Safeena-e-Qalb

Dard

Noor aur Ayaan wahin tasweeren bakhere dada ke sath bhethe the. Aik dam se dada apna sar jhuka gaye   apni easy chair pe bhethe. Ayaan aur Noor aik dam se khare howe. Ayaan bola:

"Dada aap theek hain na?"

Vo apne dil par hath rakh kar kuch bolne ki koshish kar rahe the. Noor aur Ayaan be had pareshaan the, on dono ne onke hathon par hath rakhe howe the. Vo kaanmpti, halki awaaz men bole:

"Mere.....bbbaacho...men jaa..ra..ha..hoon."

Vo dono rone lage the.

"Chalo Noor dada ko hospital le ke jana hai jaldi."

Ayaan hatne laga tu onhon ne os ka hath pakar lia, na men sir hilate.

"Mujh....ssse...wa..daa....karo..mere...ssse...kia...wada...nibhaao ge." 

Vo dono han men sar hila gaye the rote howe. On ke kalma parne ki awaaz ne on dono ke wajood se bhi rooh ko nikaal dia tha. Vo osi tarah sar jhukae ankhen band kar gae. Insaan buhat be bas hai, oska marna oska jeena sab Os zaat ke hath men ha. Vo chahe tu apne bula le aur chahe tu zindagi de. Ayaan ne tu apne seene men anso'on ka samandar utaara tha magar Noor osko hosh na rahi thi. Vo zameen par ja giri thi. Ayaan ne sab ghar walon ko bulaya tha.
                 ...........................
Salman sahab ke ghar pe aik baar phir badalon ka, kaale badalon ka saaya chaa gaya tha. Har jagah sog ka alam chaya tha. Safed chadaren bichin thin, siskion ki awaazen goonjh rhi thi aur har taraf na omeedi chaye howi thi. Ahmed aur Fahad dono apne hawaas kho bhethe the, bas chup kar ke aik kone pe bhetha the. Ayesha aur Uzma ki ro ro kar ankhen laal hoi thin. Os aik shaks ne kabhi kisi ko takleef nhi di thi, apne baiton se zyada apni bahuon ka khayaal rakha tha. Noor aur Ayaan jin men Salman sahab ki jaan basti thi, Ayaan hi tha jisne dil par pahaar rakh kar sab ko sambhala tha. Noor aik jaga bas bejaan ho kar bhethi thi khalaa men takte, os ka rang peela par gaya tha aur ankhen khaali ho gaein thi. Ayesha aur Uzma tu kuch behtar ho ke apne apne shauhron ko dilasa dene men masroof thin. Ayaan logon se mil raha tha aur Noor ke pas koi nhi tha.
                   ..........................
Vo kamre men aaya tu ose wahin bhethe paya tha. Vo osko dekh kar apna aap kaabu men na rakh saki aur cheekh cheekh kar rone lagi thi. Vo oske pas aa ke bhetha tha, oske labon par hath rakha

"Nhi Noor na ro please, dada ko bura lage ga na onki shehzaadi ro rhi hai."

Vo tu saans lena bhi bhool gaye thi bas roye ja rahi thi oske seene se lage.

"Mujhay chor gaye vo Ayaan dekho na men akeli reh gai hon."

Vo bhi ro raha tha.

"Dekho Noor men hoon na."

"Nhi Ayaan mujhay dada ke pass jana han, tum onhen wahan andhere men chor aaye ho na, on ko....on ko paani chahie ho ga na."

"Noor mat ro aise, himmat karo
please."

"Le jao na onke pas please aik baar, men bas dekh ke wapis aa jaon gi, on se bilkul koi baat nhi karon gi Ayaan."

Vo bukhaar men tap rahi thi osko khud pata nhi chala vo kab wahin rote rote so gaye. Ayaan ne ose dawai pila kar sula dia tha. Vo mitti banen har kisi ke ansoo apne andar jazb kar raha tha. Oske pas rone ke lie kandha nhi tha koi.
                 .............................  
Noor buhat behtar ho gaye thi. Vo magrib ki namaz par ke bed pe bethi thi Ayaan ko namaz parte dekh rahi thi.

Osko andaza howa tha ke vo kis kadar pareshaan hai. Vo jainamaz utha kar zameen pe bethe tha Noor ke pas oske hath thamte.

"Theek ho na."

Vo na men sar hila gaye.

"Men apko pareshan dekh ke bilkul theek nhi hon Ayaan. Dada ki death se le ke ab tak aapne sab ko sambhala. Har kisi ko rone ke lia kandha dia. Apke pas tu koi nhi tha."

Vo oski god men sar rakh gaya tha siskion ke sath rote. Noor ke anson oske chehre pe girne lage the.

"Dekho Noor vo chale gaye, hamesha hamesha ke lie."

Vo itni takleef men tha ke oske ansoo nikalna band hi nhi ho rahe the.

"Men mar...."

Vo oske labon par hath rakh gaye.

"Nhi Ayaan aise na kahen please."

"Meri nazron se onki shakal nhi jaa rahi, mujhay onke hasne ki awaazen aati han Noor."

"Mujhay bhi aati hai."

Vo oske sar pe sar rakh gai.

"Men onhen akela chor aaya hoon, apne hathon dafna aaya hon. Onhon ne tu mujhay kabhi akela nhi chora tha na."

"Ayaan chup ho jaen na please, vo apko is haal men dekh ke izteraab men hon ge."

Vo kaanmp raha tha, oska saara chehra ans'on se tar howa tha. Noor ne side table se glass utha kar oske labon se lagaya tha. Vo phir paani pee ke oski god men oske hath pakre sar rakh gaya tha.

"Men kis se baten karon ga, kiske seene pe sar rakh ke ron ga kis se apni baaten share karon ga."

"Men onki kami tu poori nhi kar sakti Ayaan but I promise men aapke sath rahon gi hamesha."

"Wadaa karo."

"Waada karti hoon."

Vo vahin oski god men sar rakhe so gaya tha. Noor ne oski jabein se oske geele baal hatae the aur oski jabein pe lab rakhe the. Jab tak vo utha nhi tha tab tak vo vese hi bhethi rahi thi.
                  ..........................