بنات الجامعة

الجزء الواحد و العشرون 💗

كان مكتوب: "الثعلب معروف بمكرو .. و السحلية معروفة ب قدرتها ع الاختفاء .. اما الوزغ ف ربنا ف ربنا حلل قتلو"

ملاك: ولكو صبايا .. شو هاد  بحكي ؟؟ شو الوزغ هاد؟!

ليلى: بديت اخاف ع فكرة من اللي بصير ..

ياسمين: هسا الذيب م كزب فيه و السحلية كمان .. بس الوزغ شو هاد؟؟

ليلى: بنات افتحو النت نشوف ..

فتحت ملاك النت و لقت هالحديث: "أن مولاة لفاكه ابن المغيرة دخلت على عائشة رضي الله عنها فرأت في بيتها رمحاًً موضوعة، فقالت: يا أم المؤمنين ما تصنعين بهذا ؟ قالت: نقتل به الأوزاغ، فإن نبي الله أخبرنا أن إبراهيم لما ألقي في النار لم يكن في الأرض دابة إلا أطفأت عنه ،إلا الوزغ، فإنه كان ينفخ عليه، فأمر رسول الله صلى الله عليه وسلم بقتله."

ليلى: طيب بس شو الوزغ يعني ؟؟

ملاك: اصبري اشوف ..

ملاك: ييييي هي البريييصةةةة 

ليلى: فرجيني اشوف ..

ياسمين: يععععع .. بس ليش يعني المجهول بعت هالرسالة ؟؟

ليلى: وله منار ليه ساكتة ؟؟

منار: اصبري 

ليلى: ع شو ؟!

منار: بفكر 😠

ليلى: يماا طيب طيب ..

بلحظة صمت الكل قعد يفكر .. 

منار: م في غير هيك ..

كل الصبايا التفتو عليها ..

ليلى: شو هو ؟؟

ياسمين: شو!

ملاك: اه احكي!!

منار بقلق : مش حكيتلكم اني مش مرتاحة لهالرحلة ؟

ليلى: شو دخل طيب؟؟

منار: هسا الرسالة وصفت رزان 

ياسمين: شو! كيف بالله؟

منار: شوفي حكيتلك من الاول انا مش مرتاحالها ..

ملاك: طيب؟؟

منار: رزان قاعدة تحاول تصير معنا صحبة و عاملة حالها منيحة و بريئة .. بنفس الوقت في خبث من جواتها .. و هاد يلي وصفو الرسالة بانها ثعلب و انها سحلية .. 

ليلى: طب شو دخل الذيب بالسحلية ؟

منار: يعني هي بتراقبنا ..

ياسمين: شو!! كيف هيك ؟ البنت حبابة كتير و م شفنا منها اليوم الا كل خير ..

منار: ممكن تخلوني اخلص حكي؟ و بعدين حللو براحتكم ..

ملاك: طيب احكي !

منار: زي ما حكيتلكم .. و المفروض نبعد عنها لنو لما كتب عن الوزغ ف كان قاصد موقف الوزغ من لما كان ينفخ النار على سيدنا ابراهيم عليه السلام .. و ع حسب ما اظن انو احنا واقعين بنار الغربة و هي  بتنفخ علينا و بزيد لهبها ..

ليلى بتفكير: صحيح معك حق!

ياسمين: بس المنطق م بيحكي هيك ..