الموءودة

الـــبـــارت "¹ الــثـانـي ¹"

امل : مابقى شي كله اسبوع و اكعد بس استلم نتيجه النصف الثاني ..

ام امل : الله كريم يمة ..

امل : كمت غيرت هدومي و صبيت الغدا

كومي لموش اتغدي

لمى : ماريد

امل : يوو يا لمو
يمعودة يعني ما اتعودتي ع هذا الوضع قابل جديدة السالفة
دكومي اكلي كوومي

لمى : راسي يوجعني اريد انام

رند : اكلي امل عوفيها ترتاح و تكوم تاكل
قبل لا يجي مهيمن و يسويله زفة

امل : الله يستر

اتغدينا و صلينا
امي مكسورة حيل بس تكابر ع الكسرة حتى لا انحس بضعفها و ننكسر و نضعف
هي مصدر قوتنا اذا انهدمت ننهدم وياها و بدون مقدمات

مر الاسبوع ع خير
العرايك بالبيت بالشهر مرتين و مرات تلث عركات ضبطنا وقتهن
عدهم استعداد ع خاشوكة تگب العيطه و الصياح
اشكد نحاول ناخذ حذرنا بس نفشل و تفشل كل جهودنا بالحذر
عطلت و گعدت طول الوقت
اقرا للامتحانات الوزارية
ملل و قلق مو طبيعي اريد بس تجي الامتحانات و اخلص من هذا الضغط النفسي

ام امل : هاج يمة

امل : يمةة
ليش تعبتي نفسج اني اصبلي جاي

ام امل : لا داشوفج نايمة ع كتبج حتى شعرج مدتمشطي

امل : والله يا يمة ضغط تعبت
اشكد اقرا احس روحي ممسيطرة

ام امل : عادي هذا من حرصج
ان شاء الله تسهل و تنجحين و ترتاحين

امل : آمين يارب

بقيت سهرانه اقرا للساعه بالـ 2 بالليل تعبت و نمت
احس جسمي متكسر مدري ليش

كعدت الصبح بـ 8 و نص بس اني و امي نبقى بالبيت الصبح كلها تروح
البيت بدون رند و لمى كئابه كمت من الفراش

هااي شنوو .؟
يمةةةةة يمةةةة الحكيلي يمةةةةة

ام امل : ريگت الجهال و ابوهم و راحوا للدوام
بقيت انظف مكعدت امل سهرت ع كتبها سودة علية فجاءة سمعت صياحها ركضت للغرفه

عيوووني يمةةة شبيج شبيييج ..؟؟

امل : من داكوم انتبهت ع بجامتي و رجلي دم ..!
تخبلت من الدم ..
انهاريت كمت اصيح و ابجي ..

يمةة دممم دمممم يمةةة

ام امل : اهدئي يمةة اهدئي ماكوو شي صرتي مرة ليش البجي حبيبتي المفروض تفرحين

امل : حضنتني امي و تهدا بية
اني مابقى بية عقل
راح من بالي الحيض
اصلا مو ابالي لان روحي بعدها طفولية
هدأت بحضنها

ام امل : بنيتي هذا حيض شي طبيعي كل بنية بعمرج تمر بهذا الشي
هذا خلق ربج و هديته للبنات ..