الموءودة

الـــبـــارت "¹ الـــاول ¹"

مروة (صديقه امل عمرها 15 سنة طالبة ثالث متوسط .. بيضة بعيون صفر متناسقه الجسم )

: امول اشريلي تحضير الكيميا بين ما اروح للحانوت اجيب لفات اوووكي

امل ( 14 عام طالبة ثالث متوسط حنطاوية بعيون جوزية بشعر اسود نحيلة الجسد غير محجبة
اصغر فرد بعائلتها و اخ واحد " مهيمن " و خوات اثنين " لمى و رند " )

: ماشي ..

مروة تقف : باوعي شتريدين ببسي لو شربت ؟

امل ترفع راسها : ببسي ..

مروة صديقتي من الاول متوسط روح بالروح اني وياها كولشي نسولف لبعض متضم علية شي و لا اضم عليها شي الا امور اني ماحب احجيها الها صح اعتبرها اختي و ثقة بس مرات البشر ميكدر يحجي كولشي حتى يحافظ ع كبريائه رغم هاي الامور تخنكني و اتمنى افضفضلها بس ماكدر مو كولشي ينحجي و لازم لكل بشر اسرار يتمنى يحجيها بس مستحيل يكدر يبوح بيها رغم هي ذابحتها بداخله

مروة : هااج هااج
احلى شي عندي الكعده بالحشيش و اللفات

امل : عاشت ايدج

مروة : اشرتيلي التحضير ..؟؟
ياااا هاااي شنوو شكد تحضير شيقرالياه و باجر فيزيا و عربي حفظ قصيده و قرآن حفظ السورة
يبوووو و المسلسل لازم اشوفه

امل : هههه داكلي اكلي اشوكت كومتج المعلمة و عرفتي فهميني ؟

مروة : اي و الله صدوك
ولج اشكد ما اقرا ابد مافتهم شي و لا احفظ اقرا منا يطير منا

امل : من ورا المسلسلات غير عوفي التلفزيون و عقلج يكعد وزن

مروة : لااا عيني لااا اعوف القراية و مزاجي يكعد وزن

امل : هههههه عوبة مو بيدج

مروة : اكولج

امل : همم كولي

مروة : تعرفين الحب

امل : اي غير شايفته بالافلام

مروة : ولججج لااا يا افلاام عمى
امول انتي متحبين احد ..؟

امل : لاا احب منو ..؟

مروة : اكيد لان بعدج زعطوطة

امل : ليش انتي حبيتي ..؟

مروة : اي

امل : يعني حبيتي ولد ..؟؟؟

مروة : لا حبيت صخل ..؟ ثول اي ولد لعد شنوو غير ولد ..

امل : هااا
شلون حبيتي ..؟

مروة : مادري هيج فجاءة لكيتني احبه .. امول احساس غريب و كولش حلو .. ياخذج بعالم ثاني ولج كمت اداوم علمود اشوفه ..

امل : من هذا اشوفج تجين بنشاط
ولجج بسلا الحارس ..؟؟

مروة : ياااا دنجبييييي بللا وجهي وجه حارس شنوو هالتفكير