بنات الجامعة

الجزء الواحد و الثلاثون 💗

صحيت منار تاني يوم و هي بتتأوه ، الممرضة كانت عندها بتوخد القياسات الحيوية لإلها 

منار: شو صار وينهم صحباتي 

الممرضة ابتسمتلها و طلعت و اجا دكتور 

كان الدكتور كبييير بالعمر و مبين من شكلو انو طيوب ع الاخر و هادي 

الدكتور: كيف صرتي انسة منار؟

منار - تجمعو الدموع بعيونها-: وينهم صحباتي وينهم خواتي وينهم!

الدكتور: يا بابا يا منار لازم لا تضغطي على حالك اكتر استهدي بالرحمن 

منار: لا اله الا الله .. يا دكتور طمني ببوس ايدك طمني

الدكتور: يا بنتي، في ضابط بدو يستجوبك رح اخليه يفوت

منار: طيب بس ما جاوبتني

الدكتور: رايح اشوفهم 

ضلت عيون منار تتبع الدكتور عبل ما طلع من الغرفة و دخل بدالو الضابط 

الضابط: مرحبا انسة منار

هزت منار راسها للضابط انو اهلين

الضابط: انسة منار بنعرف انو هالشي صعب عليكي .. بس لازم تتجاوبي معنا مشان نعرف نتوصل لحل باسرع وقت و ازا ما بدك تجاوبي معك الصلاحية 

منار كانت بتلعب باصابعها، دمعت و هزت راسها 

الضابط: الممرضة خبرتني انو نزلتي ع الكافتيريا مبارح و لقيتي كل رفئاتك ع الارض و كان معهم شب

بكيت هالمرة و هزت راسها 

الضابط: انسة منار لازم تتمالكي حالك شوي ..!

منار مسحت دموعها .. و حطت عيونها بعون الضابط : معك

الضابط: طيب فيكي تخبريني بالتفصيل شو اللي صار؟

منار: (حكتلو الي صار) .. 

الضابط: بأي ساعة نزلتي ؟

منار: يمكن ع الساعة ٤ او ٥

الضابط: متى رفئاتك نزلو؟

منار: قبل م انزل بساعتين

الضابط: طيب ما سمعتي صوت غريب بعد مرور هالوقت؟

منار: لا

الضابط: ليش نزلو ؟؟

منار سكتت

الضابط: انسة منار، ياريت لو شفتي شي او بتعرفي شي تفيدينا، مع انو الك الحرية في الجواب او لا

منار: .. نزلو يجيبولي شي اكلو

الضابط: اكيد مش لاشي تاني ؟

منار هزت راسها انو اه 

الضابط: طيب ما بتعرفي اشي ؟؟ الممرضة شافتك و انتي ماسكة راس وحدة و حاطيتها على حضنك كانت ع حضنك لابسة بالطو كحلي و اشار بيج

منار: اه هي ياسمين -ونزلت دمعة بس مسحتها بسرعة- 

الضابط: شو حكتلك ؟؟

منارضلتها صافنة و عيونها غرقانة دموع : م حكت اشي .. ما كانت قادرة تحكي اشي

الضابط: انسة منار، بعيد و بكرر لو ساعدتينا ممكن نلاقي المجرم بشكل اسرع

حكت منار بسرحان منار: هالفيتي

الضابط صفن شوي : شو حكت !!

منار: هالفيتي !

الضابط: طيب انسة منار شكراً لوقتك و بعتذر ع الازعاج .

منار: بتعرفو اشي حضرة الضابط؟

الضابط: مافيني هلأ افيدك بأي اشي، شكرا الك.

طلع الضابط .. حضنت رجليها و صارت تبكي و تشهق 

منار: ليش هيك يا الله ليش 😭

غفيت منار من تعبها .. بس م لحقت تغفى الا و هي سامعة صوت الباب بيتسكر 

لفت وجهها و تطلعت على الباب .. ما لقت حدا اجت لترجع تنام لقت في رسالة جنبها جنب المخدة بالزبط !

منار عدلت قعدتها 

اخدت الرسالة و تطلعت عليها بغرابة ! 

كانت لون الظرف اسود زي سواد الليل 

فتحتو بتردد 

" منار ياللي منورة هالحياة على صحباتك .. ياريت تنوري قبورهم بهالنور، .. الحين .. الحين بس بدت اللعبة لو حدا عرف .. كلكو رح تروحو لجهنم! مع تمنياتي بالموت و الانكسار (هالفيتي)" 

منار عادت الرسالة و قرأتها كزة مرة 

سمعت صوت الباب بنفتح و عطول خبتها تخت المخدة 

منار: يامن؟

يامن: الحمدلله ع سلامتك 💜

منار: الله يجيب هالسلام للكل .. شو بدك؟! 

يامن: هيك الحين؟ 

منار: الحين ولا بعدين اه هو هيك!

يامن: طيب بتقبلي هالورود مني..؟

منار: م رح انكر معروف انك ساعدتني .. يسلمو كتير 💙

يامن: واجبنا هاد منار 💜

و فجأة انفتح الباب بقوة و فات مراد و محمد و معين 

بس شافت منار مراد بهالمنظر شهقت 

عيونو حمرة و عروق وجهو بارزة و شعرو منكوش!

مراد:...

...

رايكم باللي صار و اللي رح يصير ؟ 👀