بنات الجامعة

الجزء التاسع💗

منار و ليلى: و عليكم السلام ورحمة الله

ابو منار: اهلا يا بنتي كيفك ؟؟

ليلى: احمدلله عمو .. و انت كيفك ؟؟

ابو منار: انا منيح الحمدلله .. في شي ؟؟

ليلى: اه بصراحة عمو بدي احكي معك بموضوع و هيك

ابو منار تطلع ب منار و زي الي عرف : خير اللهم اجعله خير .. احكي يا بنتي ..

ليلى: عمو بتمنى تسمعني للاخر .. هسا احنا فزنا ب منحة ل تركيا .. و احنا لساتنا باول سنة بالجامعة .. ف بعد ازنك يعني منار فازت معنا و لازم تيجي..

ابو منار: معلش يا بنتي .. بس ما عنا بنات يسافرن

ليلى: طيب عمو لو تحجبت بترضى؟

ام منار : طبعا بدو يرضى

ابو منار: بفكر بالموضوع ..

ليلى: بسرعة يا عمو بدنا نجهز حالنا للسفرية .. لنها الاسبوع الجاي و هيك ...

ابو مننار: خلص توكلي ع الله يا بنتي ..

منار: شو يعني ؟

ابو منار بتردد و حاسس بغصة بقلبو: روحي يا بنتي لو الك خير الله يفتحها بوجهك

منار: عنجد بابا؟؟ 😭😭 - قامت و حضنتو-

شكرت ليلى و ليلى استأزنتهم لتروح ع البيت ..

.. بعد يومين

-بالمحل-

ملاك: صبايا شو رايكو بهالجلباب .. بجنن صح ؟؟😍

ياسمين: شوف مين بتحكي .. يلي ما كانت راضية تتحجب اصلا ..😂

ملاك: اه و الله هداني شو بدك انتي ؟😒 المهم للوش كيف طالع علي ؟

ليلى: بجنن يا عمري ..

منار : شو رايكو نجيب زي بعض؟؟

ليلى: اه اه فكرة حلوة

اشترو الصبايا جلابيب متشابهة و كملو شرى و جابو كل اشي رح يحتاجوه .. و كان يوم كتييير حلو

-بعد ٤ ايام-

التقو الصبايا بالمطار و كل وحدة ودعت اهلها ..

لفلفو شوي بالمطار و طبعا ملاك راحت ع سكشن الشكليطة لتجيبلها كندر

ياسمين: ولك لشو كل هاد؟!!!

ملاك: للطريق 😌

ياسمين: ولك شيلي شوي منو ..

ملاك : اه و انا شو يضمني الوقت قديه ؟

منار: بدنا شي ساعتين تقريبا ..

ملاك: اه شفتي خلص م دخلكو ..

ليلى: مش تخلصي الفلوس الي معك؟؟

ملاك: لالا لا تقلقو ..😌

اجت تدفع ملاك .. طلع الحساب غالي ..

ملاك: عفوا ليه هالقد؟😨

الكاشير: انتي ماخدة كل هالكمية و هاد الحساب

ليلى: يخربيتك ٥٠ دينار !!

ملاك: طب م بينفع ب ٤؟

الكاشير: عفوا؟؟

ياسمين: ولك احنا بمطار م بينفع تفاصلي ..😂

ملاك استحت و رجعت نص الكندر و خلت معها شوي

ملاك: ولكو صبايا اخيرا رح نرتاح من هالشباب 😍

ليلى: اه اففت .. الله يبعدهم عنا يا شيخة