مياده

١٥

مياده :صعدنا بالطياره كعدنا گتله هاي اول مره نسافر سوا
شاهين :من تولدين ان شاء الله اخذج لبيروت
مياده :شاهين عفيه نزلي المخده الي اخليها على رگبتي .....خلاها على رگبتي وسألني لابسه حزام الظهر
جاوبته والله لابسته لتخاف على ابنك اني المتكسره
لزم بطني گلي شو هذا ميدفر گتله اضحك  لان طويل مثل ابو المكان ضيگ عليه همزين مو بنيه وتطلع بطولك هاي وين نلگالها رجال
شاهين :شبي طول ابوهم تقلدين عليه مو كتلتي روحج عليه
مياده :لا والله انت الي كتلت روحك
شاهين :يله عمي اني كتلت روحي ليصير بالولد شي من خبالات امه
مياده :غفيت الى ان وصلنا يله گعدني .......المفروض اليوم يوصلون اهلي بالليل
وصلنا للبيت جان محتاج يتنظف
شاهين :كلشي لتسووين دخيله لالله  ليصير بالطفل شي هسه اتصل على مرت عمي ادزلنا الخدامه مالتهم
مياده :اجى عمار جايب الخدامه البنيه نظفت البيت وراحوا بالاول جلب نجي وياه على العشا بس شاهين گله راح نطلع نتعشى برا باجر انمر يمكم
للمغرب بدلنا وطلعنا للمول گتله لعد خلي امر اخذ ملابس مال طفل  كيف بقى يفتر ويايه اخذنا كم شغله هو عاند اخذي كلشي اليوم يابه شاهين بعد ورانا عشر ايام نفتر ونشتري يتخيل باجر يجي ابنه ويبقى مصلخ المهم قنع
وراها رحنا للمطعم بقيت اداهره على ابنه لان اكلت هوايه گتله ابنك مفجوع گلي انت لغي بحجت ابني بلكت ورا الحمل مترجعين وتبقين مرصرصه
گتله على گيفك عيني هن ٦ كيلوات زايدتها اكيد كلها وزن طفل والمي ثانيا شبيها المرصرصه فتهمنا ساعه حلوه وتخبلين وساعه تعيب اثبت على رأي حلو لو لا
شاهين :ابتسمت لا حلو مو من مصلحتي اكول غير شي ورايه خلوه قبل ميجون اهلج
مياده :صير عاقل لعد..... اشتهيت ايس كريم من نطلع ناخذ ويانه للبيت
رجعنا للبيت   هلكانين من التعب. فتت سبحت   لبست البرنص ونزلت  لگيته متمدد يتفرج تلفزيون جبت الايس كريم وكعدت اكل بقى صافن عليه
شاهين :مياده تحجين صدك هذا مو كله شكر تالي الليل  ترى صارلي كم يوم منتبهلج كلش لاجه ويا الحلو
مياده :ابتسمت دا اكبر ابنك
شاهين :اخاف انتي تكبرين ترى اخليج ورا الولاده تسوين رجيم والله احرمج من هالسوالف كلها
مياده :رحت گعدت بصفه اداهره اخذت خاشوگه مليانه گتله بداعت ابنك الي بطني تاكلها بقى يضحك لج انت مخبله ما اريد گتله والله اني حلفتك اخذها مني رجعت اخلي بحلگه لزم ايدي
شاهين :ما اريد ايس كريم اريد هالشفايف امشي نصعد للغرفه التهي بحضني بين ميجون اهلج لان معناها راح تاكليني اخر شي
مياده :مو بيدي وين ما اندار الگى حلويات حتى الرجال حلو اوف قلبي اموت اني بالنحس
شاهين :مياده الحمد لله انت مو  عاقله جان طگت روحي لو ارجع الگاج بومه
مياده :رومانسيتك صايره بيئه( بومه)
شاهين :نيمتها بصفي شبيها رومانسيتي عضيت شفتها .........
مياده :صعدت بدلت ملابسي اتصلت على رقم ابويه جاوبني گلي هسه نزلنا من الطياره 
شاهين :اندگ الباب طلعت فتحت لاهل مياده سلمت على ابوها واخوها سيف واختها رنا
شكد مياده حلوه هاي بعد احلى والام احلى من الاثنين
بقينا نسولف عندي سابق معرفه وياهم بالتلفون بس بالحقيقه كلش ارتاحيتلهم بالاخص ابوها مبين انسان  محترم   وتربيتهم كلش نظيفه 
راحت مياده للمطبخ تسويلهم اكل رحت وراها گتلها اذا ردت رنا لمصعب لو غسان تنطوها جاوبتني والله ما ادري شاهين يجوز الولد  اكو بالهم وحده جاوبتها ما ادري بس عجبني اسوي تحسين نسل بالعائله اذا بيبيتهم مايعه  من النزاكه بناتي يسوون زلزال
مياده :هسه اگلها لامي عليك
شاهين :لا ولج عيب ....بس حبيبتي شو انت مو مثلها مايعه بالاخص من چنتي تاكلين
مياده :انت شايف ابويه شلون يحبها ومداريها حتى طبخ يطبخ مرات ....ومن تصير حامل وتولد يساعدها
شاهين :هذا بسمار حبيبتي لعد ابقى مصري اني قابل لا صدك انطيني شغله اعرف اساعد بيها حسيت بتأنيب الظمير
رنا :دخلت للمطبخ بشنو اساعدج قلبي
مياده :رناوي انت بعدين ورا متتعشون نظفي المطبخ حبيبي انت روح اكعد يمهم
دخل ابويه للمطبخ گلي  بابا لتعبين نفسج روحي نامي احنه انحير بنفسنا
جاوبته هسه خلصت صبيتلهم اترخصنا اني وشاهين وصعدنا لغرفه
شاهين ثاني يوم نزلت الصبح لگيت عمي بالمطبخ ديحضر الريوك والكل نايم صبحت عليه استحيت منه گتله اساعدك گلي طلع الصمون احمي واصعد كعد مياده بين ما اكعد البقيه بقيت اتصفن هذا المايكروا منين يشغلوا خليت بي الصمون وصعدت
مياده اكعدي حبيبتي ابوج ناوي يطلعني مو خوش رجال
مياده :ابتسمت صباح الخير ليش شبي
شاهين :نزلت لگيته محضر الريوك
مياده :وتلگي غسل الطرمه ورش الحديقه الله يحفظه هاي صارت عنده عاده من طلع تقاعد لليوم
شاهين :نزلنا اتريكنا گتلهم اليوم معزومين بيت عمي على الغدا