Safeena-e-Qalb

Rishte

Vo apne kamre men bhethi thi khirki se bahar takte.

"Noori."

Vo muri thi oski awaaz pe, apne khayaalon ke samadar se nikalte.

"Jee."

Vo oske sath aa ke bhetha tha.

"Men aaj khane ke baad sab se baat karon ga, you have to stay by my side and clear all the misunderstandings along with me."

Vo farmanbardaari se sar han men hila gaye thi.
Ayaan ne oski thori pakar kar ose opni ankhon men dekhne pe majboor kia tha.

"Meri Noori kidher hai aaj? Vo jo mujhay jinjhor kar kehti thi ke himat na haren, Allah hai na, tu kyun fikar karte han."

Vo nazren jhuka gaye thi pheeki si muskaan apne chehre pe sajae.

"Aapki vo waali Noori buhat dar gai hai Ayaan."

Vo ose apne seene men chupa gaya tha.

"Men hoon na Noori, men har kisi se lar jaon ga tumhare lie, daro mat."

"Jaanti hon aap har kisi se lar jaen ge mere lie. Aap mujh se itni muhabbat karte han isi lie meray Allah ne mujhay apka sath dia hai."

Vo muskuraya tha oske balon par apne lab rakhte.

"Aur meri Noori bhi tu mujh pe jaan chirakti hai isi lie meray Allah ne mujhay oska sath dia hai."

Vo dono bachpan men bhi dant kha kar,larai kar k akhethe roya karte the.

Flashback

Noor ko ayaan ke rone ki awaaz aai thi sehen se. Vo oske pas gayi tu vo dewaar se laga ro raha tha. Vo ghutnon ke bal zameen par bhethi thi.

"Kya howa mera dost ko."

Vo sisak sisak ke batane laga.

"Vo jo bahir Ali khelne aata hai na, os ne meri gaari tor di Noori."

Vo bhi aik dam se rona shoru ho gaye. Vo dono wahin bheth ke rote rahe the jab dada bahar aaye tu onhon ne pocha:

"Kya howa meray bachon ko, meri jaan kyun ro rahe tum dono."

Ayaan utha aur dada ki taang ke sath chipka.

"Dada Ali ne meri naye toy car tor di."

"Aur meri shehzaadi ko kya howa hai?"

Vo bhi uth kar onki tang ke sath chipki.

"Kuch nhi dada."

"Tu phir to kyun rahi ho?"

"Kyun ke Ayaan ro raha hai."

Vo sar jhatakte, on dono ko god men uthae, muskurate howe ghar ke andar chale gaye.
                .............................
Raat ko khane ki table par khamoshi hi chaye hoi thi. Ayaan ne kaha:

"Khane ke baad mujhay aap logon ka waqt chahie, men ap sab se baat karna chahta hon."

Fahad sahab bole.

"Theek hai."

Baaki sab bhi han men sar hila gaye the. Khaana khane ke baad sab lounge men bhethe the.

"Dada ki death ke baad se men aur Noor buhat upset the, ham log be had depressed the kyun ke ham dono dada ke buhat close the. Ap sab ko pata hai hamari shadi ke baad dada ne ham dono se wadaa lia tha ke ham is rishte ko nibhayen ge chahe Dada rahen ya na rahen. Os waqt tu ham dono pareshaan howe the jab onhon ne apne na hone ki baat ki thi magar kismat ko yahi manzoor tha."