها ع دينيها و بتركض و بتصرخ 

وصلت لاخر الممر .. كورت حالها بالزاوية و قعدت تبكي .. 

.....

-بعد ١٠ دقايق-

اجا بدو يفوت ع الغرفة لقا وحدة لامة حالها ع الزاوية

-: يا اختي فيكي اشي ؟

منار: ...

-: قرب لعندها : .. يا اختي يا اختي ردي!!

منار: ...

- ببالو: معقول فيها اشي ؟ 

هزها من كتفها بشويش .. - : يا اختي 

طاحت ع الارض 

-: لا حول ولا قوة الا بالله .. ثوني .. م .. م .. منار !!! 

صفن فيها و تعابير وجهو ما بتتفسر ابداً

اتصل بالاسعاف لياخدوها 

....

-تاني نهار-

صحيت لقت حالها بالمستشفى ..

منار: ايش في شو جابني هان 

هو نتبه انها تحركت .. قرب منها 

-: منار! الحمدلله ع السلامة 

منار: ايش في .. شو جابني هان .. ليش راسي بتوجعنيي! 😭

-: مافيكي الا العافية .. بس اجاكي انهيار عصبي ولازم ترتاحي ..

منار صفنت بالسقف .. 

منار - ببالها- : الصوت هاد مش غريب علي .. معقولة يكون هو نفسو هداك؟! لالا هداك راح و اخدلو علقة مرتبة

-: منار فيكي اشي ؟ انادي الممرضة؟

منار: والله نفس الصوت .. لفت

منار: م م م مستحيل!!

-: بعرف مصدومة بس

منار: انت شو جابك لعندي! مين باعتك عندي اه!! -بدت تصرخ- ما بكفي الي عملتو بياسمين يا وقح يا قليل الترباية!! شو بدك مني شوووو!! مش راضي تحل عنا ليييش 😭😡 اطلع برااااا .. بحكيلك اطلع برااا 

فاتت الممرضة ع صوت صراخها 

الممرضة - بالتركي- : لازم تتطلع لنو هيك خطر ع صحتها 

صفن بمنار و تطلع عليها بنظرة كلها حسرة 

الممرضة: لو سمحت اطلع بلا ما انادي السكيورتي 

-: انا تغيرت يا منار والله تغيرت 

منار: اطلع براااااااا .. مابدي اشوف وجهك اطلعععع 

طلع و هو نفسو مكسورة .. كان بدو يصلح غلطو و اجتلو هالفرصة من الله .. 

....

شو رايكممم 🙊 شو ممكن يصير ؟! و مين هاد و شو ممكن يكون عامل لياسمين؟👀