سلمى تتصل بمجاهد
مجاهد : الوو حبي
سلمى : هلا حبيبي
مجاهد :: كيفك سلومتي و جديدك
سلمى : تحكي ليهو الحصل
مجاهد : كويس انك قلتي ليهو مخطوبة ، عشان ما يجونا ناطين ناس شغلك ديل قولي ليهم انك مخطوبة بالجد
سلمى : فكرة كويسة والله
خلاص حانفذها انا
سلمى كلمت ناس شغلها انها اتخطبت و اي زول كان عايزها انسحب لمن عرف خطبوبتها
ومرت الايام و
العيد بتاع الضحية جاء و سلمى منتظرة حبها يجي عشان يعقد عليها لكن مجاهد ما جاء و بقى يشوف ليها اعذار
سلمى : حبي العيد جاء انت جاي متين عشان اجهز نفسي
مجاهد : انا عايز اجي حبيبتي لكن عندنا قريبنا هنا و هو في المستشفى و اجراءتو عملوها بي اسمي لاني صيدلي و بعرف اتعامل مع الدكاترة
سلمى : كويس حبي ، دا عمل خيير و ربنا يساعدك فيهو و انا بحبك عشان حبك للغير دا
مجاهد : كان نفسي اكون معاك و اجي لكن ما بالبيد حيلة و اول ما الزول يطلع من المستشفى حاجي السودان
و مرت الايام و الاسابيع و مجاهد بماطل انو يجي السودان و العرسان بيتقدمو لي سلمى و هي ترفض عشانو على امل انو يجي و يخطبها و هو مبسووط بانو يجرجر فيها و متواصل مع خطيبتو و متفقين على اي حاجة و سلمى مضغوطة من ناس بيتهم و صحباتها و هي تدافع لي مجاهد قدام صحباتها
في يوم قررت تتكلم معاهو و تحسم الموضوع
سلمى : مجاهد انت مش بتحبني طيب لييه ما عايز تجي و انت شكلك ما عايز تجي اصلا
مجاهد : افرضي انو ما عايز اجي عشانك ، اها يعني ما حأجي عشان اهلي !! ، دي كلها اوهام منك و انا كمان مشتاق ليك و مشتاق لي امي و اطمني اني حاجي نهاية الشهر دا وعد
سلمى : و لو ما جيت و حصلت ليك ظروف زي كل مرة توعدني انو تجيب اهلك يخطبوني و انت وقت تجي تعال البيت
مجاهد : اوعدك حبي اني لو ما جيت ارسلهم يجو
و مر الشهر بسرعة و جا الوقت المحدد البين مجاهد و سلمى و تسلمى ترسل لي مجاهد عشان وعدو ليها و مجاهد يقول ليها
يتبع....
