بنات الجامعة

الجزء السادس و العشرون 💗

تطلع مازن بمنار و نرفز ع الاخير

محمد و معين و مراد بعدو عنو لنهم بعرفو لو عصب محدش بقدر يسكتو

مازن: معناته انت قاع تروح عند بنات الناس ها! والله لاخليك تتمنى الموت

خبطو بوكس ع وجهو طاح منو الشب ع الارض

رجع رفسو ع بطنو .. تاوه الشب بس مازن نزل لعندو و شد شعرو

مازن: والله لو تقرب منها بعد مرة ميصير خير

قدر يهرب الشب من بين ايدين مازن  تطلع مازن ع منار

مازن: اكاني ظربته .. اذا صار شي بعد مرة تقوليلي افتهمتي لو لا!!

منار ضلت ورا ياسمين خايفة

مازن: يا بنيه .. انتي وياية ؟؟ افتهمتي شقاع اقول!!

بعدت ياسمين لمنار بعد ما شافت كيف عيونو صارت حمرة من العصبية

مازن بصراخ: قاع اكلمج!

نقزت منار و كانت عيونها بالارض ايديها التنتين قدامها و بتعصرهم .. هزت براسها انو اه

تنهد مازن و قرب لعندها

تطلع عليها شافها كف خايفة .. اجا بدو يرفع راسها بايدو .. بس كبرياؤو ما بيسمحلو رجع للشباب

معين: والله و في واحد صار عاشق ولهان

مازن تطلع عليه بنظرو خلتو يخرس

مراد: معين .. كلنا بنعرف مازن بس يعصب شو بصيرلو ..

ياسمين: يلا امشو منار خلينا نلحق .. شكراً مازن

حركلها مازن براسو و هو بيتطلع ع الارض و زي المش هامو اشي

راحو الصبايا ع الجامعة و مشي مازن وراهم بدون ما ينتبهو مع الشباب بدون ما بنطقو حرف

...

ملاك: نيالك يا منار عليه 😍

منار ضلتها صافنة بالارض و وجهها اصفر زي اللمونة

وقفت ليلى و مسكت وجه منار، ليلى: منار مالك!!

تطلعت فيها منار و بدت تبكيي بكل حرقة و تشهق

ياسمين: منار ياروحي ايش فيه!!

منار: انا السبب كلو مني 😭💔

ليلى: ولك مادخلك انتي خلص اهدي .. و دمعت معها

-بعد دقيقتين-

هديت منار

ياسمين: يلا نلحق المحاضرة .. بدك تروحي الشقة منار؟

منار: اه ..

ملاك: انا بروح معاها روحي انتي و ليلى ع المحاضرة

منار: لالا بدي اضل لحالي

ياسمين: منار بس الدنيا مش امان

منار: مش مشكلة بدي اضل لحالي شوي ..

تنهدت ياسمين بعدم رضا : براحتك بس خلي الجوال جنبك عشان لو صار اشي ولا اشي ..

منار: طيب ..

دخلو الصبايا المحاضرة بس منار ضلت تمشي لعند ما لقت حالها بنص الحديقة.. قعدت على كرسي

-: حلوة الحديقة صح؟

منار: ...

-: منااااار .. هييي وين سرحانها

منار: اه مين شوفي ..

تطلعت جنبها لقت مازن

صفر وجهها و بدت ترجف .. قامت بسرعة و من سرعة مشيتها م حست ع حالها الا و هي قدام الشقة ..

دخلت و سكرت الباب وراها

قعدت بالصالة تبكيي .. و صوت شهقاتها عالي

منار: ياربي ليش هيك صار .. يالله مابدي حدا ينضر بسببي .. انا ما عملت اشي .. ليش مازن عمل هيك 😭😭

...

فتحت عيونها ع مسج من ليلى

فتحتو كان فيه :" منورتي .. رح نروح ع الشغل و نرجعلك .. ما بنطول ان شاء الله"

رمت الجوال ع الكنبة و راحت شالت حجابها و غسلت وجهها

اجت بدها تغير اواعيها بس شافت الباب سكر! تخرعت .. سمت و قعدت تقرأ قرآن

بعدين سمعت صوت تخبيط ع باب الشقة .. تخرعت كمان مرة 😨

لفت حجابها و راحت عند الباب ..

-: منار انتي بخير؟؟ سمعت صوت تخبيط و تكسير عندك!

منار بهمس: مازن!!

مارن: لو ما رديتي رح اكسر الباب .. منااار

منار: شو بدك مني!!

مازن: ولاشي فكرت صار اشي

منار: لا ما صار اشي .. و ازا سمحت لا عاد تيجي!

سمعت صوت خطواتو رايحة ارتاحت .. و فجأة الكهربة انقطعت!

....
شو رايكو بالاحداث الجديدة ؟ و بتتوقعو مازن الو علاقة بقطع الكهربا ولا الشغلة كلها صدفة ؟🙇🏻‍♀️