مياده

١٤

اعذروني ابني مريض بنات
#قصتي_مياده
#بقلم_الكاتبه_اماسي_الليل
#الجزء_الرابع_عشر
حقوق النشر محفوظه
مياده وراها بيومين بقى ألم ظهري يزيد حتى احسه مرات من اكعد من النوم ميبس ما اكدر احركه ......شاهين گلي اسألي غزوه ادري بيها تراجع دكتوره علمود شغلت الحمل
رحت على غزوه اخذت عنوان الدكتوره ورحنالها  بالاول دخلت وحدي
سألتني كم سؤال بعدها سوتلي سونر گلتلي اكو كيس حمل مو خربطة هرمونات
سألتها دكتوره يعني اني حامل گلتلي سوي تحاليل
طلعت لشاهين گتله خلي اسوي هذا التحليل  رحنا سويت التحليل طلع ايجابي اكو حمل گتله شاهين طلعت حامل
فرح.... گلي  من يجي اكسر راسه متعب  حبيبتي
رجعت التحليل للدكتوره بس بداخلي ممصدگه اكو حمل لان ٣سنوات اني ميصير عندي اطفال لان جانت عندي مشاكل وورا ما اتعالجت هم مصار عندي اطفال
الدكتوره :الحمل مؤكد وألم الظهر شي طبيعي لتخافين  بس انتبهي متشيلين ثگل خلال هالفتره وراجعيني كل شهر واذا صارت عندج مشكله  مريلي اچيك
مياده :حسيت الله سبحانه دينطيني امل احافظ على حياتي ويا شاهين وابطل الامور  السلبيه الي دتأثر على علاقتي بي
بالطريق من دنرجع
شاهين :شكد ما فرحان واريد ابشر اهلي كلهم اول ما ادخل بس انقهر على غزوه وغزوان صارلهم سنه وشويه يراجعون
مياده :ليش خطيه اكو مشكله
شاهين :لازم غزوان يسوي عمليه
مياده :خطيه غزوه صعبه المره ميصير عدها طفل
شاهين :يعني لو اني بدل غزوان ميصير عندي متتحملين
مياده :لا طبعا اتحمل انت بحبك ومداراتك اتعوضني بس اقصد تنقهر لان الطفل يقوي الروابط ويملي على الام والاب حياتهم
شاهين :من وصلنا حجيت كدامهم  مياده حامل سويت الامر طبيعي مابينت فرحتي
لكن من اكون ويا مياده وحدنا احسسها فرحان بالطفل
مرت ٣شهور مياده تغيرت اطباعها صارت تضبط عصبيتها وبالاخص من بدت تقرا بالنت الحاله النفسيه للام الحامل تأثر على الطفل ......صارت  اغلب المرات من منتفق على موضوع تناقشني بهدوء ومن تشوفني قافل او عصبي تسكت بس بعدين اطلع حيفها من تشوفني هادئ
مياده :تعلمت من النت هوايه امور تخص الجنين اي معلومه اعرفها اشارك شاهين بيها ردت احسيه بالمعاناة الي الام تتحملها خبلته يوميه اصعد بليل انام بحضنه وابقى  لازمه التلفون واشوفه صور شكل الجنين من يكون بعمر حملي 
بهالفتره صارت علاقتي كلش قويه بحماتي طيف لان هم حامل وصار بيناتنا موضوع جنت احاول كدام غزوه ما اثير مشاعرها
شاهين :صار عندي شغله بالامارات  من رجعت  للبيت على وقت الغدا لگيتها يم غزوه وامي بالمطبخ سلمت وصحتها تصعد ورايه 
مياده :دخلت حضنته شلونك قلبي
شاهين :ميوش عندي سفر للامارات واريد اخذج ويايه اتصلي على الدكتوره اسأليها يصير تسافرين
مياده :ان شاء الله يصير حتى اتفق :ويا اهلي يجوني لهناك اشوفهم والله مشتاقتلهم
شاهين :دشوفي الدكتوره لعد حتى :اذا يحتاج نروحلها اخذج العصر
مياده :من تفتح العياده اتصل يله حبيبي بدل ملابسك وانزل  حتى نتغدا
شاهين:امي البارحه گلتلي مرتك بيها ولد غير اذا صدك ولد ميوش تاخذين القلب كله
مياده :واذا بنيه متحبها
شاهين :والله حبيبتي اني اتمنى اول طفل ولد وراه خلي يسطرون بنات ما اهتم المهم بالاول يسموني ابو فلان
مياده :اذا ولد اسمي ثمين والبنيه اسميها ترف
شاهين :حبيبتي هاي اسماء اطفال لو مصطلحات البنك المركزي خو اسمي دولار والبنيه ملايين
مياده :ضحكني اني امهم والي راح اتعب بيهم اني اسمي زين تيم
شاهين :اسمي اوس واذا بنيه بكيفج سميها
مياده :ان شاء الله يطلع ولد يا عنصري واخلص منك حتى بعد مدور خلفه
شاهين :ليش ان شاء الله بس تريدين واحد همزين نبهتيني حتى ادورلي وحده تفرخ جهال مو واحد ومننه عليه
مياده : متكدر لان اني هنا ومحد ياخذ مكاني اشرتله على قلبه
شاهين :القلب يوسع من الحبايب الف هههه
مياده :يله انزل خلي اوكلك انت الظاهر من تجوع تتفطن على سوالف تعبانه
شاهين :دنزلي قبلي حتى بسرعه نتغدا  ونصعد غمزتلها جاوبتني روح زعلتني رحت عليها شلتها
مياده :شاهين نزلني
شاهين  :ثگلانه الحلوه شكله يطلع عليه خشن بوست بطنها ونزلتها
مياده :حبيبي يله ماطول بدلت خلي ننزل صعدك نعست بس اريد اتغدا واصعد
شاهين :اخذت مياده العصر للدكتوره سمحتلها بالسفر وبقيت ألبوب سألتها دكتوره ميبين ولد او بنيه الدكتوره گلتلي مبين بس سوو ثلاثي يطلع مضبوط  سألتها يصير اليوم
ابتسمت گلتلي روح اليوم اتوقع ٧٠٪‏الي انت تريده
شاهين :يعني ولد
الدكتوره :گتلك ٧٠٪‏اتأكد مو تطلع بنيه وتحملوني المسؤوليه
شاهين :لا دكتوره الحمد لله كلشي يجي من رب العالمين نعمه
اخذت مياده وطلعنا لعياده السونر من اجى دورنا قلبي من دكاته راد يطلع من گلولي ولد بقت مياده تضحك عليه تگلي الي يشوفك يگول ماعنده اطفال صارله عشر سنوات
سألتها شنو تريدين هديه لان واح اخذ لامي شغله ذهب من گلتلي مرتك بيها ولد نذرت اخذلها شغله اذا طلع صدك
مياده :وديني للامارات اشوف اهلي احلى هديه
شاهين :من رجعنا گتلها مياده ابقى حبيبتي اني اسافر يومين واچيج اخاف يصير شي بالطفل
مياده :حبيبي اريد اروح وياك علمود اهلي الطفل الله يحفظه كلشي بيد رب

العالمين اذا كاتبه النا ميصير عليه شي
شاهين :يله براحتج

اريد منكم تصويت حتى تصعد القصه بليز