اخرج تامر صندوقا متربا من فوق دولاب والده، و عندما فتحه وجده مليئا بالصور؛ صور كثيرة لنجوم السينما من ايام الزمن الجميل، ها هي صورة لعمر الشريف، و ها هي صورة مهترئة لعادل إمام، هذه صورة لأحمد زكي...لكن مهلا، الشخص الذي يقف بجانب أحمد زكي هو والد تامر!
قام تامر بقلب الصندوق رأسا على عقب و أفرغ جميع محتوياته، فرأى ان في اسفل الصندوق ظرفا لم يفتح مكتوب عليه اسمه، كاد ان يفتح الظرف لكن سامح دخل عليه الغرفة:
-بقولك ايه يا صاحبي، انا لقيت فواتير كتيييير مركونة جنب الباب، انت مبلغتش ان اهلك ماتوا عشان يقفلوا العدادات؟
-انا مكنتش اعرف اني المفروض اعمل كدة
-طب يا معلم دلوقتي المحصل بيعدي على الشقق و انا معيش غير اتنين جنيه اروح بيهم
-و انا برضه، تعالى نطلع من السلم اللي ورا
***************
بملامح متجمدة، و دموع لا تنزل من جفنيه، قال علي :
-اتخطبت، نيللي اتخطبت
لم تر ريم ابدا اخاها يتكلم ببطء، هذا الحزن الذي يشعر به ليس له سابقة او مثال
-انا...مكنتش مستني منها انها تقولي انها بتحبني، اذا كنت انا اصلا مقولتلهاش اني..
ظل صامتا حتى ظنت انه لن ينطق مجددا في حياته
-انك ايه؟
اخذ نفسا و تحدث بصوت مرتفع:
-إن انا زهقت!
***************
- من المدرب يعني؟ عندك حق، انت لو بيدربك مدرب حقيقي كان زمانك بطل الجمهورية
انتهد محسن:
-مش منه بس
-اومال مني؟
-لا ياعم، ده انت الوحيد اللي بعرف احكيله اصلا
-حبيبي تسلم
-متبقاش فصيل بقى
-ايوة فهمني ايه تاني اللي انت حاسسه؟
-انا زهقت من الكل، انا زهقت!
*****************
وجدت الأم ان سلمى بدأت هي الآخرى تبكي بحرقة:
-خلاص يا حبيبتي متعيطيش، انا اللي غلطانة على نسيان العصفور
-مش بعيط عشانه، انا ....افتكرت بابا...
افتكرت قد ايه كان بيهوّن علينا كل حاجة..
كان شايل عننا كتير قوي.
دلوقتي مضطرة اواجه كل حاجة، و كل الناس، و انا بجد مش قادرة..
انا زهقت!
**************
فور خروجهما من المنزل، بدأت السماء تمطر، وضع سامح غطاء الرأس الخاص بسترته، اما تامر فظل كما هو
-مش خايف يجيلك برد؟
لم يرد تامر، فوضع سامح يده على كتفه:
-متخافش يا صاحبي، هتتحل
اجاب تامر ببرود:
-انا مش خايف...انا بس..
ثم استغل كون الشارع فارغا من الناس بسبب المطر، فنظر للسماء، و بدأت قطرات الماء تتساقط على وجهه، و صرخ بأعلى صوته:
-انا زهقت!
**************
-زهقت من ان كل الناس شايفاني فاشل، كل بطولة ادخلها اخسر، و كل المدرسة بتستحقرني، مع اني بحاول...
**************
-بحاول على قد ما اقدر اني ابين حبي ليها، بس مفيش فايدة...
**************
-مفيش فايدة، بذاكر و بتعب و ببعد عن صحابي، و برضه من ساعة ما بابا اتوفى و الناس شايفاني زي ما انا...فا..
**************
-...شل، فاشل في كل حاجة، في الغناء، في الكلية، كل حا..
**************
-..جة، كل حاجة، رياضيا..اجتماعيا، و معادا انت يا رامي معندش صحاب...صحا..
**************
-..بي كلهم بايظين، حاولت ارجع للصح..
**************
-بس الصح بيمنعني من اني ارجع....
**************
-مكتوب عليا كل مرة احاول....
**************
-تطلع محاولة فاشلة...
**************
-مكتوب عليّا....
**************
-افضل...
**************
-فاشل...
**************
-طول حياتي...طول حياتي.
**************
"قف..
قلتها لك من قبل..
و سأقولها لك مجددا...
لا يوجد ما يسمى بالنهايات السعيدة."
**************
أنت تقرأ
Φ فاي - محاولة فاشلة
Genel Kurguأربع أشخاص.. لا تربطهم صلة.. فقط رؤية المجتمع لهم على أنهم فاشلين.. تجبرهم على القبول بذلك. و تأخذهم الحياة نحو منعطفات حادة.. تؤذيهم...تصدمهم...و تبكيهم لكنها تعلمهم أنه لا يوجد ما يسمى بالفشل.
