مياده

العاشر

#قصتي_مياده
#بقلم_الكاتبه_اماسي_الليل
#الجزء_عشره
حقوق النشر محفوظه
ام مريم
شاهين :مياده لتخليني افقد البيه مكفيني ترى اطلع ضوجتي كلها بيج  ما جاوبتج لان ابويه اتوفى والتهيت بالعزا ومن البارحه ادز مسجات لحضرتج وتلفونج مغلق دزيتلج عمار للبيت گلي ماكو احد للصبح منايم عبالي بيج شي
مياده :بقيت متفاجئه بخبر وفاة ابوه اعتذرت منه گتله اسفه ما ادري
شاهين:معرفتي تسألين عمار لو ادگين على واحد من الارقام الي كتبتلجياها
بس يا مياده اذا عرفت كل هالموضوع سويتي حجه حتى اطلگين وترجعين لعدي اطلع روحج
مياده :اطمئن بالحالتين ما ارجع لعدي اريد ارتاح واعيش حياتي بدون مذله رجال
شاهين :يصير خير لسانج هذا راح ينگص على ايدي اني مو عدي وتعلين صوتج عليه انتبهي زين لتخليني امد  ايدي عليج  شفت بعينها دموع. استغفرت الله  وتركت ايدها گتلها انتظريني هسه راجعلج
طلعت من الصاله صعدت بغرفتي بدلت ملابسي  ونزلتلها لگيتها دتحجي بالتلفون خلصت گتلها يله امشي دا اوصلج لبيت بت عمتج
مياده :طلعت وياه ركبت بصفه بالسياره

التفتت عليه گلي حضري جنطتج انتظري مني تلفون امر اخذج 
جاوبته ماكو داعي ابقى يم رغد بين ما ارجع
شاهين :سمعتي الي حجيته نفذي
مياده :حسيت نفسي مشتاقه اسمع منه حجايه حلوه ويحضني ...سألته مراح تنزل ويايه شويه  ب بيت رغد تتعرف عليها
شاهين : بقلبي مشتاقلج موت بس ارتب الوضع حتى اجيبج يمي
جاوبتها لا  راح انزل اتعرف عليها  وصلنا لبيت رغد
نزلت ويا مياده اتعرفت على رغد بقيت كاعد وياهم تقريبا ساعه   بعدها اترخصت  البنيه تعرف بموضوعنا كامل  من صعدت مياده  رغد گلتلي الحمد لله ارتاحيت من شفتك لان بالحقيقه من حجتلي مياده موضوعكم اتضايقت منك لان توقعت راح تتخلى عنها بس هسه اني متأكده انت الرجال الي راح يصونها ويعوضها ترى مياده كلش حبابه وخالي كلش تعبان على تربيتها  ودللها لكن  اختيارها الاول مجان صحيح كلش اثر عليها بشي سلبي حاول انت ترجعها لحياتها السابقه وتحسسها بالامان لان من خلال كلامها حسيتها ماعدها ثقه بأحد
شاهين :ليبقى بالج اني احبها ومستحيل اتخلى عنها هي الانسانه الي جنت احلم ارتبط بيها
من نزلت مياده گتلها يله اني اروح انتظري مني تلفون
مياده :شاهين حتى اذا انشغلت دزلي مسج طمني ابقى متواصل ويايه لتخليني افكر بأمور ثانيه
شاهين:ان شاء الله ما اتأخر عليج بس ارتب الوضع اليوم ....وتجين يمي
وصلت للبيت لكيت امي واخوتي گاعدين بالمطبخ ديتغدون .....سلمت گلولي تعال اتغدا گتلهم ما اشتهي
امي سألتني منو هاي البنيه الي كالوا اجتي عليك  
جاوبتها من تخلصون غدا كلكم أريدكم بالهول  ....غزوان من تخلص اصعدلي للغرفه ....صعدت لغرفتي بدلت ملابسي ورا شويه اندگت باب الغرفه عرفته غزوان
ادخل .....غزوان ها شاهين ......كلت رايدني
شاهين :تعال اگعد .....اريد افتح موضوع مياده كدامهم بس ما اريد احجي بالصوره الي انت تعرفها.....اول شغله راح اگول كدام امي المرحوم يدري وبوافقته .....اني متزوج  ..... والزواج سريع لان البنيه جان عدها ضرف
ورادت اتسافر واني اتقدمتلها وابوها ما قبل تبقى وحدها بدبي .....الا تصير على  ذمتي لذلك گطعت مهر...ورجعت لبغداد قبل وفاة المرحوم حتى ارتب الوضع وارجع اجيبها نتزوج ببغداد بس الضرف الي صار منعني وهي مكدرت تبقى وحدها واجتي
طبعا موضوع ان هي مطلقه فقط امي راح تعرف بي ما اريد البقيه يدرون بي حاليا
غزوان :براحتك اني وياك شلون مترتب الوضع بس اريد اسألك انت دخلت عليها
شاهين :اي
غزوان :لازم تگول كدام البيت اخاف البنيه تطلع حامل بعد ايام اتصير الشغله محلوه بحقها
شاهين :ماشي
نزلنا اني وغزوان لگيتهم كاعدين بالهول كعدت گتلهم الي اجتي الصبح زوجتي  كلهم اتفاجئوا بس محد يكدر يحجي الا امي گلتلي شنو مرتك
گتلها يوم قبل ميتوفى ابويه من جنت بالامارات البنيه  صار عدها ضرف ورادت تسافر لاهلها واني تقدمتلها وابوها مقبل تبقى وحدها هناك لان هم بالسويد لذلك اخذت الاذن من ابويه الله يرحمه وعقدت عليها وتم زواجنا وغزوان يدري بالموضوع كامل
امي صارت عصبيه گلتلي واني المفروض شوكت ادري گتلها اولا اني مو صغير هذا الموضوع يخصني وحدي .....ووفاة ابويه هي الي خلتني ما اشهر زواجي واليوم اجيب مرتي
امي زعلت وگامت دخلت لغرفتها رحت وراهاحجيتلها الموضوع بالتفصيل ما ضميت عليها شي گتلها حبيتها ومقبلت اطلگها والبنيه ما الها علاقه اني الي چلبت بيها انت مو جنتي تلحين عليه اتزوج .....اتزوجت
الام :بس مو مطلقه
شاهين :وشبيها المطلقه مو ادميه .....يعني اذا طليقها  مو خوش ادمي وطلگها من سوالفه المكسره هي تشيل الذنب ثانيا اتصلي بعمار خلي يحجيلج عن اخلاقها وشرفها وهذا المهم عندي اني الي راح اعيش وياها وارتاح مو انتوا
الام :خلص لعد ارتاح اني ما الي شغله بيها
شاهين :يوم اذا متريديها تكعد وياكم  خلص من باجر اشوفلي بيت 
الام :اني اخوتك من ابوك ما طلعتهم بيت وحدهم انت ابن بطني اطلعك
شاهين :والحل شنو
الام :روح جيبها اكعدوا هنا
شاهين :بوست راسها العصر اجيبها بس يوم ديري بالج عليها عامليها مثل متعاملين غزوه
الام :ان شاء الله بس ياريت تطلع صدك مثل متگول حبابه ومتربايه
شاهين :انت بس لتشيلين منها بقلبج راح تحبيها لان اذا كارهتها حتى لو تصير حبابه هم ادوريلها عيوب واحنه بشر مابينا واحد كامل
الام :اذا تريحك وانت رايدها وتحبها لا ما اشيل بقلبي عليها
هسه عوفنا من مرتك شصار وياك اليوم من رحتوا انت وغزوان
شاهين :هاهيه اني صرت الشيخ بدل ابويه ورحت شفت عمامنا كعدت وياهم واتفقنا على امور
الام :حبيبي صير گدها ابوك الله يرحمه كل الناس تحبه
شاهين: ان شاء الله طلعت من غرفة امي صارت غزوه بوجهي سألتني شوكت تجي مياده جاوبتها قبل المغرب ......ان شاء الله محتاجه شي
گلتلي لا سلامتك
صعدت لغرفتي اتصلت على مياده الو
مياده :هلو شاهين
شاهين :حضرتي غراضج امرلج ب ٧
مياده :حضرتها بس شاهين والله اني خجلانه من اهلك شنو رد فعلهم من عرفوا
شاهين :اني چبير البيت محد اله حق يحجي بشي يخصني  ارتاحي لتفكرين ولتقلقين بس اريد منج شي  شوفيلج دشداشه سوده تلبسيها كدام اهلي من تكونين جوه وبغرفتنا اللبسي براحتج مياده :ان شاء الله يله اخذ راحتك اني هم اروح اسبح //شاهين :اني هم انام فد ساعتين قبل لا امر عليج مع السلامه /مع السلامه
مياده :حضرت غراضي ورغد جابتلي  بجامه ودشداشه لونهم اسود  ...اتصل عليه شاهين قبل الموعد بساعة كلي هسه راح اطلع من البيت كملي امورج بين ما اوصل گتله مو اتفقنا ب ٧ گلي مو متحاسبنا على موضوع جيتج بدون علمي  
مياده  : لعد اروح ابدل ملابسي بين متوصل
شاهين :جيت مياده مو وقتها من جهه بعدني شايل منهامن غلطت  بالاسم ومن جهه اجتي بدون علمي وگلتلي على موضوع الطلاك ومن جهه ابويه متوفي مصارله ايام ونفسيتي تعبانه كل الامور اجتي على راسي مره وحده مدا اكدر حتى اعبرلها شكد مشتاقلها
وصلت لبيت رغد ......دكيت الباب طلعتلي رغد دخلتني للهول ورا شويه نزلت مياده  لابسه قميص وبنطرون سود من شافتني گلتلي بسرعه وصلت هسه دقايق اكمل وانزل الجنطه
گتلها اني انزلها ......رغد گلتلي اول غرفه على اليمين صعدت اخذت الجنطه ونزلت ورا عشر دقايق  ركبنا السياره
مياده :يله حاسبني بالسياره مو كدام اهلك
شاهين :عاگد حاجبي ليش ماعدنا غرفه نتحاسب بيها
Um.m