#قصتي_مياده
#بقلم_الكاتبه_اماسي_الليل
#الجزء_السابع_عشر
حقوق النشر محفوظه
سافرنا للامارات علمود زواج عمار ورنا صادف قريب على عيد زواجنا اتفقت وياهم من حددوا الشهر يختارون يوم قريب على عيد زواجنا لان اريد اسوي حفله اعوض مياده عن حفلة العرس وطلعت لاهلي فيز علمود العرس امي وغزوان ومرته وفهد ومرته وصلوا ورانا بأيام
اول ايام التهينا بالعرس وتحضيراته لان عمار ماعنده احد غيري ورنا ماعدها غير مياده كضينا اول ايام نطلع اربعتنا سوا نخلص ترتيبات العرس واوس خاله وامي حايرين بي ......كلنااشترينا ملابس بسرعه خلال يوم بس بقينا ٤ايام نفتر مياده وكعت رجلنا تريد بدله لاوس تالي خيطناله بدله تشبه بدلتي
بيوم العرس
مياده :الكل فرحان ......منظر شاهين واوس يخبل نجخت روحي وياهم حتى ياخذولنا صوره توسلت بي يركص ويايه ميقبل
تالي فهد جرني ركصنا اني وياه ومرته ويا عمار ورنا كلش تونست وياهم بس بقى بنفسي اركص ويا شاهين رحت عليه اخذت اوس انطيته لامي شاورته اذا متگوم ويايه والله ازعل عليك الكل ويا نسوانهم الا اني عاجبني اركص وياك مقبل گلي ما اكدر وما اعرف اركص اصلا ....جاوبته براحتك
شاهين :من شفت اخوتي كاموا ويا نسوانهم يم عمار ورنا وفهد حاير بمرته وبمياده لان يعرف مراح اگوم
رحت وراهم وصلت يمها جريت ايدها خليت راسها على صدري واتمايل وياها شاورتها هاي لخاطرج كمت بس ما اعرف اركص
مياده اموت على الرزن خليني بحضنك كافي عندي
وراها دكوا چوبي اول ما بدوا شاهين واخوته وعمار رگصوا منظرهم يخبل مبينين صدك تربية شيوخ شكلهم وطولهم هيبه
رجع شاهين گلي هسه ارتاحيتي نرجع للميز لو بعد گتله نرجع
ورا اسبوع رتبت حفلة عيد زواجنا ويا رنا وعمار ساعدوني من خلصت كل الامور
اخذت مياده للمول گتلها اريد تاخذين فستان ابيض عاجبني معزومين بحفله
افترينا شفت واحد عجبني گتلها هذا اخذي كدرته طلع حلو عليها اخذته
قبل يوم من الحفله صارحتها بمخططاتي وبمساعدة رنا وعمار طلعنا اتعشينا سوا انطيتها هديتها كدامهم
مياده :خفت لا احسد نفسي على شاهين خلاني احس اني انسانه محظوظه بس الظاهر هم الرياجيل الي يبصبصون وعينهم زايغه يحبون نسوانهم ويعبرون عن مشاعرهم لان رنا ورؤى وغزوه كلنا نفس الشي مرتاحين ويا ازواجنا
ثاني يوم
دخلنا للقاعه المطعم جان مسويها قاعة عرس مو مناسبه عيد زواج والي موجودين اهلي واهله وصديقاتي واقربائنا
فرحت بيها لان مسوينا عرس وافتهمت من رنا اختي سوا هالترتيبات حتى يعوضني وعرفت ليش رادني اختارفستان ابيض حتى ناخذ صور
بهذا اليوم من دخلونا بنصهم نركص شاهين طلع كذاب ويعرف يركص متت ضحك عليه من يكون بين اخوته واهله ياخذ راحته بالاخص احنه بالوسط مو كلش يبين من يركص شاورته ابنك طالع عليك مو على فهد گلي مبتسم خنوسي بس انتي كدرتيلي
رجعنا لبغداد وحياتنا مستقره الحمد لله بس طبعا اكو مرات مناكر تدرون بيه ما اكعد راحه عندي رجاج غيره وهو مسيطر ما اكدرله بس ينطيني مجال اعبر عن الي بداخلي وادري ماخذني على كد عقلي يسميني خبوله
شاهين :مياده من صارت ام كبر عقلها وگامت أتسيطر على اعصابها بالاخص من يشتغل الرجاج عدها وتعرف تتعامل ويايه بالسكته تخليني احجي الى ان ابرد وراها من تشوفني اضحك لو مرتاح اطلع لسانها تنطيني رزاله بأدب اني اخذها بالمسايسه انطيها مجال لان اعرف نفسي مسيطر عليها ومتكدر تتعدى الحدود
يعني ابتليت اخذتها ويايه سفره للبنان من صار عمر اوس سنتين غير بهالسفره افتهمت حياه العزوبيه ليش يسموها طير حر والزواج القفص الذهبي
شاهين:يله حبيبتي لبسي حفاضه وشورت حتى اسبحه ويايه
مياده :شاهين اخاف يبرد ويتمرض
شاهين :لبسي فانيله من ننزل انزعه يله بدلي بين ما الهي .....باباتي اليوم أتببح .....حبيبي اريدك شكو وحده حلوه تضحكلها .....دغدغته كركر
مياده :يله خلصت
شاهين:هاي شكو شو فوگ الركبه والزنود طالعه روحي حبيبتي بدلي
مياده :شاهين هنامحد بحالي منو يتفرج عليه وكلهن بالبكيني
شاهين :اذا هم اتصلخوا احنه هم نتصلخ خو روحي البسي بكيني واني اركب گرون محد يعرفنا هنا......روحي مياده غيري بسرعه دننزل ماطول المي دافي
مياده :لبست نفنوف طويل قطن ثلث ارباع الردن ونزلنا اباوع عليهن گلهن استغفر الله ربي مطلعين اكثر من المضموم اويلي عليج مياده ضاع شاهين بحمام النسوان هذا
Um.maryam
اماسي الليل
أنت تقرأ
مياده
Romanceقصة فتاه يطلقها زوجها ب الثلاثه ويندم يفكر في تزويجها من محلل لتعود له لكن ينقلب السحر على الساحر وتنشأ قصة حب جديده
