مياده

عنوان الجزء

التقيتها...... وغيرت كل قراراتي

شاهين :بدلت ملابسي وطلعت ويا عمار
عمار:لك شو مهتم بروحك زياده بس لا مصدگ روحك عريس
شاهين :مو سمعت بيها حلوه خفت لا اطلع اجگم كدامها ......دسوق سوق صاير فطير يويل
عمار :لك غير هسه تنصعق من تشوفها الله يستر عليها جمال وشرف وشايله خشمها متباوع لاكبر واحد ما ادري هذا عدي ابن المبخته شلون خلاها تحبه  ولو هنا البنيه مو بسهوله تلگاها عريس لو بغداد جان مباوعت عليه
شاهين :دبلع لسانك صاحبك هياته واگف بالباب
عدي :هلو شباب شلونكم
عمار شاهين :هلو
شاهين وصلنا لبيت البنيه هي شقه طابق ارضي بيها حديقه وباب خارجيه دك عدي الباب
وخرت البرده شافتنا يله فتحت الباب صدك اول ما طلعت انصعقت معقوله اكو هيج بنيه حلوه ما بيها عيب الله يستر عليها هاي اذا اخذها ما اطلگها واخلي عدي يلطخ راسه باكبر حايط
سلمت علينا حتى صوتها حلو  دخلنا للصاله اتبعت اسلوب الخنسه گأنه مدا اشوفها  بس بالحقيقه اني دا افصلها تفصيل من اصبع رجلها الى راسها
جابتلنا عصير من قدمته عرفتها معتنيه بنفسها من ايدها واظافيرها طويله تلمع مبينه نزاكه 
عدي فتح الموضوع اني گلتلها انت موافقه اعقد عليج شفتها مستحيه من عمار ولان رجلها السابق گاعد.
گتلها كدامهم اريد احجي وياج على انفراد واسمع رأيج
البنيه وافقت طلعنا للحديقه سألتها انت تقبلين اعقد عليج بعقد شرعي يستوفي كل شروط الزواج
گلتلي يعني شنو  طبعا اني بداخلي دا اخذ موافقتها كزوجه الي
بس خفت لا متصير السالفه من اصارحها وتالي تبطل ومتقبل وعدي يشوف واحد ثاني يضحك عليها
گتلها لازم ادخل عليج يله يكون العقد مو باطل
ولعبت عليها گتلها تبقين ويايه شهر اذا مصار حمل اطلك  اني جنت غافل عن هالموضوع بالشرع هم متوقع اذا ادخل عليها وبعدين اطلگها تلزم عده وترجع لرجلها گلت ابقيها يمي شهر بلكت نتفق
ونكمل سوا
البنيه بالاول مقبلت گتلها ماعندج غير حل وليقشمرج عدي اي واحد يحللج اله لازم يدخل عليج
مياده :من سمعت كلامه متت خجل بس ما اعرف ليش امنت بي وبالاخص من نبهني من عدي ليلعب عليه بهالموضوع
بقيت متردده شويه بس من الضغط والايام الي بقيتها وحدي وعدي وملحته ما فكرت صح مجرد شعور بالاحباط واريد ارجع متزوجه لان اهلي ميدرون بالسالفه ردتها تفض بسرعه وافقت گتله للولد موافقه
شاهين :من وافقت  گتلها  شوكت تريدين نعقد انطيني خبر   
جاوبتني  ان شاء الله ....بس مبينه قلقه ردت اطمنها من ناحيتي گتلها همزين طلعتي حلوه حتى من ننفصل واتقدم لوحده اگلها زوجتي الاولى
حلوه
ابتسمت جاوبتني شكرا
بعدها دخلنا يم عدي وعمار واتفقنا باجر نعقد
من طلعنا من عدها عدي سألني شنو حجيت وياها گتله سمعت منها الموافقه  وگتلها تحدد الوقت الي تريد نعقد بي وترجعولي الخبر
عمار : لازم نشوفلنا مأذون لان زواج المحكمه اطول موافقته لغير الاماراتيين لازم بي اجراءات
عدي :خلص اني ارتبها