مياده

١٦

للظهر اجى عمار دياخذ اهل مياده دخلته للهول ينتظر بين منطلع
نزلت خاله ورنا شو هذا گلي يببببو بصوت ناصي
گتله لك شبيك
عمار :هاي المجعمره ليش هيج مؤذيه
شاهين :ابتسمت لك اتأدب دير بالك تسوي شي من ورايه وتتحارش بالبنيه
عمار :شاهين هاي اني رايدها بروح عمي سويلي واسطه ودعبل ابوها واخوها وياك بالسياره
شاهين :دنجب لك شنو گرن اني داز وياك نسوان
هي رايحه لبيتكم بعد شكو هاللغوه
عمار :لك انت يسموك حزام ظهر والله حرام بيك البانزين الي صرفته عليك بكل جيه
شاهين :ابتسمت شكد فلوسه حتى اخلص من المنيه
مياده :وصلنا لبيت عم شاهين مرت عمه رحبت بأهلي وجانت كلش مهتمه بالسفره والاكل انتبهت اكثر من مره على عمار وامه وصبا يباعون على رنا
حتى رنا منتبهه گلتلي شبيهم كل ما ارفع عيني الگاهم يباوعولي بالاخص هذا عمار حتى اكل مخلاني اكل
مياده :اخاف هذا عينه عليج ميفيد هذا صديق عدي ونفس الدروب عنده
رنا :شلون اني اتحمل هيج نموذج
مياده :شاهين البارحه گلي مينطوها لواحد من اخوته
رنا :اذا عنده اخ حلو مثله اقبل
مياده :لا هو احلى واحد والي وراه فهد بس خاطب
رنا:ولج دا اشاقى صدگتي شيوديني للعراق
مياده :لا صدگ دقبلي حتى تجين يمي
عمار :شاهين احجي اليوم ويا مياده اريد رنا
شاهين :ما اتصور تقبل لان تعرف سوالفك
عمار :لك قابل راح ابقى من اتزوج ابطل
شاهين :الي دربه اعوج ميبطله بالاخص الورق
عمار :وروح عمي بطلت صار شهر من تخاربت ويا عدي گمت قلبل التقي بالولد الا من يكون مموجود
شاهين :والله اذا تنطيني كلمة رجال ومتفشلني بعدين اني اساعدك تاخذها ولو هي تسوا راسك بس ميخالف احسن متطلع للغريب اني ردتها لاخوتي بس بعد انت نبصت مترهم
عمار :ميخالف اتحمل رزاليلك حاليا مصلحتي يمك ما غزر بيك عرفت مرتك عن طريقي
شاهين :انقهرت عليك هسه احجي ويا مياده
راح اخذهم للمول تعال ويانه اشغلك حمال
عمار :اضحك شكو عليك هي عشيره گلها تخرب على النسوان صرت من يمي تتمضحك الله يرحم من دخلت وشفت مياده اختل توازنك تذكر لو اذكرك
شاهين :ربك هم اله حكمه من اخذ ابويه وعمي لو شايفين عمتي جان فشلوني ويا ابو مياده
عمار :خو ابويه الله يرحمه يرتاح للحلوات يصير رقيق بالتعامل وعود هو هادئ ويم امي خطيه تمساح
شاهين :ابوك يهون الا ابويه طمع حتى بخالة امي لليوم من اتذكر امي تكعد ويا خالتها وهي ضرتها متخش بعقلي
عمار :يله على اساس انت خير ترى متابع الفيس مالتك كله حاتات
شاهين :اي خلي مياده تسمعك اني الرجال ابصبص بس علاقات بطلت حاليا ماعندي شي اخاف على مرتي عدها رجاج غيره قاتل
عمار :ترى والله خطيه النسوان ذكرتني بأمي من جانت تبچي من تعرف ابويه مصادق
شاهين :عمار نبشت الاموات العالم تترحم لامواتها احنه فضحناهم

عمار طلعنا للمول العائلتين بديت اتقرب لرنا خليت صبا تمشي وياها واني لطشت روحي وياهم استغليت شاهين اخذ مياده يفترون على محلات الاطفال واخوها راح سينما وامي ملهية ابوها وامها بقيت احي وياها حسيتها استلطفتني وبدينا نفتح مواضيع عامه
شاهين : دخلنا لمحل اطفال شفت وحده اجنبيه حلوه ضاربه تاتو صدك غلطة الساطر بألف يعني گضيت حياتي ابصبص ما فد يوم احد حس بيه
الا مياده مطيتني ظهرها دتتفرج بالملابس اندارت عليه
مياده :متشوف نفسك لحيت ترى عبرتلك اول مره من شفتك تباوع عليها گلت فضول بس الملحه الزايده مو فضول غير شي
شاهين :شكد ظالمه انتِ جنت اتفرج على التاتو مالتها غريب ثانيا وحده مطلعه جسمها اكيد يصير عندي فضول اتفرج هسه انتي مباوعتي عليها
مياده :گلبت خلقتي عليه ومجاوبته رحت للكاش دفعت وطلعنا راح يسحب فلوس بالفيزا بقيت انتظره يم نفس المحل صار بوجهي عدي انصدم من شافني باوع على بطني تقرب شلونج مياده
جاوبته عدي عفيه شاهين موجود روح ما اريد مشاكل
گلي لتخافين اني هم ارتبطت ومرتي جوه بالمحل
عفته ومشيت خفت ليشوفني شاهين
شاهين :من بعيد شفت عدي ومياده ابتعدت عنه مشيت سريع بأتجاهه شلون حظ من هي ضايجه مني يطلع كدامها عدي من شفت وحده طلعت لزمت ايده .... غيرت الاتجاه ورحت لمياده شفتها مرتبكه سألتها بيج شي بدون ما ابين شفت عدي جاوبتني ضايجه مني لا اتصل على بابا شوفهم وين
مياده :دخلنا لمطعم دنتعشى شفت رنا ماخذه على عمار وبينهم نظرة اعجاب
شاهين انتبه عليه گلي عوفيهم الولد رايدها وهي هم شكلها ارتاحتله
جاوبته ميفيدها ماطول عنده سوالف تعبانه يتعبها
شاهين :حلف مبطل سهر وورق والشرب يگول ابطله بس اخطبها
مياده :والعين الزايغه هاي متكدرون تبطلوها على كولت فهد عشيره كلها تخرب على النسوان
شاهين :بعد اطلع وياج مغمض عيني لو تشديلي ربطة سوده انت شعليج بالعين عليج بالقلب منو بي
مياده :سد الموضوع هي مو شغلت منو بالقلب هاي شغلت احترام
للعلم اني شفت عدي واحتراما الك من سلم عفته ومشيت
شاهين :مياده راح تسويلج زعله على شغله تافهه قابل شفتيني حجيت وياها لو انطيتها رقمي يعني واذا باوعت عليها قابل راح اشوفها مره ثانيه مجرد فضول ثانيا شفتج من مشيتي من يم عدي وجنت ناوي اروحله بس شفت ويا بنيه لازمه ايده عفته
مياده:باوعتله بنظره عتب وانداريت احجي ويا صبا بقى طول الوقت يباوعلي الى ان رجعنا للبيت
شافني اول ما دخلت اتمددت على القنفه واهلي دخلوا لغرفهم وگف بصفي گومي اصعدي ارتاحي فوگ
جاوبته خلي ارتاح شويه يله اصعد
شاهين :انقهرت عليها لان مبينه مقهوره مني وكاتمه من شفتها اتمددت رحت عليها من گتلها اصعدي ارتاحي جاوبتني وعيونها تلمع حسيتها راح تبچي كعدت بصفها اخذت ايدها بوستها گومي عندي حجي وياج
اخذتها وصعدنا للغرفه فاتت غسلت وجهها وبدلت ملابسها
مياده :طلعت لگيته ديبدل ملابسه رحت اتمددت اجى كعد لزم بطني بقى يحرك ايده عليها ينتظر ابنه يدفره
شاهين : شو هذا ميتحرك
مياده :لا يتحرك دا احس بي .....اتمدد بصفي نيمني على ايده
شاهين : بداعتي فكيها لتبقين ضايجه قبل چنتي تنفجرين احسن أتفرغين
مياده : بعد لتعيدها من اني وياك ردت اضوجه لان اعرفه ميقبل گتله ادا نفسك دنت على التاتو باجر اروح اسويلي واحد
شاهين : لا ما اريد شي يشوه جسمج وعمي بعد من اطلع وياج اغمض عيني
مياده :عادي بصبص تقلل من قيمة نفسك من الناس يشوفون وياك زوجتك وعينك زايغه
شاهين :لاه مو دا احس روحي ترزلت شو لسانج رجع طويل ميوش راح اعتبر نفسي مسمعتها يله نامي بلكت يخف عندج الرجاج وتگعدين الصبح
مستهديه بالرحمن

صوتوا بنات