Mary's Sweet Revenge [Book2 of Virgin Mary]

SWEET REVENGE》30

Mary Point of View

Sobrang ingay ng paligid. Ang init-init ng panahon sabayan mo pa sa mga nagsisiliparang alikabok sa labas ng tent. Ilang oras na ako dito sa mismong renovation ng shop. Nakasanayan ko naring pakinggan ang mga maiingay na machine na ginagamit ng mga construction workers.

Nakatulala akong nakatitig sa mga iilang papelis na pipermahan ko. Hindi ko alam kong bakit ako nawawalan ng gana sa pagkakataong ito. Tila nanawala ako sa sarili kong pag-iisip. Ang dami kong iniisip ngayon. Una si Rocky, pangalawa si Matteo, pangatlo ang lupa sa Gregoria, pang apat si Venus at si Mr. Francisco.

Pano kaya pag nalaman ni Venus ang totoo? Ano kaya ang magiging reaksyon niya? Ano kaya ang mararamdaman niya? Magkapatid kami sa ama at na e'excite na akong malaman niya ang lahat tungkol sakin at sa kanya. Beside ako naman talaga ang unang anak ni Mr. Francisco. Mas matanda ako sa kanya at kahit magalit pa sya sakin ay wala na syang magagawa. Kong ayaw niya sakin, mas lalong ayaw ko sa kanya. Nananalaytay ang dugo niya sa dugo ko at kahit ganon paman ay mag-kaiba kami ng ugali.

Halos mapunit ang hawak kong papel sa harap ko. Hanggang ngayon ay nanatiling presko sakin ang sakit na ginawa nilang lahat. Hindi pa ako tapos, dinahan-dahan ko lang naman para dahan-dahan rin nilang maramdaman ang sakit.

Napasandal ako sa back rest ng upoan. Nilalaruan ko ang aking ballpen. Hindi ako makapag-isip ng maayos dahil sa nangyari kagabi. Bakit ganito ang nararamdaman ko? May itinatago kaya si Rocky sakin? May itinatago din kaya si Matteo? Hindi ko alam pero kakaiba ang nangyari kagabi. Parang may mali sa dalawa.

Bumabalik parin sa isipan ko ang nangyari. Nagugulohan ako!

~Flashback~

Palipat-lipat ang tingin ko sa dalawa. Hinila ako ni Matteo ngunit hindi naman ako binibitawan ni Rocky. Kong hihilahin naman ako ni Rocky hindi naman ako binibitawan ni Matteo. Sobrang sakit na nang magkabila kong braso. Halos mabali ang buto ko dahil sa paulit-ulit nilang paghila sakin.

"Bitawan mo si Mary, Matteo. Wala kang karapatan sa kanya." pagbabanta ni Rocky. Palipat-lipat ang tingin ko sa dalawa. Sumulyap ako kay Matteo at igting panga niyang hinamon si Rocky.

"Wala karing karapatan sa kanya. I dont own any rights to her, but I have the rights to express my feelings for her." nanlaki ang mata ko sa sinabi ni Matteo. Halos hindi ako makahinga sa sinabi niya. Naramdaman ko ang mahigpit na hawak ni Rocky.

"Nagpapatawa ka ba Matteo?" halakhak ni Rocky na may halong pang-aasar. Nahihilo na ako dahil sa palipat-lipat kong tingin sa kanilang dalawa.

"Am I laughing Rocky? Stupid." bagsak boses ni Matteo na ikinahalakhak ulit ni Rocky. Bakit hindi ko sila magawang pigilan? Para bang may gusto pa akong marinig.

"Express your feelings huh!? Iyon ang pinaka nakakatawang narinig ko ngayong gabi. Nagagawa mo pa talagang mag express ng nararamdaman mo? Gano ba kakapal yang mukha mo Matteo?" namilog ang mata ko sa sinabi ni Rocky. Gusto ko silang awatin ngunit hawak nila ang magkabila kong braso. Tila nanghihina ako sa eksenang ito.

"Kong gano kakapal yang mukha mo, ganon din sakin." mas lalo kong naramdaman ang galit ni Rocky dahil sa sarkastikong sagot ni Matteo. Sobrang bilis ng tibok ng puso ko sa kaba. Para bang may mangyayaring masama. Para bang may nararamdaman akong mali.

"A-Anong sabi mo? Putang'ena mo Matteo," sobrang bilis ng pangyayari. Lumapat ang kamao ni Rocky sa mukha ni Matteo. Napaatras ako dahil sa takot. Napahawak ako saking dibdib.

"Pareho lang tayong dalawa Rocky. If  I am a coward? You're a bastard." napasigaw ako sa nasaksihang eksena. Nagpalitan ng kamao ang dalawa. Halos manginig ang tuhod ko sa nakita. Hawak-hawak ko ang bibig ko sa takot. Halos maiyak akong nakikita silang nagkakasakitan.