مياده

الخامس

#مياده
#بقلم_الكاتبه_اماسي_الليل
#الجزء_الخامس
رجع عدي
دك عليه تلفون هم مجاوبته الى ان مل وراح ورا ثواني اندكت الباب دخل شاهين لان انطيته قبل ميروح نسخه من المفاتيح
اول مشافني جان وجهه ضايج گلي عدي چان هنا
اني ارتبكت خفت من لمحة الغضب الي بعينه جاوبته لا والله مفتحتله الباب بقى يدك وراح
جرني من ايدي بالاول فزيت لكن من حضني وگلي ريحتيني رفع وجهي گلي مياده تحافظين على اسمي بوجودي وبغيابي انت مرتي يعني صرتي عرضي
جاوبته لتخاف  اعرف الحلال والحرام قبل العيب أمن من هالناحيه
شاهين :واني عندي ثقه عمياء بيج لتضوجين مني
مياده :لا ما اضوج حقك بعدك متعرفني من راح تعرفني اكثر تأمن
شاهين :ترى والله مو قصدي اشكك بيج بس حسيت بغيره عليج .......اذا ممكن اريد اسبح واغير ملابسي
مياده:مصار شي .......دخلته للغرفه گتله هاي غرفتك اني غرفتي بصفك
شاهين:رفعتلها حاجبي ما راضي على الوضع بس گلت خليها براحتها گلتلي اخذ راحتك اني انزل اسوي العشا تحب شي معين اسويلك
جاوبتها اي شي من ايدج اكيد طيب
مياده :نزلت للمطبخ جنت كلش مرتاحتله لان اسلوبه حلو وبي تقدير  بديت اسوي بالعشا
شاهين :بقيت افكر البنيه اكيد تخجل مني لان زواجنا مابي سابق معرفه لازم اني ابدي اكسر حاجز الخجل عدها واخليها تتعود عليه كزوج فتت سبحت وطلعت اتقصدت انزل لابس شورت بدون تيشيرت حتى تتعود عليه
رحتلها للمطبخ سألتها خلصتي  جانت واگفه دتسوي شي بأيدها اندارت من شافتني ارتبكت ودارت وجها جاوبتني دقايق واصيحك
رحت وگفت وراها لفيت ايدي على خصرها وبوست رگبتها .....حبيبتي كافي لتعبين نفسج حسيتها فكت ويايه جاوبتني لا مسويت شي ........انت ارتاح هسه اخلي الاكل على الميز
جاوبتها هيج مرتاح وانت قريبه عليه جاوبتني بس مدا اعرف اشتغل ......جريت السجين من ايدها گتلها گافي لتنجرحين .... رجعت راسها سندته على صدري .......سألني شاهين انت دتسوي هيج ويايه لان تريدني بفراشك
جاوبتها مياده اكذب اذا اگلج ما اريدج بس بنفس الوقت  عندي مشاعر خلي نگول بداية حب واعجاب مو مجرد رغبه
مياده :شاهين اني ما اكدر احبك لان اعرف نهايتنا ننفصل
شاهين :مياده ليش متنطين لنفس فرصه تخليها براحتها هي تختار الي تريده وبنفس الوقت انطيني فرصه اتقربلج اذا ما حسيتي براحه بالعيشه ويايه اوعدج من تريدين تنفصلين اسوي الي تريدي
مياده:اوعدك راح احاول
شاهين:درتها عليها صار وجها بوجهي يله نتعشا
مياده خليت الاكل على الميز مرتبكه من نظراته    گلي عاشت ايدج بس مره ثانيه لتعبين نفسج  اي شي  خفيف ناكل بالعشا جاوبته  ماشي
صارلي سنتين ممتعشيه ويا احد كله اكل وحدي ومرات اصلا ما اتعشه اليوم اكلت اكثر من يوميه يمكن مرتاحه ويمكن تأثير  نظرات شاهين خلتني التهي بالاكل
ورا مخلص الاكل گلي راح انتظرج بالهول بين متخلصين اسوي اتصال
جاوبته اخذ راحتك
شاهين: طلعت للهول اتصلت على غزوان اخويه من ابويه وعندي بعد غيره ٣  اخوه و٢خوات متزوجات بس اني  اكبرهم ووحيد امي ولهذا السبب ابويه اتزوج عليها لان مصار عدها بعد غيري
الو
غزوان :الو هلو شاهين
شاهين :هلو شلونكم شنو اخبار البيت
غزوان :الحمد لله ماكو شي سلامتك شو اتأخرت ما خلصت شغلتك
شاهين:لا تقريبا خلصت راح توصلكم خلال ايام مجموعه سيارات حديثه ودا احاول اخذ وكاله من شركه نفتحلها فرع ببغداد بس رايدلها وقت
غزوان:حاول أتجيب وكاله هونداي
شاهين :الله كريم هسه عوفنا من هالموضوع اگلك اكو موضوع راح اگلك بي لان هاي دنيا يجوز يصير بيه شي لازم تعرف بس ما اريد احد غيرك حاليا يدري
اني اتزوجت وراح اتأخر عليك شويه
غزوان :المن اتزوجت
شاهين:سولفتله القصه كامله گلي زواجك باطل اذا  الغرض منه تحللها لرجال ثاني وبنيتك اطلگها
گتلها اني  بالاول صح جنت ناوي هيج بس من شفتها ردتها الي .... وتزوجتها لنفسي مو حتى احللها بس ملگيت طريقه ثانيه حتى اقنعها ونمشي بالموضوع
غزوان :يعني هي متدري بيك انت مناوي اطلك وتبقى على ذمتك
شاهين :لا متدري اتفقت وياها نبقى شهر وبحجة اخاف يصير حمل وهي وافقت
غزوان :شاهين انت اكبر مني بسنتين يعني افهم مني بس مابيها شي اذا انصحك
ترى اذا رايدها وتحبها ماكو داعي تبدي وياها بلف ودوران هي بعد بذمتك گللها مراح اطلگ ونصيحه ارجع اعقد عليها عقد بنية رغبه .....وزوجه تبقى على ذمتك
شاهين :والله انت قلقتني خليتني موسوس هسه راح احجي وياها وباجر ارجع اعقد عليها مره لخ للاطمئنان
Um.m
Amasy night