مياده :شوف اعصابك وين وصلتنا عدي :لتذبين الصوج بيه من الشك والملجه مالتج افقد اعصابي هسه ماكو غير هذا الحل تزوجين صديقي بعدها يطلگج وترجعين لعصمتي ومياده:وهذا منو عدي :شاهين صديقي اتفقت وياه والولد وافق بدون محد يدري من اهله لان ابو الشيخ اكيد ميقبل اذا عرف بس لان علاقتي بي قويه گتله تقبل اسلم عرضي لغريب بقيت اتوسل بي وافق يعقد عليج وراها يطلك مياده:انت سألت عن الشرع بهالموضوع عدي :اي كلشي تمام انت بس وافقي مياده:انت متأكد من هذا صديقك مراح يتقربلي عدي: اي متأكد بقلبي (لازم يتقربلج بس مو مال اگلها هسه خليها متدري هسه بعدين تستقبل الموضوع) مياده:عدي يعني ما اگلهم لاهلي عدي :لاماكو داعي تخلص السالفه وهم ميدرون مياده :اوكي . خليني احجيلكم قصتنا اني مياده عمري ٢٥سنه اهلي امي وابويه واخوه ٢واخت اصغر مني طلعوا للسويد ورا سنه من اتزوجت ....عدي عن حب صارلنا ٣سنوات متزوجين ولان ميصير عدنا اطفال اني اغار عليه سويت تحاليل وطلع عندي مشاكل وبعدها اتعالجت وهم مصار هو گلي سويت تحاليل وطلعت سليمه من عدها عرفت المشكله مني اتخبلت من الغيره والشك خفت لايتزوج عليه علمود الاطفال هو يسهر ويشرب ويلعب ورق ويا جماعته واحس عنده سوالف مكسره بس ملازمه عليه لزمه بقيت فتره ازن اريده يعوف ذولي جماعته والورق ميقبل هو وحيد اهله بين ٣خوات وعدهم خير وهو لازم شغل ابو وامورنا الماديه فوق الممتازه بس هالشي خلاني بدل ما ارتاح اتعب لان ماعنده صعوبه يفتح بيت ثاني اذا فكر بقيت يوميه اتعارك وياه هو قلبه طيب وكلش يحبني ومدللني والي اريده يتنفذ بدون ميعترض نتعارك منا ورا دقايق يضحك ويتشاقى بس عليه اعصاب يفقد وبالمقابل يريدني اعوفه براحته واني ما اكدر بقيت اوعده راح اعوفه وبعد ما الي شغله بي لكن يومين وارجع احاسبه لان كاعده بيت وحدي وابقى طول اليوم مكابله الحيطان هو يجيني تالي الليل اغلب المرات شارب ومفرفش واني من الاعصاب اريد انفجر ابقى اتعارك ويا يضوج مني يگلي شكد اكون متونس من افوت للبيت وتكونين عصبيه تطفر روحي منا حجايه منا حجايه ذب عليه اليمين كلي هسه ارتاحي اخذ لحاف وراح نام بالصاله بقيت طول الليل ابچي للفجر اجى نام بصفي يبوس ويحضن گتله امشي اطلع ميصير تجي يمي گلي لا رجعتج وهسه انت حلال عليه قشمرني بكلمتين حب وغزل رجعتله مرت تقريبا ٦ شهور وهم ذب عليه اليمين الثاني لان وعدني يترك جماعته والسهر والشرب وانطاني كلمه ورجع اتعس من قبل من دنتعارك ضربني فقدت گتله الي يوعد وميوفي بكلمته ووعده مو رجال تخبل طلگني للمره الثانيه وهاي بقينا اني وياه بنفس البيت اسبوع يله قبلت ارجعله بعد ما وعدني وبقى خلال هالاسبوع ميطلع ويرجع من وكت گلت هاهيه الله هداه وبطل وصدك اخذله فتره يگلي والله اريد ابطل بس الولد يسوولي واهس واگول راح ابطل من اروح وياهم واشوف الشرب والورق ما اسيطر على نفسي عوفيني براحتي اني اعود نفسي الى ان ابطل بقينا تقريبا سنه احنه على هذا المنوال واني اتحمل واگول ميخالف الله يهدي ويبطل ان شاء الله بس هم ميفيد انوب اطورت صار بيها سفر يوميه ماخذ جنطته ورايح للبنان ويا جماعته لان اكو هناك كازينوهات مال قمار وسهر بعد مكدرت اتحمل بساعة عصبيه من عرفت بي حاجز وحتى مكلف نفسه ينطيني خبر گتله لو اني لو جماعتك گلي طبعا انت گتله لعد ماكو سفر جاوبني بس هالسفره وبعدها ابطل گتله انت متبطل وراح تبقى هيج متعبني واني دا احس بعمري ديمشي ومعايشه حياتي مثل العالم بس افكر بيك ومشلوع قلبي وانت مناوي تريحني طلگني طبعا هذا الحجي اني جنت اعيط عبالي اهدده بلكت يردع منا حجايه منا حجايه طلگني هالمره ابد ما بچيت ولا اعرف ليش .....ورأسا لميت ملابسي ورحت لبيت اهلي (من سافروا خلوا مفاتيح البيت عندي كل فتره اروح اشوفه ولان مرات يحتاجون شغلات من البيت اروح اخذها وادزها الهم ) بقى يوميه يجي يلوب ويبقى يحجي عليه ويگلي هذا موطلاگ بقى يحاول يقشمرني حتى ارجعله بس اني اعرف الطلقه الثالثه مابيها رجعه اول ايام جنت حاقده عليه قلبي ابد ما رف اله لكن ورا كم يوم شفته حتى يبچي گلي كله منج فقدت اتعاركت وياه گتله خربت حياتنا وبعدك اتكابر ومتعترف بغلطك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
