Safeena-e-Qalb

Nikkah

Bistar par karwat badalte osne intahai be zaari se apna sar pakara aur phir uth kar beth gaye.
"Ufff mere Khudaya aaj phir meri ankh galat waqt par khul gaye ab saari raat be sakooni tari rahe gi mujh par."
Bistar ki daien taraf rakha howa paani ka glass osne uthaya aur ise apne labon se lagaya. Paani ke chote chote ghoont bharte howe ise khirki se tez hawa chalne ki awaaz aaye. Pal bhar men jese oski saari be sakooni aur be zaari gaib ho gaye thi. Vo apne bistar se foran uth khari hoi aur khirki ki taraf bhari. Is ka andaza theek tha baarish hone waali thi aur paani ki kuch boonden iski hathelion pe aa giri jab isne khirki kholi. Baarish se oski dosti buhat pehle se thi muhabat thi ose on bondon se jo sab dhool dho dalti thin. Iski rooh ka koi anjaan sa taluq tha barish se,Jab bhi barish ke qatre iske wajood pe girte tu aik ajeeb sa qaraar tha jo ise milta tha. Milta bhi kyun na Vo jo asmaanon or zameenon ka Badshah ha jab Vo apne bandon par rehmat barsata ha tu iske bande ko sakoon na mile aisa mumkin hi nhi. Isne wahin khirki ke pas khare howe ankhen mond lin aur hath utha kar dua karne lagi. "Allah jee please mujh sey raazi ho jaen." Osko aadat thi barish men dua mangne ki. Kuch der mausam aur mitti ki khushbu se mehzooz hone ke baad vo wapis apne bistar par aa ke leit gaye. Na jaane kab ise neend aa gye aur vo duniya se be khabar so gaye.
........................................
Noor dupeher ko thaki haari school se wapis aai aur sofe par bheth gaye. Isne mulazma ko awaaz di.
"Gul bibi please aik glass paani la den."
"Jee baji laa rahi hoon."
Noor sedhi ho kar bhethi jab os ne abba ko aate dekha.
"Asalamualaikum Abba! Apki tabiyat theek hai aap aaj office se jaldi ghar aa gaye han?"
Fahad sahab Noor ke sath aa kar bhethe.
"Han han beta... abhi saans tu le lo phir pooch lena sawaal."
"Abba aap tu jante han ke aapki beti apse kitni muhabbat karti hai aap har roz late aate ha na islie thora pereshaan ho gayee thi men."
"Ye tu hai..... Noor beta tumhare dada chahte han ke ham tumhari shadi Ahmed ke bete Ayaan se kar den...Tumhe koi aitraaz tu nhi ya koi aur......."
Noor ne baat kaati
"Abba aap mere lie jo faisla karen ge mujhay manzoor hai.....aap meray baap han aapka mujh par poora poora haq hai agar aap meri marzi jaane bagair bhi han kar deta tu mujhay aapka har faisla dil se qabool hota......mera bharon ne jo mere lie faisla kia hai vo zaroor mere haq men behtar ho ga..... mujhay koi aitraz nhi abba."
Is baat par Fahad sahab ki ankhen nam hoi thin magar onhon ne buhat saare aansu apne dil men utaare the aur naaz howa tha onhen behad apni beti par. Kitchen men khari amma bhi ro pari baap beti ki guftugu sun kar. Fahad sahab ne apni beti ke sar par bosa dia.
"Jeeti raho meri jaan."
Noor halka sa muskurai. Amma ne door se awaaz di.
"Ab aap dono aa kar khana kha len."
..................................
Ayaan apne office room men bhetha kaam kar raha tha jab Ahmed sahab ne darwaze pe dastak di. Ayaan apni kursi se khara ho gaya.
"Ayen aaba bhethen."
"Abu ne faisla kia ha men tumhari shadi Fahad ki beti Noor se kar doon kya tumhe hamara ye faisla qabool hai?"
"Abba agar ye mere bharon ka faisla hai aur sab mutmain han tu mujhay qabool hai."
Abba uth kare howe aur apne bete ke sir pe shafqat se hath phera.
"Ayaan beta aaj tumne phir meri baat ko tarjeeh dete howe mera sir fakhar se buland kar dia hai."
..................................
Nikkah ki tareekh agle hafte hi rakh di gaye thi. Subha nikah ke baad poore ghar men chehal pehal thi kyun ke raat ko ruksati thi.
.................................
Noor apne kamre men khirki ke pas sofe pe bhethi thi. Soch men gum vo khirki ke bahar tak rahi thi.
FLASHBACK
"Ayaan tai jaan ki awaaz aai hai ooper se..jao warna buhat dant pite gi ham kal game yahin se shoru karen ge."
"Okay Noori men jaa raha hoon..khabardaar tumne cheating ki."
"Acha baba jao bhi."
Ayesha apni beti ko awaazen lagati akhir kaar os ke pas pohanch hi gain.
"NOOR! Ye doodh pio aur jaa ke so jao."
"Jee ammi."
Seerhion ke ooper se jhankta Ayaan apne dhoodh ke glass ki taraf ishara kar gaya dheemi si awaaz men kehte.
"Yaar Noori ye bad zaiqa dhoodh mujhay bhi nhi peena."
Noor ne idhar udhar dekha.
"Neeche aao aik idea aaya hai."
Lee jie vo dono dabe paon peeche sehan men chale gaye. Apne apne glass bili ki pyaali men undel kar khuch qatre apne apne mun par laga lie.
"HIGH FIVE"
"Noori kya baat hai kamal kardi ab bhagen yahan se warna buhat maar pitte gi."
"Han chalo bhagen."
Aur vo dono khilkhila kar hase.
FLASHBACK OVER
Noor apne khayalon se tab bahar nikli jab osne darwaaze par dastak suni aur vo jo muskura rahi thi sanjeeda hoi.
"Ajaao...."
"Noori....mera matlab Noor men hoon.... Ayan."
Aaj na jaane kyun kuch ajeeb sa mehsoos howa tha oski awaaz sun ke Noor ko magar osne apna har khayaal jhatak dia.
"Aayen Ayaan koi baat...karni thi."
Ayaan kamre men dakhil howa aik nazar Noor pe daali aur phir nazren neechi kar lin.
"Kya howa Ayaan aap aise kyun khare han?"
"Vo....tumhara duppata."
Osne foran apne dupatte ki taraf dekha vo sar se utara howa tha. osne foran apna duppata sar pe lia.
"Theek hai ab aa jaen."
Ayaan Noor ke sath khuch fasle pe aa ke bhet gya.
"Noor mujhay tumse khuch poochna tha."
"Jee poochen Ayaan."
"Kya tum khush ho Noor?"
Noor zara sa muskurai.
"Ayaan aap aur men bachpan se aik doosre ko jaante han... mene tu kabhi kisi ke baare men nhi soocha aur aap hi han jis se men bachpan se buhat close hon...hamara rishta taya aur abba ko qareeb le aae ga...InshAllah sab theek ho jae ga...men buhat khush hon Ayaan.
Ayaan ki muskurahat gehri hoi thi buhat.
"Aap bataen khush han aap?"
"Han buhat."
"Vesey pata hai Ayaan mera dil kar raha hai apse khafa ho jaon."
"Vo kyun jee?"
"Noori kab se Noor ho gaye?"
"Jab se best friend officially bivi ban gaye hai."
Dono khilkhila kar hase.
"Ayaan promise me our friendship won't change ever."
Osne hath aage kia aur Ayaan ne apna hath oske hath men dia.
"I promise Noori."
Ayaan uth khara howa.
"Acha Noori men chalta hoon, parlour nhi jana tum ne?"
"Jee jana hai bas driver aa jae."
"Men chor aaon?"
"Ayaan apka tai jaan se is umar men maar khaane ko kyun dil chah raha hai?"
Ayaan aur Noor dono zor se hase.
Ayaan kamre se chala gaya.