مجاهد يتصل لي وليد
مجاهد : وينك يا فردة
وليد : موجود والله ، انت كيفك و كيف مع المزة
مجاهد : خلاص انتهيت منها و طنشتها وما برد ليها بقيت و وصلت للعايزو و كسرت قلبها
وليد : طلعت حريف انو قدرت لسلمى دي لانها عاملة نفسها صعبة لكن وقعت فييك ههههه يا تلميذ ابليس
مجاهد : دا كلامك ههههه انا مافي بنت بتغلبني اصلا 😂😂😂
و هسي المسكينة تلقاها في نفسيات
وليد : تتجازي انت هههههه جننت البنت يا مان و مبروووك يا فردة ، اها ما قلت لي جاي السودان متين
مجاهد : بعد اسبوع طوالي عشان العرس بعد اسبوعين و اوعى تجي ما معزوم 😂
وليد : هههههه شكرا للعزومة و برضو بجي نشوف مزتك الاخترتها
مجاهد :: ظابط يا مان يلا سلام
وليد : سلام
سلمى بقت نفسياتها كعبة و حتى شغلها بقت ما بتمشيهو و بقت انطوائية و دموعها بقت ما بتفارقها و كل يوم ترسل لي مجاهد في الواتس و هو يقرا رسائلها و ما برد ليها و برفض مكالماتها و في يوم رد ليها
مجاهد : نعم في شنو و انتي عايزة مني شنو يا بنت الناس
سلمى ::عايزة اعرف انا عملت ليك شنو عشان تعاملني كدة
مجاهد : خلاص زهجت منك انا و ما عايزاك و خلي عندك كرامة ياااخ
سلمى : ما قادرة تكتب من البكاء و لييه يا مجاهد تعمل فيني كدة انا عملت ليك شنو و هل دا جزاي اني حبيتك و اخلصت ليك و اتحديت الناس كلها عشانك
مجاهد : انتي الغبية عشان صدقتيني و هو في زول عاقل بعرس ليهو واحدة ما شافها و انا بس كنت زهجان في الغربة و عايز لي مووضوع اتسلى بيهو و انتي كنتي احلى موضوع لي لانك قوية و صعبة و انتي عشان ما حصل حبيتي ، انا قلت افوز بي حبك و فعلا قدرت اوقعك بي كلامي و اهتمامي و انتي الغبية فكرتي اني حاعرسك ههههههه
سلمى : منك لله و حسبي الله ونعم الوكيل فييك ، انا عمري ما اذيتك بي حاجة عشان تأذيني كدة و تلعب بي مشاعري و وقفت معاك و رضيت بيك زي ما انت و رفضت اي زول عشانك من دون تفكيير
مجاهد : دا عشان انتي غبية بس و هسي انا ما فاضي ليك و تاني لو سمحتي ما تتصلي بي هنا و خلي عندك كرامة حبة و قفل فيها الخط
سلمى : العبرة خانقاها و بس بقت تقول حسبي الله و نعم الوكيل فيك يا مجاهد
سلمى بقت في عالم تاني لانها بنت احلامها علييه و لقت احلامنا بتتهدم قدامها و فاقت على كابوس و اولادها الاتخليتهم من مجاهد ماتو قدامها و الدنيا اتسودت في عيونها و البكاء بقى رفيقها لمن دموعها جفت من كترة البكاء و حتى امها قررت توديها لدكتور نفسي لانو بقت ما بتتكلم معاهم و تبكي بس و ودتها لدكتور نفسي و سلمى بس فاضلة ساكتة لانو اول حب في حياتها خزلها و بقت الحياة دي كلها ما فارقة معاها و مرضت لانو ما بتاكل و بقى اغلب اكلها بالدربات و مرة تاكل و مرة لا و امها بتبكي عليها كل يووم لانو شايفة بنتها كدة و ما قادرة تساعدها
اما مجاهد رجع السودان و قابل اهلو و شغالين تحضيرات للعرس لان العرس بعد خمسة ايام و عزم اصحابو للعرس
و جاء يوم الزواج و اصحاب مجاهد جو العرس و مجاهد مبسووط و في الكوشة مع عرستو و جا وليد داخل الصالة
لكن اتفاجأة لمن شاف العروسة 😳 لانها طلعت
يتبع....
