مياده

الثاني عشر

#قصتي_مياده
#بقلم_الكاتبه_اماسي_الليل
#الجزء_الثاني_عشر
حقوق النشر محفوظه
ورا ساعة طلعنا اخذنا غرفه نوم وراها اخذني اشتريت شغلات محتاجتهم گلي اخذي ملابس نوم اخذت قطعتي گلي اخذي بعد  گتله عندي شغلات حلوه بالامارات  عگد حاجبه وخزرني گلي كلشي قديم ذبي انتبهت شنو يقصد .....راح ابقى اتعامل ويا  بغباء وبدون تفكير وهو يتنرفز ويعصب بسرعه ......اخذت كم شغله حلوه ... طلعنا ....سألني شنو نتغدا جاوبته بكيفك  صعدنا بالسياره بس سديت الباب انفجر
شاهين :تنبيه اخير افصلي حياتج القديمه عن حياتج ويايه
يعني متفكرين من تگليلي عندي... تريدين تلبسين ملابس لابستها لعدي وهو مشتريها..... كدامي انت تنسين نفسج لو تتخيليني عدي من تحجين ويايه
مياده :عصبت عليه ونزلت ادموعي گتله كافي الله يخليك والله تعبتني وحرت شلون ارضيك والله ادري انت شاهين والشخص الوحيد الي بقلبي وبدماغي هو انت ....وعدي من يوم الي غلطت بأسمه كدامك مسحته من دماغي حتى ما اجرحك مره ثانيه اني مشكلتي عفويه ويا الاشخاص الي احبهم واعتبرهم قريبين عليه ما افكر بالكلام من احجي وانت تحسس مني واگفلي على الزله شكد احاول اظهرلك مشاعري واتوددلك تنسى ويا غلطه وحده
شاهين : بعصبيه ....لتغلطين من تعرفيني حساس اتعلمي اني تفكيري رجعي اريدج بين ليلة ويوم تمسحين كل الي عشتي قبلي تبريراتج كلها متدخل دماغي
مياده :احنه ممتوافقين وبديناها من الاول مشاكل واني بعد ماعندي قابليه للتحمل خلص كل واحد يروح من طريق هم انت ترتاح مني ومن اغلاطي وهم اني اريح نفسي وما انجبر ارضي احد على حساب نفسي
شاهين :مشكلتها عصبيه ومن تفقد تستسلم ودور انفصال
اخذتها على كد عقلها جاوبتها الي تردي يصير
مياده :وديني لبيت رغد
شاهين :بعدج على ذمتي عندج بيت من اطلكج روحي لبيت رغد بقت طول الطريق تبچي
وصلنا للبيت  هي صعدت للغرفه   اني بقيت جوه
انتظر العمال يجيبون غرفة النوم من وصلوا صعدت للغرفه گتلها روحي يم غزوه بالمطبخ 
مياده :نزلت يم غزوه عرفتني باچيه سألتني شبيج گتلها مابيه شي شاهين عصب عليه وانقهرت
غزوه :يمعوده هم كلهم هيج اعصاب بس ورا دقايق يتندمون والحلو بيهم يسيطرون على غضبهم اني غزوان صار سنه ونص متزوجين شكد يعصب بس ابد ميمد ايده عليه انت اتعلمي من تشوفي عصبي اسكتي
مياده :هي هاي مشكلتي اني هم عصبيه وافقد وما اركز بالحجي من يطلع بساعتها بعدين اتندم
عزوه :هذا غلط لان اكو كلام من يطلع ويجرح .....المقابل ميكدر ينساه ولا يعتبره  طلع بساعة عصبيه
مياده :عفيه غزوه علميني على اطباع شاهين وكل الي بالبيت ترى اني غبيه انفعل بسرعه
عزوه :اهم شي بساعة المشكله تسكتين خلي هو يحجي براحته بعدين من يبرد وعاتبي واحجي الي تريدي لان راح يفتهمه ويتقبله مو مثل من هو عصبي ....وبالحجايه الحلوه تبرديهم وتخلي يرجع طبيعي
مياده :احاول   ورا شويه اجتي خالتي يمنا  دتسأل صار الغدا .....  سألتني بيج شي جاوبتها لا خاله سلامتج  .....سألت على شاهين گتلها فوگ ويا العمال ديشدون الغرفه
گالت سمعت صوت  رياجيل من دا اصلي .....ان شاء الله بالخير عليكم تتهنون بيها
جاوبتها شكرا بقينا تقريبا ساعتين بالمطبخ اني وغزوه وراها يله اجى غزوان گلي خلصوها شاهين يگول اصعدي نظفيها
غزوه حبيبتي ترى متنا من الجوع حضري الغدا نص ساعه صبي بين متخلص مياده
مياده :لا اخذو راحتكم اني ما اشتهي هسه من اجوع اصبلي
غزوه :لعد اصب هسه
غزوان :صبي حتى اصيحهم
مياده :صعدت للغرفه بديت انظفها
شاهين :دخلت  للمطبخ صابين الغدا وكاعدين ينتظروني سألتهم وين مياده غزوه گلتلي متشتهي هسه صعدت تنظف الغرفه
گتلهم اكلوا هسه اجي .......صعدت للغرفه فتحت الباب لگيتها دتنظف گتلها غسلي ايدج وانزلي ويايه
مياده :ما اشتهي من اخلص شغل انزل اكل
شاهين : بنتر امشي ويايه اتغدي بعدين نظفي
مياده :غسلت ايدي ونزلت وياه ...صبيتلي شويه كعدت اكل وياهم  گلي بصوت ناصي من ننجمع كلنا على السفره حتى لو متشتهين تكعدين بصفي  

مياده :خلصت تنظيف الغرفه وعطرتها فتت للحمام سبحت ...حسيت ظهري يوجعني تمددت على الفراش  ورا شويه دخل شاهين نام بصفي گمت لبست الدشداشه السوده وصلت للباب گلي وين نازله جاوبته يم غزوه
شاهين :غزوه هيج وكت تصعد يم رجلها من ينزل تنزل وياه   .......تعالي صيري حبابه مثلها ونامي بصفي
مياده :نزعت دشداشتي  اخذت دوشگ فرشته بالجهه الثانيه ونمت عليه اول ما خليت راسي نمت من التعب
شاهين :بداخلي اضحك على سوالفها خليتها براحتها نمت

كعدت على صوت باب الغرفه دتندك  نزلت غطيت مياده ورحت فتحت الباب
غزوان : شاهين هم يله بدل دنروح لبيت عمي
وامي تگول اتفق ويا غسان شنو يجيب للثواب لان  عماتي وخالاتي اليوم  يجون حتى  هم يعرفون بموضوع زواجك
شاهين :ماشي هسه انزل.......مياده مياده
مياده :شاهين عوفني مرتاحه هنا ما اريد اصعد 
شاهين :ابتسمت منو گلج كعدتج حتى تصعدين يمي اصلا الفراش مريح وحدي
مياده :خلص عوفني انام ظهري يوجعني
شاهين :وين يوجعج .......اشرتلي وهي مغمضه
بديت افرك المكان واحجي وياها......اليوم راح يجونا خطار يتعرفون عليج حتى الكل تعرف بزواجنا
مياده :انداريت منو راح يجي
شاهين :عماتي وخالاتي ومرت عمي  ....ومرت عمي خالد ام عمار تعرف واتفقت وياها تحجي نفس الحجي الي فهمته لاخوتي
مياده : شوكت يجون
شاهين :ما اتوقع يتأخرون ......هسه ارتاحيتي يله گومي حضريلي ملابسي اريد اطلع
مياده :سألته شنو اطلعلك گلي دشداشه لان راح  يجي يمنا شيخ
من ديبدل ملابسه وواگف گبال المرايه ديتعطر شكله يخبل يمكن لان مامتعوده اشوفه بهذا اللبس عجبني .....شفته ابتسم گلي مو بس انت معجبه عندي هوايه معجبات
مياده :على شنو انعجب اني احلى منك
شاهين:ههههه اني گلت انت محلوه ؟بس عيونج فاضحتج
مياده :شيخ ترى انت كلش مغرور اني الاعرفه الشيوخ يكونون متواضعين
Um.m
اماسي الليل