بنات الجامعة

الجزء الثامن و العشرون 💗

عطت الممرضة ابرة مهدئ لمنار 

منار: مابدي اشوفو هان مرة تانية !! 

حكتها و هي بترجف و بتبكي 

هزت راسها الممرضة انو "ماشي" 

طلعت الممرضة و شوي شوي منار بطلت حاسة بالدنيا 

... 

ع الساعة ١٠ المسا .. صحيت منار و كانت حاسة بوجع براسها  بس لقت باقة ورد صغيرة ع تختها 😍💐 و فيها رسالة مختومة بقلب 

استغربت ..

بس مدت ايدها و مسكت الباقة .. كانت الباقة عليها ورود مشكلة .. ودة حمرة و وحدة زرقا و وحدة وراقها ملونة و الاخيرة بيضا ..

رجعت اخدت الرسالة و كان فيها :

" بنعتذر عن الي صارلك بشدة .. و بنتمنى تقبلي اعتذارنا 💙"

صفنت منار شوي ..

منار: معقولة هدول صحباتي ..؟

مسكت الوردة الزرقا لنو كان القلب لونو ازرق ..

سحبتها من الباقة ، ف لقت ورقة ملفوفة عليها .. فتحتها و كان فيها:

"منورتي يلي منورالي حياتي .. انا اسفة و تعمدت اكون اول وحدة تقرئي رسالتها .. ما علينا شوفي الوردة البيضا "

ابتسمت منار😊 و سحبت الوردة البيضة ، كان عليها ورقة كمان .. فتحتها و لقت فيها :

" منار يا قزومتنا .. ليش هيك تعملي بحالك يعني كانت مستاهلة ؟؟ بحبك يا زعرة .. شوفي الوردة الملونة"

ابتسمت منار من قلبها 😃و سحبت الوردة الملونة ع طول ، فتحت الورقة الملفوفة عليها ، و كان فيها :

" هيك يعني ؟؟ يعني كيف بصير معك هيك اشي ولا بتحكيلنا ها !! شوفي الوردة الحمرة"

سحبت الوردة الحمرة بس م كان عليها ورقة ..

قعدت تدور يمين شمال فوق تحت مافي !!

بعدين ما سمعت الا صوت واحد بيحكيلها : "طيب دوري بالنص !"

منار: اه ممكن ليش لا ..

حكتها من غير وعي

دورت بالنص م لقت

تطلعت عليه

منار: هو انت بتتخو.. ماااازننن !! -حكتها و دب الرعب بقلبها من جديد-

بعدين فاتت ياسمين : هيك يعني ها .. جاي المستشفى من ورانا و ما عنا خبر؟؟

منار: ياسوووو 😢

ليلى: هو انتي مشتاقة لياسمين بس ؟؟ و ليش هيك عاملة بحالك !!

منار: للوووش 😢😢

ملاك: اه .. سمعت انك ما بتحبيني قدهم

دخلت و بإيدها حبة ايسكريم

منار: ملوكتيي 😭😭

ملاك: يا عمر ملوكة انتي ، تعالي تعالي

راحت ملاك عند منار و حضنتها

و لحقتها ياسمين و ليلى و صارو يبكو هن الاربعة

منار: وين كنتو يش تاخرتو !! 

ياسمين: احكيلنا بالاول انتي ليش هان؟

منار ببدت تتزكر الي صارلها و حست بألم كتير قوي براسها 💔 

ليلى: مالك منار!!

منار: ولا اشي راسي اجعتني 

ملاك: رح انادي الدكتور 

منار: لالا .. مش لازم 

جابلها مازن كاسة مي لتشربها .. 

تطلعت فيه .. للحظة كانت ناسية وجودو 

منار: ش ش شكراً 

مازن و نظراتو الباردة عليها: العفو 

منار تطلعت بياسمين و ليلى و ملاك انو هاد شو جابو؟

ياسمين: ملوكة، للوش .. شو رايكو توخدو مازن ع الكافتيريا تحت؟

مازن: انا رح اضل مارح اتحرك 

خافت منار اكتر ..

ياسمين: لو سمحت بدي احكي معاها كلمتين ..

مازن: معاكي ربع ساعة مش اكتر من هيك!

ملاك: بالله و مين انت لتقعد تحدد الوقت ها؟😒

مازن تطلع عليها بنظرة خلتها تخاف و طلع .. بس ما بينت خوفها 

ملاك -بتقلدو-: معاكي ربع ساعة مش اكتر من هيك 🙄😤، مستفزززز 

منار تطلعت بياسمين و استنتها تحكي 

ياسمين: ملاك و ليلى، اطلعو جيبو لمنار اشي توكلو .. بدي احكي معها شوي

ليلى: من متى بنخبي ع بعض احنا ها ؟ 😒

ياسمين تطلعت بمنار انو شو اتفقنا؟🙂

ليلى: بمزح بمزح تعالي ملاك.. 

طلعو و ضلت منار صافنة بياسمين و بتستناها تحكي .. 

....

شو بتتوقعو سبب اختفائهم ؟ و هل انو مازن الو دور باختفاءهم ؟ 👀 و ليش ياسمين طلبت من ملاك و ليلى يطلعو؟