Noor, Noor Fahad aik intahai sada mizaaj ki 24 salah larki thi. Aksar is ke labon par dheemi si muskurahat rehti aur iska baat kerne ka andaaz hi aisa tha ke kisi ko bhi kayal kar le. Noor ne apni pharai mukamal kar ke aik school men job shoru kar di thi halan ke iske walidein ko mayaashi tor par is ki madad ki hargiz zaroorat na thi magar Noor ko farig bhethna acha nhi lagta tha. Oski apne kaam ke sath imaan daari tu be misaal thi. Noor vese tu khush mizaaj thi magar han kuch baton par ise gussa buht jaldi aa jaya karta tha lekin gussa peene ki bhi ise bharpoor adat thi. Noor ko kala rang buhat pasand tha ye tu is ke kamre men saji cheezon se saaf maloom parta tha. Is ki ankhon men buhat kashish thi aur chehre pe buhat noor tha bilkul is ke naam ki tarah. Vo proper hijab nhi karti thi magar iska dupatta hamesha iske sir pe rehta jo iski khubsurati ko Chaar chand laga dia karta tha. Is ka apne Allah par yaqeen be had pukhta tha. Kabhi koi bhi mushkil hoti tu ye osi Rab se madad manga karti thi.
YOU ARE READING
Safeena-e-Qalb
FanfictionYe kahani hai on do logon ki jin ko waqt aur logon ne be inteha azmaishon men dhakel dia. Kuch tha onki chahat men jis ne har phool ko oski khushbu wapis lauta di aur har chaman ko oske rang lauta die. Har taufaan se dat kar lare the vo dono, kuch m...
