في الجانب الاخر
يخرج محمد من مكان الشغل ويتوجه الي اقرب صرافة ويحول مبلغا من المال لأهله لشراء مستلزمات الخطوبة الشبكة والفستان والعطور والكريمات وحتي الحلويات والخبائز ويخبر والدته بأن الخميس القادم هو الموعد الذي ضربه مع أبودعاء فستذهب كل الأسرة الصغيرة لمقابلتهم واكمال مراسم الخطوبة، وأسرعت أم محمد في التجهيزات ويوم الثلاثاء كان كل شيء مكتملا فقط في انتظار اشارة التحرك..
دعاء وأسرتها منذ فجر يوم الخميس كانوا في أتم الاستعداد لاستقبال ضيوفهم الموعودين فقد كانت أسرة سودانية أصيلة وغاية في الكرم وفي السادسة والنصف مساء دق باب بيت ابو دعاء فنهض بنفسه ليفتح الباب وكان في استقبال ابو محمد وأسرته وجلس ابو محمد وابنائه مع ابو دعاء وابنائه وام محمد وبناتها مع ام دعاء وبناتها وفي تلك الأثناء كانت دعاء ومحمد معا على التلفون وبينهما مساحات من السعادة
غمرتهم اسرة ابو محمد بالهدايا وغمرتهم أسرة ابو دعاء بالكرم الحاتمي وخرجت العروس من غرفتها وجلست وسط ام محمد وشقيقته الكبري وألبسوها شبكتها وسط زغاريد الفرح المنطلقة من اخوات محمد واخوات دعاء وفي الخارج بارك ابو دعاء الخطوبة وقرأ الفاتحة وتم تحديد موعد الزواج السعيد في أقرب و هو
بعد ستة اشهر
خرجت أسرة ابو محمد من بيت ابو دعاء قرب منتصف الليل وسط فرحة غامرة وسعادة مطلقة ورضاء تام من الطرفين وزغاريد تشق جوف الليل ويعود الفضل بعد الله سبحانه وتعالى الي الفيس بوك، الفيس بوك الذي جمع رجل صادق هو محمد مع فتاة صادقة هي دعاء..
في الجانب الاخر
مجاهد : ازيك يا سلمى
سلمى : عايز شنو مني
مجاهد : انا ندمان يا سلمى و الله المرة دي بحلف صادق اني عايزك و اني حاجي اطلبك اذا وافقتي
سلمى : لكن انا ما عايزاك انا كرهتك و كرهت الحب و فقدت الثقة في الناس و كمان انت جاي بعد شنو بعد كسرتني !! ، انا شفت المووت بعيني و غلطتي اني حبيبتك بس
مجاهد : سامحيني يا سلمى ارجوووك و اديني فرصة اخيييرة
سلمى : كيف اسامح قلب قتلتني و انا على قيد الحياة
مجاهد : ربنا اخد ليك حقك مني و انا حسيت بغلطي و عايز اصلحو و ارجوووك سامحيني
سلمى : مستحييل اسامحك و انا ما عايزة اسمع صوتك دا ، امشي و انا مستحييل اسامحك طول عمري و قفلت الخط فيهو
كان مجاهد يبكي و ندمان جدا عشان فرط في واحدة زي سلمى و انو مستحيل كان حيلقى زيها و زي اخلاصها ليهو و رجع السعودية و طلق زوجتو و اتعلم من الدرس الاخدو و بقى زول ربنا لكن نفسو سلمى تسامحو و طوالي بحاول يتصل بيها عشان تسامحو و هي رافضة ترد عليه
و في يوم من الايام
....
يتبع....
