Ye kahani hai on do logon ki jin ko waqt aur logon ne be inteha azmaishon men dhakel dia. Kuch tha onki chahat men jis ne har phool ko oski khushbu wapis lauta di aur har chaman ko oske rang lauta die. Har taufaan se dat kar lare the vo dono, kuch m...
Noor hospital ke waiting area men bhethi thi jab Ayaan bahar aaya. Osne foran jhukai hoi ankhe uthai.
"Noor doctor keh raha ha ke pereshaani ki koi baat nhi, vo bas sardi ki waja se temperature tha onhe."
Noor ki jaan men jaan aai thi. ........................ Vo teeno ghar wapis aaye the jab dada ne on dono ko pas bhethaya tha.
"Tum log pareshan na ho meray bacho men theek hon."
Vo dono muskurae the onki taraf dekhte, onke ghutnon par sar rakhte.
"Dada apko pata hai na ye jo apki drama queen pot'ti hai ye inti jaldi depress ho jaati hai."
Noor mun bana gaye thi.
"Arre meri shehzaadi ko kuch na kaho."
"Vese dada ye kya baat hoi, shehzaadi ke lia itna zyada pyaar aur shehzade ke lie kuch nhi."
Vo muskurae the Ayaan ke sar par pyaar dete.
"Meri jaan, tum men tu meri jaan basti hai."
"Aap log coffee pien ge?"
Vo dono han men sar hila gaye. Thori der baad apne lie aur on dono ke lie coffee le ke aai.
"Vese Ayaan pata hai tumhe Noor ka buhat faida hai saari zindagi itni achi coffee mile gi."
Vo khilkhila kar hase Ayaan ke sath.
"Dada pata hai Ayaan kehte han mujhay coffee banani nhi aati."
"Ayaan tumhare kan marorne paren ge, kyun meri shehzadi ko tang karte ho?"
Noor ne apne chehre pe fatehana muskurahat sajai thi.
"Men tu mazaq karta hon dada."
"Nhi dada ye serious ho ke kehte han."
"Acha acha bas karo tum dono, hamesha bachon ki tarah larte rehte ho."
Vo chup howe the dono.
"Jao ja ke so jao buhat der ho rahi hai."
Vo sar jhukae onke hukam ki tameel kar gaye. ............................ Noor kapre badal kar kamre men aai tu dekha Ayaan oski jagah par leta tha.
"Ayaan uthen meri jagah hai ye."
"Sone do aaj mujhey yahan."
"Nhi Ayaan mujhay os side pe neend nhi aati."
"Aa jai gi na."
Vo bed ki dosri taraf gaye aur wahan se taqia uthaya.
"Men ja rahi hoon dada ke pas, aap soyen sakoon se yahan."
Vo foran utha aur kamre ke darwaze ke pas ja ke khara ho gaya.
"Ab kese jaen gi aap."
Vo side par hoi aur apna taqia sofe par phenka aur wahin lait gai. Vo janta tha ke vo dada ki wajah se pareshaan thi magar ose lafzon men bayan karna nhi aa raha tha. Vo ja ke bed pe lait gaya oske sone ka intazaar karte.
К сожалению, это изображение не соответствует нашим правилам. Чтобы продолжить публикацию, пожалуйста, удалите изображение или загрузите другое.
Jab vo so gaye tu vo ahista se utha aur osko sofe se utha kar bed pe litaya. .......................... Vo subha oske hathon ke ehsaas pe uthi thi. Vo oske baal oske kano ke peeche tika raha tha. Osne ankhen khol ke idhar odhar dekha tha.
"I am sorry Noor."
"I need to be sorry Ayaan men tu aise hi over react karti hon."
"Nhi na men keh raha hon na, men janta hon tum dada ki wajah se pareshaan thi aur mene tumhe aise hi annoy karna shoru kar dia."
"Ayaan aapne mujhay kabhi annoy nhi kiya, aise tu mat kahein aur jee men pareshaan thi bas khud ko bhi samajh nhi aa rahi thi ke masla kya hai."
Ayaan ne oske hath apne hathon men le ke onko labon se lagaya tha.
"Apko pata hai Ayaan jab ap mujhay, meray bin kuch bole samajh lete han na tu mujhay buhat acha lagta ha."
Vo muskuraya tha.
"Aur mujhay apko samjhna buhat acha lagta hai."
"Pata hai jab se amma ne mera rishte dekhne shoru kie the na tab se men yahi dua manga karti thi ke vo jo bhi ho bas mujhay samjhey."
"Tu kya apko mila vo jis ko duaon men manga tha."
"Jo mene manga tha mujhay os se kahin zyada mila hai Ayaan."
Ayaan ki muskurahat aur gehri hoi thi.
"Apko pata hai men kya magta tha Noor? Mene hamesha yahi dua mangi thi ke mujhay meri Noori jesi koi chahie kyun ke mene kabhi socha nhi tha ke abba aur chacha hamare rishte par raazi hon ge. Mene apni khuwahishen apne dil men daba lin thin lekin dekho na meray Rab ne meri vo dua bhi qabool kar li jo mene waqeatan kabhi lafzon men maangi hi nhi thi."
"Ayaan vo tu hamari shahrag se bhi qareeb hai tu kese na sun le vo jo hamne khud se bhi chupaya hai."
Ham log nhi jante Allah ke faisle, vo kese kese raaste saaf karta jata hai aur hamen kanton se bachata hai. Ham tu shukar karna jante hi nhi han. Ham pe jab choti choti mushkilaat aati han tu ham mayoos ho jate han. .......................... Noor, Ayaan aur dada teenon dupeher ko akhete bhethe the. Dada purani pictures Noor aur Ayaan ko dikha rahe the.
"Ye dhekho yahan tum dono ko different ice cream khareed thi mene aur tum log lar rahe the ke kiski zyada achi hai."
Vo hase the teeno on yadon men jeete.
"Aur ye dekho yahan Noor pata hai kyun ro rahi thi kyun ke tum ne iske shoes ke tasme khol die the."
"Dada Ayaan ko tu adat hai mujhay tang karne ki hamesha se."
"Vo tu hai mujhay."
Vo zor se hasa tha.
"Ye waali dekho ye tum dono ki favourite billi jiski pyaali men tum log chupke se apne bedtime pe mila howa dhoodh undail dia karte the."
Vo dono heraan ho kar dekhe the aik doosre ki taraf.
"Dada ye baat tu Noori aur mene kabhi amaan aur chachi ko bhi pata chalne nhi di."
Vo on dono ke saron pe halka sa hath maar ke bole:
"Gadhon men tum dono ka dada hoon, mera kamre ki khirki se sab nazar aata tha."
Vo khikhila kar hase the teenon.
"Vese dada jaan aap mera aur Ayaan ka ye secret kabhi amman ya tai jaan ko na batiye ga warna waqei is umar men jootiyan paren gi."
Vo hase the zor se.
"Ye tu hai bhae, meri dono bahuen gusse ki buhat tez han."
К сожалению, это изображение не соответствует нашим правилам. Чтобы продолжить публикацию, пожалуйста, удалите изображение или загрузите другое.
Aik vohi shaks tha jiski wajah se sab lari men piroya howa tha na jaane agar vo na hota tu sab kis kadar bikhar jata. Oske saaye ne baand kar rakha howa tha sabko. .............................
