-
وصـل بو سـعود الشـركه الي كان يشتغل فيها باقصى سرعه عنده، لان الزحمة إلي صادفته في الطريق اخرته عن اجتماع أصحاب الشركات المنافسة لشركتهم.
السكرتير و هو معصب: عبدالعزيز!!!!! انت وينك!!! طويل العمر يسال عنك من ساعه!!!
بو سـعود و هو يتنفس بصعوبه: مو بيدي! صادفتني زحمه فضيعه في الطريق..
السكرتير: هذا الكلام قوله للعم بو تركي الي مستحلف فيك يقول فشلنا مع العالم.
بـوسـعود في نفسه: الله يعني عليك يا قاسي.
اخذ نفس عميق مره ثانيه و فتح باب غرفه الاجتماعات الالكتروني بالبصمة الخاصة، بـو سـعود هو مدير قسم التخطيط للمشاريع، و كل مشروع في الشركة لازم يمر عليه قبل ما يوصل للمدير،
دخل بو سـعود الغرفة الكبيرة الفخم، كانت مصنوعة على طراز أوروبي فاخر من العصـور الوسطى و مزينه بتحف و مقتنيات نادرة تدل على ثراء صاحب الملك، حس بو سـعود بألم في صدره
و خوف شديد لما شاف نظرات المدير العام بو تركي و الي كان الشرر طالع منها، فكر انه يطلع من الاجتماع بعد ما يسلم الأوراق له و يحفظ ماء وجهه اللي من الممكن يضيع بكلمه من بو تركي المعروف بسوء المعاملة و تحقير الموظفين.
...................: بو سـعود!
حرك بوسعود نظراته من بو تركي الى الشخص الي تكلم و الي كان جالس على رأس الطاولة،
وعلى اكبر مقعد (( خالد) ، و اللي كان الفرق بين نظرته و نظرة بو تركي لبو سعود فرق السماء عن الأرض.
بو سـعود: أوامرك يا طويل العمر.
خالد: ليش واقف؟؟؟ تعال.
أشر خالد لبوسعود يجلس على الكرسي الي جنبه، مشى بو سعود جلس على الكرسي الي خصصه له خالد
خالد : يا ساده ممكن الحين نبدا اجتماعنا.
بو تـركي : أمرك يا طويل العمر.
وقف بو تركي المدير العام للمجموعات شركات خالد الـ ... و بدأ النقاش..
أستمر الاجتماع ساعتين كاملتين تناقش فيها بو تركي، وابنه تركي ( المدير المالي) و ابنه الثاني أحمد( المدير التنفيذي) حول أكثر من مشروع و صفقه، منها افتتاح أفرع جديدة في
أماكن مختلفة من العالم، توفير الدعم لأكثر من شركه جديدة في مقابل إنظمامها لشركتهم، تطوير سوق تجاره السيارات و استيراد أنواع جديدة بصفات خاصه......... الخ و في النهاية
و بعد المناقشات الطويلة تم الانتهاء أخيرا بموافقة الهوامير مع خالد على الصفقات و ما بقى غير توقيع العقود.
خالد: أتمنى فعلا اني أكون أهل لثقتكم الغالية.
بو سلطان واحد من الهوامير في الاجتماع: عمرك ما خذلتنا يا خالد، و إحنا نوثق فيك أكثر من أي شخص ثاني.
بو خليفه: صاج يا بوسلطان خالد رجال و النعم فيه.
ابتسم خالد ببرود و هو يسمع مديح مجموعه العجاير الي يحاولون الاستفادة
منه كثر الإمكان: بو سـعود العقود من فضلك.
بوسـعود: ان شاء الله.
اخذ بو سعود الشنطه اللي يحتفظ فيها بالأوراق المهمة و قعد يدور العقود المطلوب منه
تجهيزها مسبقا، دور مره، مرتين، ثلاث، اربع، خمس........
بوتركي: بو سعود وين العقود؟
بوسعود بخوف: مالقيتهم.
بوتركي: أأأأأأأأأأيش!!!!!!
بوسـعود: سامحني يا طويل العمر، يظهر اني نسيتهم في البيت او في السياره
بو تركي: احلفّ!!!! ضحكتني داخل متأخر!!! وناسي العقود بعد!!! لا يكون نســـيت انت منـــووو؟؟؟
خالد: عمي !!!!
سكت بو تركي لما قرر خالد التدخل، هو يعرف مكانه بو سعود عنده، لكن الي صار
هذي المرة أبدا ما راح يغفره خالد له و اكيد راح يتصرف معه.
خالد: توقيع العقود راح يتم الأسبوع الجاي لما ارجع من تركيا.
بو سلطان: نعم!!! فاضين احنا نجي مره ثانيه بعد أسبوع؟
بو سامي: مو بس انت الي عندك سفرات و اشغال!! احنا بعد ورانا جدول مزحوم!!
بو فايز: خالد اما ان نوقع العقود اليوم، ولا اعتبر المشروع ملغي!!!
أيد معظم الرؤساء قرار بو فايز و قعدوا ينظرون لخالد بقوه و تخويف، خالد بكل برود
حركه وجهه في اتجاه بو سعود الي فتح ازاير ثوبه و بدأ يتنفس بصعوبه وبعدها ابتسم.
خالد: المشروع ملغي.
قرار خالد صدم كل الموجودين بما فيهم عمه و بوسـعود.
بو سلطان: انت ايش قاعد تقول!!!
خالد: انا الشخص الوحيد الي ما راح أتأثر بإلغاء المشروع، علشان كـذا اذا ما شفتكم
الأسبوع الجاي هنا في القاعده لتوقيع العقود تقدرون تعتبرون المشروع ملغي، و تخسرون الملايين اللي كان من الممكن تحصلون عليها في مقابل اني احصل على بعض التوصيات على مشاريعي الجديده،
والي طبعا اقدر احصلها من مصدر ثاني.
بوسلطان: فكر عدل يا خالد، قرارك هذا اهانه لنا.
خالد وهو يقوم من كرسيه الجلدي الفاخر: اذا تبي اعتبره اهانه، انتهى الاجتماع.
طلع خالد من الغرفه من غير حتى ما يودع الرؤساء او يسمع أي رد منهم، والي غادروا بعد دقايق من طلعته.
-
-
-
بو تركي: ممكن افهم انت شسويت!!!
بو تركي اللي ما كان مصدق قرار خالد الي اتخذه بسبب غلطه بوسعود، لحق خالد لمكتبه الضخم و بدأ بالصراخ.
خالد: عرفتهم مستواهم طبعا!!.
بو تركي: بس يا خالد هذول كبار و ممكن يضرونك!!
خالد: لا تخاف علي يا عمي، لان يوم خسرت انت و ابوي ثروتكم، انا استرديتها ووصلت اسم عايلتنا لمستوى اعلى من الي كانت فيه، انا ما اخطي خطوه قبل ما اخطط لعشر بعدها.
بو تركي: و بوسعود جزء من خطتك؟؟
خالد: ايش قصدك؟
بوتركي: اسمعني يا خالد، بو سعود رجال و النعم، وطول عمره يخدمنا بإخلاص، لكن لكل شيء وقت وينتهي.
خالد: تقصد اصرفه! مستحيل!
بو تركي: يا ولد اخوي، الي صار اليوم مو اول غلطه يرتكبها بوسعود، نسيت المشروع الي بغى يروح منا يوم غلط في تقدير التكاليف، و المعرض الي كان بيبعه لمنافسنا
بدال الشخص الي اتفقنا معاه، هذا غير الفلوس الي ما تعد ولا تحصى الي تضيع بسبب اخطاءه.
خالد: الحلال حلالي انا، وانا مو هامني أي خطأ يرتكبه.
بوتركي: خالد!!
خالد: انتهينا و موضوع بوسعود لا عاد تفتحه معي، لان بوسعود ما راح اصرفه لو يصير اللي يصير!
لف خالد كرسيه باتجاه البلوكونه الكبيره الي وراه و تجاهل عمه الي كان واقف و كأنه يطلب منه يطلع، وطبعا عمه فهم قصده وطلع من الغرف.
-
-
-
دخل بو تركي غرفته بعصـبيه و كان ابنـاءهم في انتظاره و انتظار قرار خالد.
أحمد: بشـر بيصرفه؟
بو تركي: لا طبعا.
أحمد:أيش؟؟؟ هذا ما يفهم؟
بوتركي: يقول ان بوسعود اشتغل عنده كل عمره، فمستحيل يكافأه بالطرد!
تركي: وخالد صادق، الرجال و النعم فيه، والانسان مو معصوم من الخطأ!
أحمد: انت مالك شـغل! لان دائما أي شيء يسويه خالد في نظرك هو الصواب
تركي: حمييييد احترم نفسك، انا اخوك الكبير.
أحمد: مافي احترام، مادامك انت و صاحبك بتطيرون فلسونا و تخلونا على بساط الفقر!!
تركي: انت والله مصدق عمرك! ناسي ان الفلوس فلوس خالد و انه طيب منه شغلنا معاه!!
بو تركي: تركي!!!! مافي داعي لهذا الكلام و لا تنسى انه لولا وقفتنا معاه كان ضيع كل الي بقى من ورث ابوه.
تركي: ...................
اكتفى تركي بالصمت لانه ما يحب يجادل ابوه الي في نظره النقاش معه في موضوع محوره خالد او الفلوس عقيم، فقرر يختصر الطريق و يطلع من الغرفه.
أحمد: ايش ناوي تسوي يبه؟
بو تركي: عندي فكره، لكن ماني مسوينها الا بعد ما يسافر خوييلد لتركيا.
أحمد: و متأكد انها بتخلصنا من العجوز المخرف!
بوتركي: ان كان عنده كرامه!! فاكيـد.
-
-
في المـدرسـه أسماء:
كـانت أسمـاء توها راجـعه من حصـتها و ميته تـعب، بنات الصـف الاول مزعجين و مسـتحيل تطلعين من الصـف سـعيده مهما كانت حصـتك ممتازه، لكـن اسـماء اسـوء صف
في المـدرسه كان ارحم عندها مليـون مره من القـعده مع نـاديه و دلال الي تكـرهم و هي الي ما تكـره احـد لانهم هم يـكرهونها و يتمنون لها الشـر..
نـاديـه: أسـوم انتي وينك؟ الحـصه خالصـه لها عشـر دقايق؟
أسمـاء بابتسـامه كاذبه: لـيه تبين شيء؟
نـاديـه: لا بس خفت عندك تبديل او عطوك احتـياط؟
أسمـاء: لا تطمني قـعدت مع البنـات اصحح الكـراسـات لحد ما جـت ابـلتهم.
نـاديـه: اهاا، اذا على كذا خلاص مشـينا،،
أسمـاء باستـغراب: على وين؟
نـاديـه: قسـم العلوم عازمينا على قـهوه و حلوه بمـناسبه خطبـة ســـــــــهام!!! (( طـولت على أسم البـنت))
أسماء بعصـبيه تحاول تخفيها: أذا تبين تروحين روحي، انا ما اعرفها البنت فمالا داعي اجي ارز فيسي عندهم
نـاديه: حرام عليك؟ أصلا هم طالبينك بالاسم ، وكل المدرسه باركت لها وما بقى الا انتي! و لا تبينهم يقولون انك كنتي حاطه عينك على خطيبـهااااا (( و طولت مره ثانيه على كلمه خطيبها))
أسمـاء: ايش هذا الكلام يا ناديـه؟؟؟؟
نـاديـه: انا ما قلت شيء بس انتي تعرفين لسـان الحريم الفاضيه، وانه ما يرحم احد..
أسمـاء بقهر : مـشـكوره، احط اغراضي و اجي معك.
مشـت اسـماء بعد ما حطت اغراضـها مع نـاديـه و راحوا لغرفة العـلوم و الي كانت بـعيده شـوي عن غرفتهم، و كانت ناديـه صـادقه، كانوا اغلب مدرسات المدرسة موجودين بمـا
فيهم الوكيلة جـوزه الي كانت جالسه جنب سـهام.
اسـماء في نفسـها وهي تناظر سـهام: صـدق لما يسـمونها بنـات صـفي ( ابـله لميـس) كانت سـهام طـويـله قـوامها ممشـوق، عيـونها مو معروف لونها لانها دايما حاطه عدسات لون و شكـل، عيـونها واسـعه و شفايفها مرسومه رسم، معروفه بالميك اب اللبناني، والفساتين القصـيره لتحت الركبه، كانت فعلا جميـله.
سـهام: اسـماء ليش واقفه؟
انتبهت اسمـاء انها طـولت و هي تطالع البنت لدرجه ان البنت سألتها ليش واقفه..
أسمـاء جلست و صبوا لها قهوه: سـوري تعباانه، بس قلت لازم اجي ابارك لك ..
سـهام: مشـكوره يا قلبي، وعقبالك..
دلال و نـاديـه في وقت واحد وهم يضحكون: آميييييين.
أسمـاء ما قدرت تتحمل خـلصت فنجانها و طلعت على طـول، بس مو قبل ما تنتبه الوكيـله جوزه على حزنها..
جـوزه في نفسـها: والله العظيم اني ما بغيت غيـرك، بس الله يـسامح الي كان السبب.
-
-
-
في مـدرسـه التـوأم:
كان وقـت الفـسحه و التـوأم و شـلتهم متجمعين في طاولتهم المعتاده عند المقصـف..
دانـه: يوووو جـوعانه متى بنروح نشـتري؟؟؟
مـها: أصبـري ننطـر اسـوره!
منـال: بس أسـوره طـولت متـاكده انها مداومه اليـوم؟
بـدور: أي مداومه انا شـفتها هنا و انا جـايه يمكن الابـله مناديتها و لاشيء...
مـها: مـو مشـكله ننطر خمس دقايق ثانيـه.
دانـه: بس كـذا امـووووت!!!
منـال: لا يا عيـوني ما راح تمـوتين، بس راح يخف الشـحم اللي مخزنته شـوي هههههههههههه
وقـعدوا يـضحكون ،،
دانـه : منااااالووو انا ارويك يا الطنطل هيـــن!!!
دانـه و بـدور و اسـرار صـديقات من اربـع سـنين تقريبا، كانوا دايما يصـدفون في نفس الصـف، لكل للاسـف في هذي السـنه انفـصلت عنهم اسـرار في صـف ثـاني لكن دايمـا يـتجمعون في الفسـحه
دانـه بـنت طيـوبه بس عـنيفه شـوي،، دبـدوبه شـوي بس طويله اقصـر من مها و منال،
شـعرها اسـود طيـول لاخر ظهرها نـاااعم حرير بس دايما رابطته، تكـره احد يغلط على وحده من صـديقاتها،، و ما تقـاوم أي شيء اسـمه الاكـل...
بـدور أطـول البنـات، ضـعيفه بس عنيفه هما، تحب تخلق المشـاكل للناس اللي يكرهونها، شـعرها احمـر بخًـصل ذهبيه، قصـير لكتفها، ماحد يسـلم من لسـانها ان استهدفته.
أسرار: المغلوبه على امـرها بينهم، رقيقه و ناعمـه و طيبه القلب، تمـوت في
التـوأم و بدور و دانه أشطر وحده فيهم كلهم و كل النـاس يقولون لها انها شـكلها غلط مع المتوحشـات، شـعرها أسود قصـير قاصته جايـنيز، عيونها عسـليه، معجبـه بسـعود اخو التـوأم لكن محد يـدري، انفصل ابوها عن امها و سافر بعد ما تركها عند خالها.
