بنات الجامعة

الجزء الثاني و الثلاثون 💗

مراد -بصراخ- : يا نمسة يا قليلة الترباية!! شو بدك بمازن!! كلو منك هيك صار 

يامن: مالك يا احكي باحترام مع البنت مش شايف حالتها!!

مراد: انت التاني لا تتدخل! ما الك دخل بالموضوع كلو!

يامن: شو هادي ما الي دخل ! منار بمثابة اختي احكي باحترام مش شايفها هي التانية تعبانة!!

معين -بصراخ- : بس بس !!! البنت قدامكو منهارة .. و مازن جوا بالعناية المشددة! و بتصرخو قاعدين! لا حس ولا ضمير!

سكتو كلهم .. ساد الهدوء الغرفة .. طلعت شهقات منار 

منار -من بين شهقاتها-: انا .. والله .. ان .. انا والله مالي دخل .. ما .. ما عم .. ما عملت اشي .. كلو من .. من .. هالفيتي

مراد و معين و محمد: شووووو

تطلع يامن بمنار بغرابة: مين هاد؟

ضلتها منار ساكتة .. بدت ضربات قلبها تخف .. محدش انتبه غير محمد 

محمد راح ركض لعندها: منار! منار!!! نادو الدكتور ! يا منار !!

صار يخبط ع وجهها بس نفسها قاعد بصعب شوي شوي 

خف عقلو 

خافو كلهم 

اجا معين و معو الممرضة 

طلعتهم كلهم برا و بدت تعدل نسبة المحلول لمنار و اجا الدكتور الكبير بالعمر

بعد نص ساعة من الانعاش طلع الدكتور 

الدكتور: شو صار؟ 

الكل ساكت .. 

يامن: دكتور كيفها منار؟

الدكتور: منار حالتها صعبة و مش مستعدة لأي أذى نفسي .. حاولو تنقو كلماتكو معا لنو حالتا جداً صعبة و بدها راحة .. انتو مين؟

محمد: احنا زملاءها بالجامعة دكتور اجينا نزورها بس.. 

دكتور: عندكم علم باللي صار مبارح؟

معين: كل اشي وصللنا .. ما ضل حدا بالجامعة ما عرف 

الدكتور: ما حدا يفتح معا هالموضوع .. خليها ترتاح بالاذن

مراد: دكتور دكتور

دكتور: تفضل

مراد: ممكن نزور مازن؟

الدكتور: حالياً بس بتقدرو تشوفوه من برا اما تدخلو صعب جداً

معين: كيف حالتو دكتور !!

الدكتور: حالتو صعبة جداً ما بخبي عليكم هو حالياً بغيبوبة ولو ما صحي خلال اسبوع ممكن يضل بغيبوبة طول عمرو .. ادعولو 

مراد م قدر يمسك حالو .. عيونو امتلو دموع .. زم شفافو و طلع برا المستشفى 

لحقوه الشباب و يامن راح قعد بالغرفة عند منار 

محمد: مراد طول بالك.. دعيلو ربنا رح ينقذو ان شاء الله 

مراد ضلو صافن بعييييييد .. طلع من جيبتو سيجارة و بدا يسحب منها شوي شوي 

مراد: سيبوني بحالي

محمد -خبط ع ضهرو-: له يا رجل! احنا مع بعض ع الحلوة و المرة ! لا تستسلم .. مش مراد الي بنعرفو هيك ! 

مراد: .. 

معين: خلينا نروح نقعد عندو و نطلع صدقة على المساكين و الفقراء .. الصدقة بتشفي و الشفاء من عند ربنا 

قام معين و مد ايديه لمراد و محمد .. 

تطلع فيه مراد بعيون دبلانة و مدلو ايدو 

شدو معين و حضنو 

معين: رح يرجع مازن احسن و اقوى من مازن اللي قبل 

مراد بعيون دبلانة: بس ياسمين ..؟

معين باستغراب: مالها ؟

مراد حس انو حكا اشي المفروض م ينحكى: خلينا نروح 

طلعو هالشباب من المستشفى و راحو ع المول 

كل واحد منهم تكلف بانو يشتري اشي معين 

معين راح على قسم الاطفال ليشتري العاب و ملابس للاطفال

و مراد راح لقسم الرجال و النساء ليشتري عطور و ساعات و ملابس 

اما محمد ف راح يشتري مونة و لوازم حياتية بسيطة 

اجتمعو كلهم .. بس م راحو ع السكن الجامعي لا! اخدولهم غرفة بفندق لليلة

بدا كل واحد يعبي كيس فيه اشياء مختلفة 

معين: تخيلو الفرحة اللي رح تدخل على قلوبهم

محمد: مجرد م الواحد يتخيل بينبسط عنهم 

معين: اه والله 

بعد ساعتين خلصو 

مراد: وين بدنا نروح ؟ 

معين: ما بنعرف كتير بهالبلد 

محمد: خلونا نسأل رزان! هي ادرى ببلدها 

معين: والله فكرة .. 

فتح جوالو معين و قعد يدور ع رقم رزان .. بس قبل ما يكبس زر الاتصال ..