بنات الجامعة

الجزء الرابع و الثلاثون 💗

الدكتور: زي ما سمعتوني، هي عندها سرطان بالدم من النوع الحاد وهاد انخف نوع و الحمدلله انو لسة بالمرحلة المبكرة، ادعولها. بس تصحى رح نبدا بالعلاج ان شاء الله. بالإذن ..

على طول دخل محمد و قعد على الكرسي كان مايل لقدام و راكز راسو على ايديه . لحقو مراد بس وقف جنب الشباك، حط اصابعو ال 8 بجيابو و ضل صافن في الطبيعة الي برة. أما معين ضلو برة يروح و ييجي بهالممر

بعد 10 دقايق تقريباً، دخل عليهم معين: شباببب!!!!

محدش رد ..

معين: هيييي محمد مراد -و قعد يسفق-

محمد رفع راسو باتجاه معين و كان مبين على ملامحو انو كل تقل الدنيا على كتافو 

اما مراد ف ضلو صافن و كإنو بدنيا تانية

معين: يا شباب ملااك!!

قام محمد من مكانو مصدوم! كيف راحت عن بالو!!!!

طلع جري من الممر باتجاه مكتب الاستعلامات و  لحقو معين

محمد بتوتر : في حدا بحكي عربي!! ارابيك ارابيك عربي في ولا لا 

اجتو الممرضة الي بتشرف على منار 

الممرضة: خير استاز؟

محمد: ملاك وين!!

الممرضة و هي رايحة عند الكمبيوتر : ملاك شو اسما؟

محمد: ملاك ال****

الممرضة: مش موجودة عنا بالسيستم استاز

بدت نقاط من الندى تتجمع على جبهة محمد و الافكار تجيب و تودي فيه

معين: كيف مافي! كم صبية كانو وقت الحادث!

الممرضة باستغراب: 4 استاز ..؟

معين: طيب شفنا 3 وين الرابعة!!

الممرضة: اه هي اسما ملاك 

محمد تطلع بالممرضة بنظرة كلها أمل و قبل ما يرد معين: أيوا وينها!

الممرضة: لحأني 

تطلع محمد بمعين: الله ستر الحمدلله

مشيت الممرضة لعند غرفة كانت ابعد غرفة بالنسبة لغرف منار و ياسمين 

الممرضة: تفضلو هي غرفتها

دخل محمد على طول جوا الغرفة بون ما يستنى كلمة و لحقو معين بعد ما شكر الممرضة 

وقف محمد قبال ملاك و حط ايديه بجيابو ..

معين: و هي ملاك بخير 

محمد: اجاني شعور للحظة انها انخطفت

معين: تعوذ من ابليس، هيها بخير .. 

محمد: خلص روح ازا بدك انا حضل قاعد هان عبل ما تصحى

معين: طيب رح اروح اقعد عند ياسمين بما انو معندهاش حدا