سلمى: ما برسل ليك صورتي و ما عايزة اعرفك ، تاني ما ترسل لي
مجاهد : ليه يا سلمى ، انا زوول جادي و عندي اخوات و اوعدك اول ما اشوفها امسحها لاني لازم اعرف الشخصية البتكلم معاها
سلمى : لو طلبت مني كدة انا حاحظرك و عشان كدة قفل على الموضوع دا
مجاهد : كويس يا ستي و انا ما حاضغط عليكي
سلمى : كويس كدة لاني ما بحب ارسل صوري لزول
مجاهد : لكن انا ما اي زول و انا زول بخاف الله و جادي و عندي اخوات كمان و عايزك على سنة الله و رسوله
سلمى : انت ما شفتني و انا ما بقول موافقة لكن انت خليها للزمن و القسمة و لما تجي السودان بنتفاهم
مجاهد : كويس يا ستي
..مجاهد بينو و بين نفسو البنت دي راسها قوي و ما عارف ادخل ليها كيف ، لازم اخليها تحبني عشان براها ترسل لي صورتها لاني انا قاعد في غربة اتسلى بشنو و البنات الساهلات ديلك ما بعجبو و الصعبة دي بتكون تحدي لي و تسلية ، لكن انا بعرف اجييب راسك يا سلمى و اخلييك تحبيبني و بدخل ليك بالحنية و كدي النرسل ليها و احببها فيني حبة
مجاهد : السلام عليكم
سلمى ما كانت داخلة و لما دخلت لقت رسالتو و طنشت و قالت دا الشنو الزول الدمو تقيل دا و ابت تفتح الرسالة و مشت نامت
و طبعا مجاهد اتحرق منها و حالف يجيب راسها و تاني يوم الصباح رسل ليها
مجاهد: صباح الخير سلووم
سلمى : سلوم مرة واحدة
مجاهد : قلت ادلعك حبة لانو مافي زول معبرك 😂
سلمى : هههههه ما بتقصر يا اخوي
مجاهد : اخووك 😡
سلمى : ايوا اخوي لحدي ما نشووف بعض و تجي
مجاهد : كويس يا زولة
و يبدو يتونسو و مجاهد يحاول يوصل ليها انو الزوج الكويس فقال ليها
مجاهد : طبعا اليوم زوجة اخوي كانت عيانة الصباح و انا هسي في المطبخ بجهز الشاي ليهم
سلمى : ما شاء الله ، كمان بتعرف تعمل الشاي ، انا كنت قايلاك بيض ما بتعرف تسلقوا 😂
مجاهد : اي لازم اساعدها لانها كل يوم بتخدمنا و هسي محتاجة لينا لانها حامل و مافي زول بساعدها و انا طوالي بساعدها في الاكل و حاجات البيت
سلمى: اهاااا باستهزاء كنت مفتكراك غير الفيس ما عندك شغل تاني
وهو يتغاااااااظ لكن يعمل فيها مطنش ويضحك من خشمو ومن جواهو مغيوظ و مصر انو لازم يكسرها ويبدأ الشيطان يديهو مدخل خرااااااافي ما خطر على بال بشر.
مجاهد : اصلا انا بعد زواجي بعدين زوجتي ما حاخليها تعمل شاي الصباح ابدا و انا كل يووم حاعملو ليها و اجيبو ليها في سريرها و البس و امشي شغلي
سلمى: ...
يتبع...
