-الو
-ايوة يا سامح
-أنا مش مصدق نفسي، أنا بحلم صح؟
-لا يا شقيق مش بتحلم، إزيك يا صاحبي؟
-إزيك انت يا عم! ههه و الله واحشني جدا يا تمورة
-يا ابني مش اتفقنا الإسم الزبالة ده مايتقالش
-يا سطا مشيها بقى دي أول مرة أسمع صوتك من زمن، صحيح يا تامر انت أختفيت كدة مرة واحدة لية؟ مش تقوللي هتختفي فين طب؟ و لا أنا مش قد المقام؟
أدرك تامر حالة السعادة و الغبطة التي فيها سامح و قرر استدراج الأمر في محاولة عدم وضع أحد في مرمى النيران كي لا يحدث ما حدث منذ سنوات:
- أعمل ايه بقى، الدنيا كدة يا معلم، و أهو اللي ربنا عاوزه بيمشي، بس الحمد للّه انا احسن بكتير من آخر مرة شوفتني فيها
-مقولتليش يعني دخلت كلية ايه؟
تنهد ثم قال:
-تجارة
-خش في لحم أخوك، تجارة دي هتحس بقيمتها لما تبقى في شركة زي اللي انا فيها بعد ما تتخرج إن شاء الله. واحشني قوي يابني، الشلة كلها وحشتني
-اه صحيح، أخبارهم ايه؟
-زيي زيك، أخبارهم اتقطعت من ساعة ما نت مشيت
-ليه كدة؟
-انت اللي كنت مجمعنا، من غيرك كل واحد شاف أكل عيشه
-طب....ما وحشتكش ايام زمان؟
-انت بتفكر في اللي انا بفكر فيه؟
-عاوزين نتجمع، أنا راجع
صرخ سامح بأعلى صوته:
-اللّه! هو ده الكلام، ده الليلة فرح!
توالت الضحكات بينهما، ثم تذكر تامر سبب رحيله؛ كان مكان تجمع الفرقة بجانب منزل والديه لقربه من كل الأعضاء، بعد موتهما شعر أن كل ما يتعلق بهما يشعل نارا في قلبه، لم يستطع أن يكون بالقرب من ذاك المنزل بعدها، لم شتاته و وجد شقة أقرب للجامعة يدفع إيجارها من معاش والديه.
بذلك نسي كل ما يتعلق بهما.
و عليه الآن أن يتذكره من جديد.
-أنا هكلم كل الناس، أجيب الدرامز؟
-يابني اسمها drums
أنا فخور باللغة العربية الفصحة و هفضل اقولها كدة ملكش فيه! بكرة قدام القهوة؟
-8 بالليل
- والله ليك شوقة يا تامر
********************
حاملا حقيبة ظهره، منكسا رأسه، ذهب محسن الى النادي الزياضي، موعد التمرين يوم الجمعة يكون بعد الصلاة، الوقت الذي يرتاح فيه الناس، سبب آخر يدفع محسن لكره هذا التمرين.
أنت تقرأ
Φ فاي - محاولة فاشلة
General Fictionأربع أشخاص.. لا تربطهم صلة.. فقط رؤية المجتمع لهم على أنهم فاشلين.. تجبرهم على القبول بذلك. و تأخذهم الحياة نحو منعطفات حادة.. تؤذيهم...تصدمهم...و تبكيهم لكنها تعلمهم أنه لا يوجد ما يسمى بالفشل.
