بنات الجامعة

الجزء الثالث و العشرون 💗

م انتبهو ع حالهم الا بعد ربع ساعة .. قامو و كل وحدة بتمسح دموعها من الضحك 😂 

ليلى: اااخ 😂 لو تشوفي شكلك يالله .. 

منار: دقيقة لتكوني بتضحكي ع الساعة؟؟😅

ليلى: 😂😂😂 اااه ياخييي .. قال البوصلة يمين ولا شمال يالله 😂 .. خلص مش قادرة اضحك كمان اسكتي 😂

دخلت ليلى عشان تتوضى و بعدها منار ..

لبسو شاشات الصلاة و اقامت فيهم ليلى ..

-نسيت احكيلكم.. ليلى صوتها بالقرآن بجنن .. و كلو خشوع -

خلصو صلاة .. و هالمرة الاربعة لبسو الجلباب الي شروه من الاردن ..

لبسوه و حطو الشيل ع الطريقة التركية .. و من جمالهم ؟ بينو انهم اتراك 💙

طلعو و كان الممر فاضييي .. انو الكل نايم و هن صاحيات من بدري ..

وصل لياسمين مسج 

ياسمين: بنات الدكتور تاع المحاضرة يلي ع الساعة ٧ لغاها ..

منار: يعني معنا ٣ ساعات م رح نعمل فيهم شي ؟؟

ملاك: ياريتني نمت 😭

ياسمين: تعالو ندور ع شغل نشتغلو ..

ليلى: اه يلا 

نزلو و دخلو الجامعة و راحو ع طول ع المكتبة ..

و الحكي كلو كان بين ملاك و تاعت المكتبة بالتركي ..

ملاك: بتحكي انو عندها مكان نشتغل فيه بس كل شهر بنوخد ١٠٠٠ ليرة بس ..

ياسمين: اه يلا مينح موافقين ..

ملاك: بس في مشكلة ..

ليلى: شو؟

ملاك: مراد و محمد و معين و مازن ..

منار: مالهم؟

ملاك: بيشتغلو هان ..

ياسمين: عادي احنا بمكان و هم بمكان المكتبة كبيرة..

ملاك: متاكدة ؟

ياسمين: عن نفسي اه ..

ليلى: و انا موافقةة

منار: خلص مش مشكلة 

دخلو عرفتهم ع المكتبة و شو شغلهم و حكتلهم انو من العصر رح يبدأو شغل ..

طلعو الصبايا و كاانت الساعة ٨ 

ليلى: ممم صبايا .. ليه ما نسجل بمعهد تركي؟؟ انو اغلبية المواد بالتركي و الانجليزي ..

ملاك: انا مش بحاجة 😌

ليلى: م حدا كلمك 🙄

و هن بيتمشو طلعو من حرم الجامعة و صارو يمشو ..

التقو برزان ..

رزان: مرحبااا

ياسمين: يا هلا ..

رزان: كيفكم ؟؟

ياسمين : تمام و انتي ؟

رزان: منيحة بشوفتكم .. شو وين رايحين ؟؟

ليلى: كنا بندور ع معهد عشان نتعلم تركي و هيك ..