بنات الجامعة

الجزء الثالث و الثلاثون 💗

بس قبل ما يكبس ع زر الاتصال رن جوالو

معين تطلع بالشباب

معين: الو مين؟

-: ههههه مفكرين بهالسهولة رح تطلعو منها!

معين: عفواً مين معاي؟!

-: ايامكو قربت .. هادي بس البداية!

و سكر المتصل!

محمد: ايش في معين مين!

معين: رقم خاص، بحكي مفكرين بهالسهولة رح تطلعو منها و ايامكو قربت

مراد: طيب بس هبل بكون واحد بتسلى

معين: قولتك .. خليني اتصل برزان

- بعد م اتصلو برزان -

معين: بتحكي في مكان فيه فقراء بس مهجور نوعاً ما و انو لازم نروح بالليل

مراد: بتتخوث هاي؟ اسمعو خلينا نروح بتكسي و نحكيلو ودينا ع مكان فيه محتاجين

مراد: الصبح بنروح بدي انام هسا

-تاني نهار-

صحيو من ع الفجر و فعلياً حملو الكياس و طلبو تكسي من الاوتيل

طلعو و وصلو لمكان فيه بيوت مهجورة و ناس ع باب الله

معين: يالله خلونا ننزل الكياس

حملو الكياس كل واحد كان معاه كيس كبير

اول م مشيو خطوتين اجت بنت لعند محمد ركض

محمد نزللها مسح ع راسها .. طال لعبة و عطاها ياها

شاف فرحة البنت بعيونها و ابتسامتها البريءة

مسح ع شعرها .. باسها ع راسها.. و حضنها

مسكت اصبعو و صارت تركض

حمل الكيس بإيدو التانية تطلع بالشباب بعيون متفاجأة و وجه مبتسم

لحقوه الشباب .. ضلو يوزعو الأغراض ع البيوت عبل م ادن الضهر

معين: الحمدلله ربنا بارك .. كيف الاغراض كفو كل البيوت الله أعلم

مراد قعد ع الأرض و قعد يمسح وجهو : خلينا شوي بعدين نروح ع المستشفى

محمد: شو نقعد يلا امشو لنشوف مازن و نقعد عندو

مراد: لاحقين لاحقين .. يا زلمة والله تعبت

معين: بس مش بالله دخلت السعادة لقلبك! والله الحجة الي عطيتها المونة دخلت السعادة لقلبي

مراد: الله يتقبل يا شباب

محمد: يلا امشو يلا بلا تقالة دم

....

وصلو ع المستشفى و اول مكان راحوه عند منار

اول م مسك مراد الباب فتحتو الممرضة رجع خطوتين

الممرضة: عفواً .. الانسة منار نايمة

محمد: طيب بتقدري توخدينا لعند باقي صحباتها؟

الممرضة: بصفتك؟

محمد: احنا زملاءهم بالجامعة بدنا نتطمن عليهم

الممرضة تطلعت عليه بشك: طيب الحقني

مشيو الشباب ورا الممرضة

الممرضة هي غرفة ياسمين

مراد اول ما سمع اسمها كان بدو يفوت

محمد: استنى لنعرف وين بقية الغرف

مراد تطلع عليه بنظرة مكسورة و هزلو راسو

تحركو و عيون مراد ضلت عند ياسمين

راحو لغرفة ليال الي ما كانت بتبعد غير غرفتين عن غرفة ياسمين

الممرضة:هي غرفة ليلى

محمد: شكراً

الممرضة: العفو

مراد: خلينا نروح لعند ياسمين

محمد: بس غرفة ليلى هان!

معين -بتهكم-: مالك مراد؟ بديت اشك انك خايف على ياسمين اكتر من مازن!

مراد تطلع عليه و سحب حالو و دخل غرفة ليلى

لحقوه الشباب ..

لقو ليلى متمددة

اول م كانو بدهم يقعدو فات الدكتور رجعو وقفو

الدكتور: عفواً بدنا نفحصها

طلعو

بعد ١٠ دقايق طلع الدكتور ..

الدكتور: انتو بتقربولها اشي؟

معين: صحابها ايوا

الدكتور: انا اسف بس لازم تعرفو هالشغلة

محمد: ايش في دكتور خوفتنا!

الدكتور: الانسة ليلى معاها السرطان

معين و محمد و مراد بصوت واحد: ايييييش!!!

....

توقعاتكم للجزء الي جاي؟