سلمى : شي جميل منك و الله
و سلمى من جواها بقت تنجزب لييه لانها شافت فيهو الحنية لكن ما عايزة تعبر عن الجواها الا بعد تتاكد من مشاعرها و بقت تاخد رايو في حاجات عشان تشوف فهمو و تصرفو بكون كيف و هو كل مرة يوريها انو الزول الكويس و المثالي و هي بقت تتعلق بييهو
مجاهد : سلمى انا بحبك والله و ان شاء الله اموت هسي لو كذاب
سلمى : الله يرحمك كنت زوول طيب خلاص 😂
مجاهد : غلطان انا و تاني ما بقول ليك الجواي اصلا لانك بتستهبلي علي
سلمى : ما تقول الجواك ، بي راحتك طبعا
مجاهد : كوويس و يعمل زعلان
سلمى : مجاهد ما تضغط علي لاني ما عايزة اتسرع و دي حياة باكملها
مجاهد : طيب خليها للايام حتثبت ليك اني بحبك
سلمى : كدة افضل طبعا ، تسلم
مجاهد بقى يتصل عليها طوالي و خلاها تتعلق بيهو و تحبو و شغال يالف ليها قصص عن شهامتو و المسكينة بقت تصدقو و انو فارس الاحلام العايزاهو
لحدي في يوم
مجاهد : سلمى عليك الله رسلي لي صورة اشوفك و ما ممكن انا لي شهور بعرفك و ما اشوفك
و انتي شفتيني و اوعدك اني امسحها
سلمى : انا بقيت اثق فيك و الله و رضت ترسل ليهو الصورة و رسلت ليهو الصورة
مجاهد : واااو حبيبتي عسل والله
ما مصدق نفسي حاسي نفسي اني بحلم ، معقولة انتي حبي ،، انتي فيكي كل الصفات العايزها و كمان جميلة
سلمى: تخجل و تقول شكرا دا من ذوقك و يلا امسحها بعد دا
مجاهد : حاضر حامسحها بس بعد خمسة دقايق اشبع منها
سلمى : كويس
و مجاهد طبعا ما عندو النية يمسح الصورة و خاتاها مع اللستة العندو من البنات البعرفهم و البنت عجبتو و قال يتسلى بيها شوية لحدي يرجع السودان يعرس بت خالتو
مجاهد : سلمى حبيبتي دا منو العمل ليك لايك لمنشورك 😏 ، تاني ما تتكلمي مع اي زول لاني بغيير
سلمى : انت الوحيد العاجبني و ديل بس مجرد اصدقاء و فيها شنو لو عملو لايك
مجاهد : ما فيها حاجة لكن انا بغيير يا سلومتي
سلمى : ما تضغط علي و كمان انا لسه ما وصلت مرحلة الحب تجاهك و قلت ليك عاجبني بس
مجاهد : طيب اسف و بمرور الايام حتحسي بحبي متاكد
مجاهد بقى يحاول يتقرب اكتر لسلمى و في يوم من الايام سلمى مرضت و مجاهد مهتمي بيها و يسال منها طوالي و سلمى اقتنعت بيهو و اتاكدت انها حبتو و انو دا الحب و كان اول حب في حياتها لكن طبعا لزوول كذاب و هي ما عارفة
و في يوم سلمى اتصلت على مجاهد لقت تلفونو مشغول و الغيرة مسكتها
و مجاهد رجع ليها بعد انتهى من المكالمة و كان بتكلم مع واحدة من البنات الغاشيهم
مجاهد : سلوم
سلمى : اهلا 😡
مجاهد : مالك قايلاها كدة
سلمى : مافي حاجة بس شكلك مشغول و ما فاضي
مجاهد : لو قصدك التلفون انا كنت بتكلم مع امي
سلمى : بالجد 😍
مجاهد : ايوا والله
سلمى : يادوب قلبي ارتاح
مجاهد : قلبك 😳
سلمى : ايوا قلبي لاني بصراحة حبيتك كمان 🙈
مجاهد : اخييرا حبيبتي حسيتي بي ، انا اسعد زول في الدنيا و ربنا يخليك لي ، اتاكدي انا حاسعدك طول عمري
و بينو و بين نفسو بقول ااااه
اخيييرا السنارة غمزت و قدرت اوقعها ..
يتبع....
