مياده

التاسع

طلعت الصبح للمطار
ورا كم ساعة وصلت لبغداد  بالطريق اتفرج على الشوارع والصبات الكونكريتيه حسيت داخله بلد غريب عليه كلشي متغير اخر مره طلعت من العراق ورا السقوط بسنه لسوريا بعدها انتقلنا للامارات
اخذت خط عراقي من مطار بغداد حتى اتواصل ويا رغد بت عمتي .....لان نسيت الشوارع والمناطق اتصلت عليها هلو رغوده
رغد :الحمد لله على السلامه انت وين
مياده :بالسياره هاج دلي للسايق  ......دلته رغد ورا ساعه وصلت من الازدحامات لبيت رغد
رحبت بيه انطتني غرفة ابنها الصغير عدها بنات٢
وحده طالبة كليه والثانيه اعدادي والولد متوسطه وزوجها دكتور اول ما اتزوجته جان هسه متخرج واوضاعه الماليه صعبه وبقت  مساندته  ومن راتبها جانت تدفع قرض بيتهم الى ان ورا سنوات الله فتحها بوجهه واول ما جازاها  اتزوج عليها وحده صغيره بالعمر  وهو حاليا عايش ويا مرته الثانيه ورغد باقيه على ذمته لكن بس على الورق علمود بناتها وابنها بمجتمعنا الظالم  ميرحمون المطلقه ولا اولادها البنيه من يتقدملها احد ويسمعون امها مطلقه    البعض يرفضها  لكن الي مرت بي كبرها فوگ عمرها عمرعشر سنوات

ورا ما رتبت غراضي نزلت يم رغد بالهول وكعدنا سولفتلها كل القصه نصحتني ما اخلي رجال يلعب بيه لو يذلني ماطول ماعندي اطفال اطلب الطلاك واعيش حرة نفسي
بقينا اني وياها وبناتها نسولف ونضحك    
لليل كل واحد راح لمكانه ينام دخلت للغرفة طلعت تلفوني العراقي  ودخلت كل الارقام الي بالورقه الي كتبها شاهين .....لان الاماراتي ميشتغل بالعراق ....غلقته من ركبت الطياره .....فتحته من اشتريت خط عراقي على كد اخذت رقم رغد ورجعت غلقته وبقى بالجنطه
ثاني يوم .........ب ١١الصبخ طلبت من رغد توصلني لعنوان بيت شاهين الي بالورقه حتى اذا ملگيته اخليهم ينطوني عنوان مكتبه
رغد سألتني راح تعرفيهم عن نفسج من تروحين جاوبتها لا ما اكدر لان ادري محد يعرف بالموضوع طلعنا للمنصور لبيت شاهين بقيت مستغربه رغد گلتلي متغيره المناطق جاوبتها اي
كلشي متغير وصلنا لباب بيت شاهين بيتهم حديث وكلش چبير نزلت دكيت الباب بقت رغد منتظرتني طلعتلي ولد عرفته اخو شاهين  گتله مرحبا
غسان :اهلا
مياده :بلا زحمه شاهين موجودعندي شغله يمه
غسان :مموجود طالع بشغله ساعة ويرجع تحبين تنتظري واذا اكدر اساعدج اني اخو غسان
مياده : متأكد ساعة ويرجع حتى انتظره
غسان :اتفضلي هسه ادك عليه وانطي خبر
مياده :رحت لرغد گتلها روحي راح انتظره من اخلص اتصل عليج ارجعيلي گلتلي ماشي

دخلت للبيت  كعدوني بالصاله  ورا دقايق اجتي بنيه محجبه حلوه ومرتبه لابسه اسود ...سلمت عليه گلتلي اني زوجة  غزوان  بقت كاعده يمي 
غسان :الو
غزوان :الو
غسان :اگلك غزوان شاهين يمك دا ادك عليه ميرد
غزوان :ميكدر يحجي هسه كاعد ويا الزلم هاهيه اتفقوا هو يلزم بعد ابويه
غسان :بيها الخير اگلك اكو بنيه اجتي عليه وهسه هي ويه غزوه بالصاله دتنتظره
غزوان :منو معرفت اسمها شلون شكلها
غسان :شابه صغيره كلش حلوه بس معرفت اسمها گلتلي جايته بشغله
غزوان :ماشي هسه انطي خبر بس يخلص
ورا ساعه خلص شاهين دنطلع للسياره گتله شاهين اكو بنيه بالبيت صارلها اكثر من ساعه تنتظرك جايه عليك بشغله گلي غسان
شاهين :منو معرفتوا
غزوان :يگول بنيه شابه كلش حلوه
شاهين :اتصلت على غسان....الو
غسان :الو هلو شاهين
شاهين :منو هاي البنيه معرفت وبعدها موجوده  لو راحت
غسان :اسمها مياده هسه رادت تطلع وغزوه بقتها گلتلها على جيه ميتأخرون بعد اكثر من ساعة
شاهين :انصدمت من عرفت مياده مرتي ببغداد ومن البارحه لليوم الصبح بالي يمها انتظر منها رد ماكو
جاوبته غسان وديلها التلفون
غسان :وديت التلفون لغزوه گتلها انطي للبنيه شاهين رايدها
غزوه :تفضلي شاهين على الخط
مياده :ارتبكت لان البنيه موجوده اخذت التلفون الو
شاهين :من شوكت انت ببغداد
مياده :البارحه وصلت
شاهين :انتظريني هسه جاي بالطريق
مياده :انتظرك
شاهين :حسيت نار وشبت بيه من البارحه اعصابي تلفانه ماكو منها خبر وللصبح منايم وتالي جايه لبغداد بدون علمي وما ادري وين كاعده الافنديه بكيفها اظاهر اني مو رجال بعينها
بسيطه يا مياده
غزوان :شاهين مياده مرتك
شاهين :اي
غزوان :وشراح تسوي
شاهين :على شنو
غزوان :كدام البيت راح تخليهم يعرفوها مرتك لو مراح تحجي
شاهين :ما اعرف خلي افكر صح
وصلنا نزلت وانطيت لمفتاح لغزوان يقفل السياره
بسرعه دخلت للبيت فتحت باب الصاله
اندارت عليه صارت عيني بعينها
من شفت غزوه لزمت نفسي وعصبيتي سلمت
مياده ردت السلام لكن بتجاهل ورسميات 
غزوه سألتني غزوان اجى جاوبتها اي  اترخصت وطلعت بقينا وحدنا
مياده :بقيت صافنه عليه شكد حلو اول مره اشوفه لابس دشداشه وغتره مثل الاماراتيين
من طلعت غزوه شفت نظراته ما بيها ترحيب بالعكس عصبي ومندار دينتظر البنيه اتسد الباب ونبقى وحدنا حتى ينفجر بيه
سبقته من شفتها سدت الباب  اندار عليه گتله اسفه  اجيت بدون علمك بس ماكو داعي مترد على مسجاتي واتصالاتي  كلت اوفر عليك ماكو داعي ابقى معلگه انتظر شوكت تجي وطلگني
شاهين :تقربت عليها بعصبيه لزمت ايدها انت بأي حق تسافرين من دوله لدوله بدون علمي وفوگاها من البارحه موجوده هنا واني ما ادري شنو متزوجه طرطور تصرفين بكيفج
مياده :انت جبرتني اجي جان المفروض تگلي خلص بعد ما اريد اكمل وياج واني افتهم
شاهين :دقيقه لتاخذيني بلسان وين جنتي بايته البارحه
مياده :يم رغد بت عمتي وهي وصلتني
شاهين :ومنو گلج ما اريد اكمل وياج وراح اطلگج خلي افتهم
مياده :ميحتاجلها فهم من عرفت ...مرت عمك درت بيه مرتك ...ضجت لا متريد احد ببغداد يعرف لذلك قطعت الاتصال بيه دتوصلي الفكره ولتخاف هنا هم محد يدري گتلهم عندي شغله يمك مجبت سيرة اني زوجتك