Mary's Sweet Revenge [Book2 of Virgin Mary]

SWEET REVENGE》39

Nagsisimula na ang laro sa pagitan ng dalawang grupo. Sa larong ito ay team si Clifford at Matteo, habang sa kabilang team naman ay si Rocky at Robi. Kanina pa ako kinakabahan dahil sa totoo lang ay kanina pa ako hindi pinapansin ni Rocky. Kahit anong gawin kong huli sa kanyang mga mata ay hindi sya nagpapahuli. Kasalanan ko naman diba? Kasalanan ko kong bakit pa ako sumama kay Matteo. Siguro ay kakausapin ko sya mamaya at manghingi ng tawad.

"Hoy Maey.." Bigla akong siniko ni Grace sa may tagiliran. Katabi ko ang tatlo ngayon na mukhang na e'excite narin sa laro. "Bakit kayo magkasama ni Sir kanina? Saan kayo galing?" kumikinang pa ang mata ni Grace sa katanongang iyon. Nag-taas ako ng kilay dahil nasa akin ang tingin ng tatlo.

"Business," sagot kong maikli ngunit natawa lang sila.

"Business? Diba patapos na yong shop mo? This month ay magbubukas kana. Ano pa ang pag-uusapan nyo? Kong sino ang mag ca'cut ng ribbon?" nanliit ang mata ko sa sambit ni Jessica. Kumunot ang noo ko dahil malakas silang nagtawanan. Anong meron? Bakit trip nilan mangbully ngayon?

Dahan-dahan akong nagbuntong hininga. Ayaw kong magmumukhang guilty sa harap nila. Umayos ako ng upo bago sila tinignan ng nakangiti.

"Isipin nyo na ang gusto nyong isipin," sagot ko at agad binalik ang tingin sa court. Narinig ko ang iilang tawanan nilang apat. Isang tawa na pilit at nagsisihan.

Nagsimula na ang laro ang bola ngayon ay nasa team nila Clifford at Matteo. Hawak ni Clifford ang bola habang dinidribol ito. Bawat galaw at takbo ni Clifford ay hindi maiiwasang namamangha ang mga nanunuod sa kanya. Ang kanyang tangkad at laki ng katawan ay sobrang sakto lang. Inilipat ko ang tingin kay Rocky na ngayon ay binabantayan si Matteo. Kumunot ang noo ko dahil sa nasaksihan. Bawat titig ng dalawa ay may galit at pagbabanta. Napahawak ako saking dibdib. Hindi ko alam pero kinabahan ako ngayon. Kaliwa, kanang umiilag si Matteo subalit hinaharangan lang ito ni Rocky.

"Go Papa Rocky! Go go..." napalingon ako sa sigaw ni Grace. Nakatayo na ito habang tumatalon.

"Kaya mo yan Papa Matteo. Go lang ng go..." sigaw naman ni Jessica habang tumatalon rin. Napalingon ako kay Ivony subalit sobrang tahimik niya lang. Mas lalo akong kinabahan ng lumingon sya sakin at agad namang nag-iwas ng tingin. Magsasalita sana ako ng bigla syamg tumayo at humarap samin.

"Cr muna ako," saad niya at dali-dali kaming tinalikuran. Maging ang dalawa ay nahahalata ang kinikilos ni Ivony. Kanina pa sya hindi mapakali na para bang may itinatago samin.

"Anong problema non?" si Grace na nakatingin na pala sakin ngayon. Nagkibit ako ng balikat bago ibinalik ang tingin sa court.

Sobrang bilis ng pangyayari dahil nakalimang puntos na ang team ni Matteo at Clifford samantalang sina Rocky at Robi ay tatlong puntos lang. Binigyan sila ng isang minutong time out. Gustohin ko mang tumayo para lapitan si Rocky ngunit may pumipigil sakin. Tanging sulyap lang ang ginagawa ko sa dalawa. Bakit ganito? Parang nag-aaway ang aking puso at isipan. Gusto kong tumayo, gusto kong bigyan ng pampunas si Rocky, gusto ko syang alagaan.

"Hoy Maey wala ka bang balak tumayo dyan? Mukhang kailangan ka ng dalawa oh." nanlaki ang mata ko sa sinabi ni Jessica habang tinuturo si Matteo at Rocky gamit ang kanyang nguso. Nagtawanan ang dalawa habang ako ay hindi mapakali.

"Sira ka talaga Jessica," binatokan ni Grace si Jessica sabay tawa nilang dalawa. Dahan-dahan kong nakagat ang aking labi bago yumuko. Bakit nga ba ako nalilito sa tuwing naiisip kong gustong tumayo?

"Ayan na magsisimula na ulit! Wooooo go Sir Clifford." tumayo ang dalawa at nagtatalon sa excite. Hinayaan ko nalang silang sumigaw habang ako ay nakaupo lang. Hinahanap ng mata ko si Ivony. Bakit hindi pa sya nakakabalik dito? Bakit natagalan yata sya sa banyo?