Safeena-e-Qalb

Zakham

Salman sahab ki maut ko do maheene guzar gaye the. Os ghar men na koi kuch zyada bolta tha, na hasta tha. Sab kuch be rang ho gaya tha. Ahmed aur Uzma apne kamere men bhethe the.

"Men soch raha hoon Uzma ke ham ghar change kar len, mujhay Abbu ka ehsaas milta hai men jahan jata hon ab is umar men mujhay kuch ho jae ga. Ye gham mujhay khae jaa raha hai."

"Allah se kher mange aap kyun is tarah ki baaten kar rahe han."

Ahmed sahab sar jhukaye bhethe the.

"Uzma mujhay lagta hai Ayaan khush nhi hai is shaadi se."

"Mene sirf abba ki tabiyat aur aap ki khuwahish ka ehtaraam karte han bola tha. Noor buhat achi hai lekin onke darmiyan kese rishta qaim ho jab Fahad bhai aur apka koi bhaion wala taluq nhi, na koi dosti ha."

"Men Ayaan ki wajah se pareshaan hon men baat karta hon Fahad se.
                ..........................
Ayesha aur Fahad sahab apne kamre men bhethe the.

"Fahad Noor ne tu khana peena chor dia hai vo itni kamzor par gaye hai."

"Vo abba se buhat close thi na islie Ayesha."

"Nhi men apko bata rahi hon, mujhay lagta hai ke vo Ayaan ke sath reh ke mutmain nhi hai."

"Ayesha ab in baton ka faida nhi hai."

"Lekin abhi bhi waqt hai, mujhay shoru se lagta tha ke na Noor khush hai na Ayaan bas onhon ne hamari khuwahish poori ki hai. On do logon ki aulaaden aik doosre se kese muhabbat kar sakti han, kese poori zindagi sath guzar saktin han jinke darmayan itni be alfaz nafraten han."
                   .........................
Noor aur Ayaan apne kamre men the jab Gul bibi ne darwaza khatkhataya.

"Chote sahab apko aur Noor baji ko bula rahe han neeche."

"Aa rahe han ham Gul bibi."

Vo dono aik dosre ki taraf dekhe the.
Ayaan oske qareeb aaya tha oska hath tham kar osne apne dil pe rakha tha.

"Ye dekho kese dharak raha ha, mujhay kuch acha nhi lag rah, kyun lag raha hai ye taufaan aane se pehle waali khamoshi hai."

Noor ne oske hath par apne lab rakhe the.

"Apko hamare Allah par yaqeen ha na ? Vo har taufaan se bhara hai vo bachaye ga hame."  

"InshAllah."
                    ..........................
Lounge men sab akhethe ho kar bhethe the. Fahad sahab ne bolna shoru kia.

"Ayaan Noor ham log dekh rahe han ke tum log khush nhi ho."

Vo dono sar jhukae sun rahe the.
Phir Ahmed sahab bole.

"Mene socha hai ke men Uzma aur Ayaan naye ghar men shift ho jaen, abba ki yaaden mujhay khae jaa rahi han."

Vo dono aik doosre ki taraf dekhe the khaali nazron se.

Uzma bolin.

"Ham sab tum dono ke rishte pe is lie raazi howe the kyun ke ham sab Abba ki tabiyat se dare howe the, lekin tum log is rishte se khush nhi nazar aate ho."

Ayaan bolne laga

"Nhi Amm..."

Ayesha ne kehna shoru kia.

"Ham log tum dono ke maan baap han, jo hum logon ke darmiyan talkhiyan han vo yaqeenan tum logon ke dilon men bhi hon gi."

Noor aur Ayaan heraan howe bhethe the.

Ahmed sahab bole.

"Tum dono ke lie yahi behtar ho ga ke tum dono apne raaste aleda kar lo. Talaaq de do Noor ko, ham tum dono ko is aag men jalta nhi dekh sakte."

Vo dono tu kai roz se dada ki wajah se pareshaan the, onki muhabbat tu khatam nhi hoi thi tu phir kyun aisa ho raha tha. Maan baap tu apne bachon ko dilon se pehchante han na tu phir kyun on logon ko Ayaan ki ankhon men Noor ke lia aur Noor ki ankhon men Ayaan ke lie kabhi muhabbat nazar nhi aai.

Noor aur Ayaan dono ke wajood se jaan nikal gaye thi jese, vo dono bot't bane bhethe the. Vo dono jese shal ho gaye the.

Ayesha ne Noor ke kandhe pe hath rakha.

"Kal se tum apne kamre men shift ho jana aur kuch din tak papers complete ho jayen ge."

Vo chaaro uth kar chale gaye aur vo dono wahan be jaan howe bhethe the. Noor aik dam se uthi aur ooper Ayaan aur apne kamre ki taraf bhaagi thi. Ayaan oske peeche gaya tha. Jab osne kamre ka darwaza khola tu Noor ko bed ke pas zameen par bhethe paya. Vo ro nhi rahi thi bas khalaa men tak rahi thi. Vo kamre ke andar dakhil howa aur darwaza band kar ke oske qareeb aa ke bhetha. Noor ko pata tha vo oske sath aa ke bhetha hai.

"Ayaan abhi tu puraane zakhmon se khoon risna band nhi howa tha ke ab.. ke ab naye zakham lagane ke lie khanjar tez kie ja rahe han."

"Mujhay samjh men nhi aa raha Noor kese soch sakte han ammi abbu chacha chachi aise. Ham tu aik doosre ke sath buhat khush hain na. Dada ke jaane ke baad aik hamara rishta hi tu tha jisne sab ko bandh kar rakhna tha."

Vo dono yaqeen na kar paa rahe the jese, na vo dono ro rahe the, na apne sath hone waali na insaafion p cheekh rahe the. Kya sirf islie ke vo apne maan baap ka kaha taal nhi sakte the aur onke pas haq nhi tha onko na kehne ka.

"Ayaan apko yaad hai mera vo khuwaab jo mene rukhsati ki raat dekha tha. (Vo vese hi khalaa men takte boli thi.) Ye tha os khuwaab ka matlab, dekhen na men akeli reh jaon gi, andhere men hameshaa.. hamesha ke lie."

Vo osko zabardasti apne seene se laga gaya tha oske honton pe hath rakhte. Oska kaabu na raha tha khud par vo ro raha tha siskion ke sath. Magar Noor ki ankhen nhi bheegi thi vo tu bas ehsaas o jazbaat se khaali ho gayein thi.

"Noor ro lo dil halka ho jae ga, mujh se tumhara ye hal dekha nhi jata."

Vo hasi thi.

"Abhi jis haal men hon dekh len, phir tu men kahin aur, aur aap kah....."

"Shhh chup karo, men mar jaon ga lakin ye nhi hone doon ga."

"Kya karen ge aap? Taya ke saamne seena taan ke khare hon ge? Aapne tu kabhi onse baat karte howe onse ankhen nhi milai."

"Noor men apne maan baap chacha chai se buhat muhabbat karta hon aur onki izzat karta hon. Onka har faisla qabool karta aaya hon hamesha, ab baat kuch aur hai, onko lagta hai ke ham khush nhi hain akhethe. Ye faisle onhon ne mehaz aik galat fehmi ki wajah se kia hai Noor. Men sab aise nhi hone de sakta."

"Phir meri dua hai aap apne maqsad men qamyab hon."

Vo osi tarah boli thi dewaar ko takte.

"Noor apne aap ko sambhalo, ye waqt chala gaya tu na jane kya ho jae ga. Tumhe mera sath dena hai, batana hai sab ko ke ham aik sath khush han."

Vo kehkaha laga kar hasi thi.

"Khushi Ayaan? Vo tu zinda logon ko hoti hai na, mujh men tu koi jaan baaqi nhi hai....mmen..tu murda..."

Vo behosh ho kar gir pari thi. Bukhar men tap rahi thi vo. Ayaan ne ose bistar par lita kar dawai di thi. Subha vo behtar thi subha uth kar kyun ke raat ke kisi peher osne Ayaan ke sath lage apne anso'on ko behne dia tha.

Ye qalb ka safeena kitne taufaanon se guzarta hai na. Halka sa bhi suraakh ho jae is men tu is ke andar paani aa jata hai aur phir ye doob jata hai. Samandaron ki gehri lehron men kahin gum ho jaata hai, buhat azmaishon se guzarna parta hai isko apni manzil tak pohachne ke lia.